Artsakhpress

Հասարակական

Հայտնի են «Ավրորա» մարդասիրական մրցանակի 2019-ի հավակնորդները

«Ավրորա» մարդասիրական մրցանակի այս տարվա երեք հերոսներն են մարդասիրական կազմակերպության համահիմնադիր Միրզա Դինային, փաստաբան Զանա Բուկար Մուստաֆան և մարդու իրավունքների ակտիվիստ Հուդա ալ-Սարարին:

Հայտնի են «Ավրորա» մարդասիրական մրցանակի 2019-ի հավակնորդները

Հայտնի են «Ավրորա» մարդասիրական մրցանակի 2019-ի հավակնորդները
ՍՏԵՓԱՆԱԿԵՐՏ, 24 ապրիլի, ԱՐՑԱԽՊՐԵՍ-ԱՐՄԵՆՊՐԵՍ«Ավրորա» մարդասիրական նախաձեռնության համահիմնադիրներ Ռուբեն Վարդանյանն ու Նուբար Աֆեյանն ավանդույթի համաձայն  ապրիլի 24-ին ասուլիսում հայտարարեցին հավակնորդների անունները:
«Հանձնաժողովի համար ընտրությունը դժվար է եղել, բայց նրանք առանձնացրել են երեք անուն: Առաջինն է Միրզա Դինային` «Օդային կամուրջ Իրաք» մարդասիրական կազմակերպության  համահիմնադիր և ղեկավար: Երկրորդ թեկնածուն է փաստաբան Զանա Բուկար ՄուստաՖան` «Futureprowess» իսլամական հիմնադրամի հիմնադիր և ղեկավար: Երրորդ թեկնածուն է փաստաբան և մարդու իրավունքների ակտիվիստ Հուդա Ալ-Սարարին»,-ներկայացրեց Աֆեյանը:
Նրա խոսքով` Հուդա ալ-Սարարին հետաքննել և բացահայտել է Եմենում գոյություն ունեցող գաղտնի ցանցը, որտեղ կամայականորեն անազատության մեջ են պահում, խոշտանգում հազարավոր տղամարդկանց և տղաների: ալ-Սարարին այդ ապացույցներն ուղարկել է միջազգային իրավապաշտպան հեղինակավոր կազմակերպությունների` բարձրացնելով Եմենում մարդու իրավունքների ոտնահարման մասին: Չնայած մահվան բազմաթիվ սպառնալիքներին` նա շարունակում է իր իրավապաշտպան գործունությունը: Նրա առաջադրած կազմակերպություններն են «Ռիփրիվ», «Էքուըլ ռայթս թրասթ» (Հավասար իրավունքների պաշտպանություն) և «Վեթաք» հանուն քաղաքացիական կողմնորոշման հիմնադրումը:
Ռուբեն Վարդանյանը ներկայացրեց մյուս թեկածուին: Միրզա Դինային, որը «Օդային կամուրջ Իրաք» կազմակերպության հիմնադիրն է: Նա օգնում է Իրաքում տուժած եզդիներին` նրանց օդային ճանապարհով տեղափոխելով Գերմանիա և ցուցաբերելով անհրաժեշտ բժշկական օգնություն: Բժիշկ Դինային օգնել է իսլամական պետության տարածքներից դուրս բերելու հարյուրավոր կանանց և տեղափոխելու նրանց անվտանգ վայր: Նրա առաջադրած կազմակերպություններն «Օդային կամուրջ Իրաքը» և ևս երկուսը:
Երրորդ հերոսին` Զանա Բուկար Մուստաֆային կրկին ներկայացրեց Աֆեյանը: Նա փաստաբան է, որը հիմնադրել է «Futureprowess» իսլամական հիմնադրամը և հիմնադրամի երկու դպրոցները, որոնք կրթություն, անվճար սնունդ և առողջապահական ծառայություն են տրամադրում Նիգերիայի քաղաքներից մեկի՝ կարիքի մեջ գտնվող երիտասարդներին: 2016-ին նա բանակցել է մի ահաբեկչական կազմակերպության հետ և օգնել է ազատ արձակել հարյուրից ավելի երեխաների` մասնավորապես աղջիկների: Նրա առաջադրած կազմակերպություններն են «Futureprowess»  իսլամական հիմնադրամը, համայնքային վերակազմման մեկ հիմնադրամ և համայնքային զարգացման մեկ նախաձեռնություն:
