Artsakhpress

Հասարակական

ԱՀ նախագահը հանդիպել է Ասկերանի շրջանի բնակիչներին և նրանց հետ քննարկել մի շարք հարցեր

ԱՀ նախագահ Բակո Սահակյանն այսօր՝ ապրիլի 25-ին, աշխատանքային խորհրդակցություն է անցկացրել Ասկերանում:

ԱՀ նախագահը հանդիպել է Ասկերանի շրջանի բնակիչներին և նրանց հետ քննարկել մի շարք հարցեր

ԱՀ  նախագահը  հանդիպել  է  Ասկերանի  շրջանի  բնակիչներին  և   նրանց  հետ 
քննարկել  մի  շարք  հարցեր
ՍՏԵՓԱՆԱԿԵՐՏ, 25 ապրիլի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝   Նախագահը   խորհրդակցության   ժամանակ   անդրադարձել  է  գյուղատնտեսության, բնակարանաշինության, կրթության    ոլորտներում    կատարած  աշխատանքներին, խնդիրներին  և  անելիքներին:
Հանդիպմանը  համապատասխան զեկույցներով հանդես են եկել  ԱՀ   կառավարության  անդամներն  ու   շրջվարչակազմի  պատասխանատուները:
Խորհրդակցությանն  ԱՀ  գյուղատնտեսության    նախարար   Ժիրայր   Միրզոյանն  ասել է, որ   2018  թվականին  ԱՀ  կառավարությունն  ընդունել է     գյուղատնտեսության զարգացման հայեցակարգ, որով  հիմք է  դրվել  առաջիկա  10  տարիների   ընթացքում   գյուղատնտեսության  ոլորտում  պետական  քաղաքականության    և  ռազմավարական   մոտեցումներին,  որն  իր  հետ  բերել  է  նոր   իրավական  ակտերի ընդունման անհրաժեշտության համապատասխան  ենթաօրենսդրական    դաշտի   համալրում:
«Գյուղատնտեսության նախարարությունը  բուսաբուծության,  անասնաբուծության,  ոռոգման  համակարգերի   զարգացման   ուղղություններով մշակում է  հայեցակարգից  բխող  ռազմավարական  ծրագրեր, որոնք  ըստ  ճյուղերի ամփոփելու  են    առաջիկա  առնվազան  10  տարիների   ֆինանսական, տնտեսական  ցուցանիշներն  ու  կանխատեսումները: Ընդհանուր  առմամբ, գյուղատնտեսության  զարգացման հայեցակարգով  հողօգտագործողների,  անասնապահների  և  ոռոգման համակարգերից  օգտվողների  հարցերին   տրվել են  հստակ պատասխաններ: 2018  թվականի    կատարած  աշխատանքը, որը   բխում  է  հայեցակարգից,  բոլոր   ուղղություններով տվել  են  իր   դրական   արդյունքները: 2019 թվականի  համար գարնանացան  մշակաբույսերի    ընդլայնման     ուղղությամբ  70%-ով  հասել  ենք  մեր  նպատակին:  Մենք  նախատեսում  ենք  իրականացնել   ավելի  քան  20  հազար  հա    գարնանացան  մշակաբույսերի  ցանքս, որից  12,5  հազարն  արդեն      կատարված  է: Մեր  գնահատմամբ՝   եղանակային  պայմանները որոշակի  խնդիրներ  են  առաջացրել  գարնանացանի  աշխատանքները ժամանակին  կատարելու  համար. դրանք  առաջիկա  օրերին  կշարունակվեն»,-մասնավորապես  ասել է  Ժ.  Միրզոյանը:
Անդրադառնալով  գյուղատնտեսության  զարգացման  հայեցակարգին՝  Բ.  Սահակյանն   ասել է,  որ  հաշվի  առնելով  այն  հանգամանքը, որ  հայեցակարգն  առաջին  անգամ  է  օգտագործվում,   անհրաժեշտություն  կա այն  վերամշակելու և  վերալրացնելու. այդ      աշխատանքները  պետք  է  իրականացվեն   համատեղ  ուժերով:
