Artsakhpress

Հասարակական

Պետք է երկուստեք պայմաններ ստեղծվեն ազատազրկված քաղաքացիների հարազատների այցելության համար. Արտակ Բեգլարյան

Մոսկվայում ապրիլի 15-ին կայացած Հայաստանի, Ադրբեջանի և Ռուսաստանի արտաքին գործերի նախարարներ Զոհրաբ Մնացականյանի, Էլմար Մամեդյարովի և Սերգեյ Լավրովի աշխատանքային հանդիպմանը պայմանավորվածություն էր ձեռք բերվել փոխադարձության հիման վրա միջոցներ ձեռնարկել՝ թույլատրելու կողմերի տարածքում կալանքի մեջ գտնվող անձանց հարազատների այցերը: Ըստ էության, խոսքը վերաբերում է նաև Արցախում ազատազրկման դատապարտված ադրբեջանցի դիվերսանտներ Դիլհամ Ասկերովին և Շահբազ Գուլիևին:

Պետք է երկուստեք պայմաններ ստեղծվեն ազատազրկված քաղաքացիների հարազատների այցելության համար. Արտակ Բեգլարյան

Պետք է երկուստեք պայմաններ ստեղծվեն ազատազրկված քաղաքացիների հարազատների այցելության համար. Արտակ Բեգլարյան
ՍՏԵՓԱՆԱԿԵՐՏ, 25 ապրիլի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ ապրիլի 25-ին կայացած մամուլի ասուլիսի ժամանակ ասել է ԱՀ Մարդու իրավունքների պաշտպան Արտակ Բեգլարյանը և ավելացրել, որ այդ գործընթացում Արցախի իշխանությունների հետ պետք է հաշվի նստել:
«Եթե հարազատները ցանկություն հայտնեն գալ Արցախ, համոզված եմ, որ Արցախի Հանրապետությունը համապատասխան պայմաններ կստեղծի դրա համար: Քանիցս դրա մասին մեր իշխանությունները հայտարարել են, որ Արցախը պատրաստակամ է ընդունել և կազմակերպել հարազատների այցը: Կարծում եմ՝ հարազատները պետք է անցնեն համապատասխան ընթացակարգեր: Այս առումով պետական լիազոր մարմին չէ Մարդու իրավունքների պաշտպանի հաստատությունը, սակայն որքանով մեզնից կախված հարցեր լինեն, պատրաստ ենք առավելագույնս աջակցել այդ գործընթացի սահուն իրականացման հարցում: Կարծում եմ՝ գործընթացը պետք է կրի փոխադարձ բնույթ: Նույն ձևով պետք է Ադրբեջանը պայմաններ ստեղծի՝ այնտեղ պահվող ՀՀ և ԱՀ քաղաքացիներին տեսակցելու համար»,- մանրամասնել է Ա. Բեգլարյանը:
Հիշեցնենք, որ ապրիլի 15-ին Մոսկվայում կայացած հանդիպման արդյունքներով համատեղ հայտարարություն է ընդունվել, որում կողմերը հայտնել են շահագրգռություն հակամարտության գոտում իրադրության հետագա կայունացման ուղղությամբ, մասնավորապես գյուղատնտեսական աշխատանքների ժամանակաշրջանում: Պայմանավորվել են փոխադարձության հիման վրա միջոցներ ձեռնարկել թույլատրելու կողմերի տարածքում կալանքի մեջ գտնվող անձանց հարազատների այցերը: Նախարարները պատրաստակամություն են հայտնել գործնական միջոցներ ձեռնարկել մարդկանց միջև շփումների հաստատման ուղղությամբ, այդ թվում ԶԼՄ-ների ներկայացուցիչների փոխադարձ այցելությունների միջոցով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Հայաստանում կորոնավիրուսի հաստատված դեպքերի թիվը հասել է 190-ի

Արցախի ընտրություններին մեկնող դիտորդներն արագ թեստավորում կանցնեն

Search