Մրցանակի դափնեկիրը հայտնի կդառնա հոկտեմբերի 20-ին: Դափնեկիրը կստանա մեկ միլիոն դոլար մրցանակ: 
«Ավրորա» մարդասիրական նախաձեռնությունը, որն ստեղծվել է Հայոց ցեղասպանությունը վերապրողների անունից՝ ի երախտագիտություն նրանց փրկողների, ձգտում է հնարավորություն տալ մերօրյա հերոսներին՝ կյանք եւ հույս պարգեւել նրանց, որոնք մարդասիրական աջակցության խիստ կարիք ունեն ողջ աշխարհում, այսպիսով՝ շարունակել մարդասիրության շղթան աշխարհով մեկ: «Ավրորա» մարդասիրական նախաձեռնությունը գործով արտահայտված երախտագիտություն է: Այն նպատակ ունի ութ տարի շարունակ (2015-2023թթ.՝ ի հիշատակ ութ տարի տեւած Հայոց ցեղասպանության՝1915-1923թթ.) աջակցել մարդկանց, ովքեր վտանգելով իրենց կյանքը` կնպաստեն այնպիսի համաշխարհային նախագծերի իրագործմանը, որոնք կբարելավեն առավել կարիքավոր եւ աղքատ մարդկանց կյանքը: Սա իրագործվում է նախաձեռնության տարբեր ծրագրերի օգնությամբ՝ «Ավրորա» մրցանակ, Aurora Dialogues քննարկումների շարք, «Ավրորա» մարդասիրության ցուցիչ, Երախտագիտության նախագծեր եւ 100 LIVES ծրագիր: «Ավրորա» մարդասիրական նախաձեռնությունը Վարդան Գրեգորյանի, Նուբար Աֆեյանի եւ Ռուբեն Վարդանյանի մարդասիրական ձեռնարկումն է, որոնց արդեն միացել են ավելի քան 440 նոր աջակիցներ եւ գործընկերներ: Նախաձեռնությունն իր շուրջ է հրավիրում բոլորին, ովքեր ողջունում են նվիրվածությունը մեր համընդհանուր մարդկայնությանը: 
«Ավրորա» մարդասիրական նախաձեռնությունը ներկայացված է երեք կազմակերպությունների կողմից՝ Aurora Humanitarian Initiative հիմնադրամ (Նյու Յորք, ԱՄՆ), 100 Lives հիմնադրամ (Ժնեւ, Շվեյցարիա) եւ IDeA հիմնադրամ (Երեւան Հայաստան):
Նախորդ տարի «Ավրորա» մարդասիրական նախաձեռնության երրորդ դափնեկիր էճանաչվել իրավաբան եւ ակտիվիստ Չո Լա Աունը՝ մեծարանքի արժանանալով այն նվիրումիհամար, որով նա, չնայած բոլոր բռնաճնշումներին, հետապնդումներին եւ հալածանքներին, պայքարել է մյանմացի ռոհինջա ժողովրդի հավասարության, կրթության եւ մարդուիրավունքների համար։ 2017 թվականին «Ավրորա» մրցանակ է շնորհվել բժիշկ ԹոմՔաթինային: Իսկ «Ավրորա» 2016 մարդասիրական նախաձեռնության դափնեկիրն է ՄարգարիտԲարանկիցեն:

     

Քաղաքական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վիտալի Բալասանյանի գրասենյակը հայտարարություն է տարածել

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Մահացել է ՀՀ վաստակավոր արտիստ Ռուդոլֆ Ղևոնդյանը

Այսօր Ապրիլյան պատերազմի հերոս Նորայր Հաջիյանի ծննդյան օրն է

Սուրբ Նիկողայոս վանքը փոխանցվել է հայ համայնքին

Բակո Սահակյանը ստորագրել է մի շարք օրենքներ

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Search