Artsakhpress

Մշակույթ

Մայրաքաղաքում կազմակերպվել է գրական-գեղարվեստական ցերեկույթ՝ նվիրված ռուս գրող Վիկտոր Կոնոպլյովի ծննդյան 50-ամյակին

ԱՀ կրթության, գիտության և սպորտի նախարարության և Արցախի ռուսական համայնքի համատեղ նախաձեռնությամբ Ստեփանակերտի Ալեքսանդր Գրիբոյեդովի անվան N3 դպրոցում այսօր տեղի է ունեցել գրական-գեղարվեստական ցերեկույթ՝ նվիրված ռուս գրող Վիկտոր Կոնոպլյովի ծննդյան 50-ամյակին:

Մայրաքաղաքում կազմակերպվել է գրական-գեղարվեստական ցերեկույթ՝ նվիրված ռուս գրող Վիկտոր Կոնոպլյովի ծննդյան 50-ամյակին

Մայրաքաղաքում  կազմակերպվել  է  գրական-գեղարվեստական  ցերեկույթ՝ նվիրված ռուս գրող Վիկտոր Կոնոպլյովի   ծննդյան   50-ամյակին
ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍ:«Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել ռուս բանաստեղծի ընկեր, արցախցի արձակագիր, լրագրող  Աշոտ Բեգլարյանը, ով,շնորհավորելով  ընկերոջը, նրան մաղթել է քաջառողջություն և ստեղծագործական նորանոր ձեռքբերումներ:
«Տասներեքամյա մեր  ընկերությունը  հայ և ռուս ժողովուրդների բարեկամության լավագույն ավանդույթների շարունակությունն է: Շատ կցանկանայի,որ այս ջերմ ու եղբայրական ընկերությունը հետագայում շարունակվեր մեր երեխաների կողմից:Երևի շատերը կփորձեն հայկական արմատներ փնտրել հայ ժողովրդին այդքան նվիրված մարդու՝Վ.Կոնոպլյովի  մեջ, սակայն  նա,  և նրա հարազատները հայկական ոչ մի գեն չունեն: Կոնոպլյովին մեզ հետ կապել է Աստված՝ հանուն  մեծ ու ազգանվեր գործի»,- մասնավորապես ասել է Ա. Բեգլարյանը:
ԱՀ կրթության, գիտության և սպորտի նախարար Նարինե Աղաբալյանն էլ ասել է, որ Արցախի ժողովուրդը երախտագիտությամբ է լցված իր ճակատագրով ու ցավով տառապող և ձեռքբերումներով ու հաջողություններով ուրախացող յուրաքանչյուր ազգի հանդեպ:Նա Կոնոպլյովի հետ Արցախի  կապը  համարում է բարեկամական ,իսկ  արցախցի գրող Աշոտ Բեգլարյանի  հետ ընկերությունը ՝ հոգևոր և մշակութային առնչակցությամբ առաջացած եղբայրական հարաբերության ամրապնդում երկու ազգերի միջև:
Նարինե Աղաբալյանը հայ-ռուսական հարաբերությունների ամրապնդման, հայոց ցեղասպանության ճանաչման գործում ակտիվ մասնակցության համար  ԱՀ նախագահ Բակո Սահակյանի անունից «Երախտագիտություն» մեդալ է հանձնել Վ.Կոնոպլյովին:
ԱՀ  կրթության, գիտության  և  սպորտի   նախարարության պետական տեսուչ, ռուսաց լեզվի գլխավոր մասնագետ   Ռուբեն  Օսիպովն ասել է, որ արցախցիները սիրում և գնահատում են իրենց հայրենիքը, բայց միևնույն ժամանակ նրանց սիրտը բաց է Արցախի ժողովրդի ճակատագրով հետաքրքրված յուրաքանչյուր ազգի համար: Նա մասնավորապես  նշել է նաև, որ Կոնոպլյովը հայ ժողովրդի  պատմությանը գիտակն  ու  հազարամյակներով տարբեր ազգերի ներկայացուցիչների կողմից  շարունակվող եղբայրական ավանդույթների կրողն  է:
Բանաստեղծ  Սոկրատ  Խանյանն  էլ  շնորհակալություն է հայտնել Կոնոպլյովին՝ հայ ժողովրդի հանդեպ  իր  նվիրվածության  համար և ասել, որ նրան համարում է հայ ազգի ռուս զավակը:
Միջոցառման վերջում Վիկտոր  Կոնոպլյովն  ասել է, որ ինքն անչափ ուրախ է կրկին Արցախում լինելու և նման ընդունելության արժանանալու համար : Նա իր երախտագիտությունն է հայտնել միջոցառման կազմակերպիչներին և մասնակիցներին, ովքեր ջանք ու եռանդ չեն խնայել իր ծննդյան 50-ամյա հոբելյանը իսկական տոնի վերածելու համար:
«Ինձ համար շատ կարևոր է ձեր՝ արցախցիներիդ բարձր գնահատականը, որը տրվել է իմ հասցեին: Այս հրաշք երկիրն  ինձ գերել է առաջին հայացքից:Հպարտ եմ, որ անձամբ եմ ծանոթացել Արցախ աշխարհին ու արցախցիներին»,-մասնավորապես ասել է Վիկտոր Կոնոպլյովը:
Ցերեկույթին դպրոցի աշակերտները հանդես են եկել նրա հեղինակած բանաստեղծություններով ու երգերով:
 

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Search