Artsakhpress

Մշակույթ

Ստեփանակերտում կայացել է Զավեն Սարգսյանի անհատական ցուցահանդեսի բացումը

Այսօր՝ ապրիլի 23-ին, Ստեփանակերտի պատկերասրահում տեղի է ունեցել Երևանի Սերգեյ Փարաջանովի թանգարանի տնօրեն, հայտնի լուսանկարիչ Զավեն Սարգսյանի անհատական ցուցահանդեսի բացումը:

Ստեփանակերտում կայացել է Զավեն Սարգսյանի անհատական ցուցահանդեսի բացումը

Ստեփանակերտում կայացել է Զավեն Սարգսյանի անհատական ցուցահանդեսի բացումը
ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ ցուցահանդեսին ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը շնորհավորել է լուսանկարչին՝ նշելով, որ Զ. Սարգսյանի կողմից դեռևս 2013 թ.-ին Շուշիում տեղի է ունեցել նմանատիպ մի ցուցահանդես՝ նվիրված Արևմտյան Հայաստանին:
«Այսօր մենք տեսնում ենք բազմազանություն: Լուսանկարներում կան ականավոր դեմքեր, ներկայացված է մեր կորուսյալ հայրենիքը, կան նաև լուսանկարներ Հին Ջուղայից և Արցախից: Ընդհանրապես, պետք է նշել, որ Ստեփանակերտի պատկերասրահը ոչ միայն լուսանկարչական ցուցահանդեսներ է կազմակերպում, այլ նաև մշակութային բազմազանություն է ապահովում, և սա մեր քաղաքականության հիմնական բաղադրիչներից է»,- ասել է Լ. Հովհաննիսյանը:
Որպես լուսանկարիչ՝ Զ. Սարգսյանը սկսել է տպագրվել դեռևս 1974 թ.-ից: Պատկերազարդել է մի շարք գրքեր: Աշխարհի շատ երկրներում, այդ թվում՝ Գերմանիայում, Չինաստանում, ԱՄՆ-ում, Ֆրանսիայում, Կիպրոսում, ՌԴ-ում, Բուլղարիայում, Հունաստանում և այլուր ունեցել է ցուցահանդեսներ:
Իր խոսքում լուսանկարիչն ասել է, որ մեծ պատիվ է հայրենիքում ներկայացնել լուսանկարչական ցուցահանդես, որը երկար տարիների կատարած աշխատանք է:
«Այսօր յուրաքանչյուրը լուսանկարում է հուշարձաններ, անվանի մարդկանց՝ մեր երկրի համար ստեղծելով կարևոր հարստություն: Լուսանկարչությունը պատմություն է, և մեկ լուսանկարը տալիս է ավելի շատ տեղեկատվություն, քան որևէ այլ պատկեր: Մենք պետք է ցույց տանք մեր հուշարձանները, պետք է խոսենք այդ մասին, տեղեկացնենք աշխարհին: Հուսով եմ` հանրության համար հաճելի կլինի դիտել լուսանկարները, և սա լավ հիմք կլինի հետագայում նման նախագծեր ներկայացնելու համար»,- նշել է Զ. Սարգսյանը:
Ցուցահանդեսին ներկա էին Հանրապետության Նախագահ Բակո Սահակյանը, Ազգային ժողովի նախագահ Աշոտ Ղուլյանը, պաշտոնատար այլ անձինք:
Նշենք, որ հանրության համար ցուցահանդեսը բաց է լինելու մինչև մայիսի 6-ը:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հուլիսի 1-ից կփոխվի տեղահանված քաղաքացիների բնակվարձերի փոխհատուցման պետական ծրագիրը. Նախագահ Հարությունյան

«Արցախում արտոնյալներ չպետք է լինեն». Նախագահի խոսնակը՝ գեներալ Կարապետյանի ձերբակալության մասին

Պայթյուն ՌԴ զորամասերից մեկում. կա զոհ և 7 վիրավոր

Ի գիտություն տեղահանված անձանց 40 000 և 20 000 ՀՀ դրամի չափով տրամադրվող ֆինանսական աջակցության ծրագրի շահառուների

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Արցախում անհետ կորել է ՌԴ քաղաքացի

Փրկարարները Կարկառ գետից դուրս են բերել Օլգա Սանիկովայի դին

Վերածննդի հրապարակում հնչած կրակոցների դեպքի առթիվ քրեական գործ է հարուցվել․ կրակահերթ արձակողը ձերբակալված է

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Search