Խոսելով  Ասկերանի   շրջանի  գյուղատնտեսության  ոլորտի մասին՝  Ժ.  Միրզոյանն   այնուհետև  ավելացրել է, որ  այդ  տարածաշրջանում  մեծ  աշխատանքներ  են  իրականացվել  հատկապես  բուսաբուծության    և   ոռոգման համակարգերի ուղղություններով: 2018  թվականին հարապետության  այգիներում,  բանջարանաբոստանային    ցանքատարածություններում   և   ծխախոտի  դաշտերում  տեղադրվել  է  շուրջ 650  հա  կաթիլային  ոռոգման  համակարգ, որից   360  հա-ը   միայն  Ասկերանի  շրջանում  են:
Ասկերանի  շրջվարչակազմի  գյուղբաժնի վարիչ  Արվիդ  Ղուլյանն  էլ  ներկայացնելով  շրջանի  գյուղատնտեսական  ոլորտը՝  ասել է, որ 2019  թվականին կատարվել է  10  հազար  692  հա  աշնանացան  հացահատիկային  մշակաբույսերի  ցանքս, այդ  թվում՝  7970  հա  ցորեն և 2622  հա  գարի:
«Շրջանի  բնակիչների  կողմից  ներկայացվել է  6200  հա-ի  վրա  գարնանացան   մշակաբույսերի  ցանքս  կատարելու սերմերի պահանջարկի  հայտեր,   որոնք   լրիվությամբ բավարարված  են: Ապրիլի  25-ի  դրությամբ՝    կատարվել է  3034  հա   գարնանացան  մշակաբույսերի  ցանքս: Շրջանում  առկա  են  համապատասխան  տեխնիկական  միջոցներ: Նախապատրաստական  աշխատանքներ  են  տարվում    հակահրդեհային-նախազգուշական  միջոցառումների  իրականացման  ուղղությամբ: Նշեմ, որ  շրջանում  ունենք  830  հա  նռան  այգիներ, կաթիլային  համակարգը   գործում է  241  հա-ում: ԱՀ  գյուղատնտեսության  նախարարության  կողմից  անհատույց   նռան  տնկիների   տրամադրման  ծրագրում   ընդգրկված  են   285  հա   տարածքներ»,- ավելացրել է  Ա. Ղուլյանը:
Խոսելով   շրջանում  առկա     գյուղատնտեսական    խնդիրների  մասին՝    նա   նշել է անասնապահության  բնագավառը, որտեղ  դեռևս կան  անասնագլխաքանակի  և  մթերատվության  պակաս:
Նախագահը  ոլորտում  առկա   բացթողումները  շտկելու    համար    տվել   է համապատասխան   հանձնարարականներ: Բ.  Սահակյանն  իր  խոսքում      հատկապես    կարևորել է շրջանում գյուղատնտեսական  նշանակության    հողաշինարարական   աշխատանքների  իրականացման  հարցը:
Խորհրդակցության   ժամանակ   Նախագահն   անդրադարձել  է նաև    բնակարանաշինության   ոլորտին  վերաբերող   մի  շարք  հարցերի: 
Ըստ Ասկերանի  շրջվարչակազմի  աշխատակազմի  քաղաքաշինության, ճարտարապետության  և  վերաբնակեցման   բաժնի վարիչ  Ալբերտ  Ավանեսյանի՝   ԱՀ  կառավարության  որոշման  համաձայն՝ կարգավորվել  են  բնակիչների   բնակարանային  խնդիրներին  վերաբերող   հարցերը՝  հատկապես  առանձին  սոցիալական   խմբերինը:  
Ա.  Ավանեսյանն  ասել է, որ բնակարանային   ոլորտի   խնդիրների  լուծման  նպատակով  Ասկերանի  շրջվարչակազմում  ստեղծված  համապատասխան հանձնաժողովի   կողմից իրականացված  ուսումնասիորւթյունների  արդյունքում    պարզվել է, որ    կան  ընտանիքներ, որոնք  իսկապես    բնակարանի լուրջ  խնդիր  ունեն: Կան նաև   այնպիսի   դիմումատուներ, որոնց  պահանջը  չի  համապատասխանել  իրականությանը:
