Artsakhpress

Միջազգային

Զելենսկին Facebook-ում հարցում Է սկսել Ռադայի վաղաժամկետ արձակման շուրջ

Ուկրաինայի նախագահական ընտրություններում հաղթանակ տարած Վլադիմիր Զելենսկին Facebook-ի իր Էջում հարցում Է սկսել Գերագույն ռադայի վաղաժամկետ արձակման շուրջ:

Զելենսկին Facebook-ում հարցում Է սկսել Ռադայի վաղաժամկետ արձակման շուրջ

Զելենսկին Facebook-ում հարցում Է սկսել Ռադայի վաղաժամկետ արձակման շուրջ
ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍ-ԱՐՄԵՆՊՐԵՍ: «Դուք պաշտպանո՞ւմ եք Ռադայի վաղաժամկետ արձակումը», մի քանի ժամ առաջ այս գրառումն Է հրապարակված «Վոլոդիմիր Զելենսկի- Ժողովրդի ծառա» Էջում:
Այս հարցումն առայժմ մոտավորապես 2 հազար մեկնաբանություն Է ստացել:
Ուկրաինայի կենտրոնական ընտրական հանձնաժողովի կողմից Էլեկտրոնային արձանագրությունների 99,9 տոկոսի տվյալների ամփոփումից հետո հանրապետության նախագահական ընտրություններում Զելենսկու օգտին քվեարկել Է ընտրողների 73,23 տոկոսը կամ 13 մլն 527 հազար 512 մարդ: Պետության գործող ղեկավար Պյոտր Պորոշենկոյին պաշտպանել Է ուկրաինացիների 24,45 տոկոսը կամ 4 մլն 517 հազար 121 մարդ: Ավելի վաղ Զելենսկու շտաբի ներկայացուցիչ Դմիտրի Ռազումկովը նշել Է այն ութ օրինագծերը, որոնց վրա այժմ աշխատում Է իրենց թիմը, որպեսզի դրանք որքան կարելի Է շուտ մտցվեն խորհրդարան:
«Դրանք ժողովրդաիշխանության, ուղղակի ժողովրդավարության նորմերի ընդլայնման, պատգամավորական անձեռնմխելիությունը, նախագահական անձեռնմխելիությունը հանելու մասին, ժողովրդական պատգամավորին հետ կանչելու մասին, դատարանների անձեռնմխելիության մասին եւ պաշտոնազրկման մասին օրինագծերն են, որոնք առաջինն են ներկայացվելու խորհրդարան»,-պատմել Է Ռազումկովը, հաղորդել Է «Ինտերֆաքս»-ը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Search