Բ.  Սահակյանն  ընդգծել է, որ  քաղաքացիների  բնակարնների  բարելավման  համար  շինանյութերի անհատույց   տրամադրումը, ինչպես  նաև  այդ  ծրագրից   օգտվել  ցանկացող    բնակիչների  հերթագրումները  պետք  է  անպայման   լինեն   արդար    և  անաչառ՝  բացառելով   անօրինական  գործընթացները:
Խոսելով   կրթության    և     սպորտի  ոլորտներիի   մասին՝  ԱՀ  նախագահը  հատկապես   կարևորել է hունիսի 1-10-ն անկախ ֆուտբոլային ասոցիացիաների կոնֆեդերացիայի (ConiFA) ֆուտբոլի Եվրոպայի առաջնության  անցկացումն   Արցախում:
Բ.  Սահակյանը  նշել  է, որ    այն   անհրաժեշտ  է   կազմակերպել բարձր   մակարդակով, քանի որ     Արցախի  համար   այն պետք  է  դառնա  պատմական  իրողություն:  Այդ  միջոցառումների  անցկացումն  Արցախում  էլ  ավելի   է  նպաստելու  սպորտի  զարգացմանը, ինչպես  նաև  խթանելու  զբոսաշրջության  զարգացմանը :
ԱՀ   կրթության, գիտության և  սպորտի  նախարար  Նարինե  Աղաբալյանը    խորհրդակցության   ժամանակ  ներկայացրել  է  ConiFA-ի   անցակացման   համար    կատարված  և  կատարվելիք   աշխատանքները:
Նա   մասնավորապես   ասել  է.  «Խաղերին  մասնակցելու  է 12 թիմ: Խաղերն  անց  են  կացվելու հանրապետության   4  մարզադաշտերում՝  նպատակ  ունենալով  աշխուժություն   մտցնել     ողջ   հանարապետությունում:   Ամերիկահայ  բարերար   Ալբերտ   Բոյաջյանը   մեծ  աջակցություն  է  ցուցաբերել   այդ   մարզադաշտերի  հիմնանորոգման  աշխատաքներին:  Ասկերանի   մարզադաշտում  այդ  աշխատանքներն  ավարտման  փուլում  է: Մենք  խաղերի   ժամանակ ակնկալում  ենք  նաև   տեղի  բնակիչների  ակտիվությունը:  Խաղերի  անցկացմանը  ներգրավվելու  են  նաև  մեծ  թվով  կամավորականներ, որոնց  համար   առաջիկա  օրերին   սկսվելու է  ուսուցողական  ծրագիր:  Կունենանք  նաև  մեծ   թվով    հյուրեր,   և  ավելի քան  100  լրագրողներ, ովքեր   կլուսաբանեն  ոչ  միայն   միջոցառումը,   այլ  նաև  աշխարհին  ներկայանալի   կդարձնեն  Արցախը»:
Վերջում  Բ.  Սահակյանը   պատասխանել  է  ներկաների՝ Ասկերանի     շրջանի   համայնքների   ղեկավարների, հիմնարկ   ձեռնարկությունների  ներկայացուցիչների  և  բնակիչների  հարցերին:  Նախագահը կոնկրետ հանձնարարականներ է տվել  շահագրգիռ մարմինների  ղեկավարներին, որ քննարկված հարցերը  ժամանակին  ստանան  իրենց  լուծումները:
Խորհրդակցությանը  մասնակցում  էին  նաև  ԱՀ  Ազգային  ժողովի  նախագահ Աշոտ Ղուլյանը, ԱՀ  պետնախարար  Գրիգորի  Մարտիրոսյանը, «Ազատ  հայրենիք»  կուսակցության  նախագահ  Արայիկ  Հարությունյանը, Ասկերանի շրջվարչակազմի ղեկավար Հակոբ Ղահրամանյանը, ԱՀ  կառավարության   ներկայացուցիչներ,   ԱՀ  Ազգային  ժողովի  պատգամավորներ և  այլք: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ամփոփվել են sms քվեարկության առաջին արդյունքները. հայտնի են առաջատարները

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Հադրութում կկայանա Արցախյան գինու վեցերորդ փառատոնը

Ստեփանակերտի որոշ փողոցներում ժամանակավորապես կդադարեցվի գազամատակարարումը

Կանոնավոր ջրամատակարարման վերականգնման ուղղությամբ աշխատանքներ են տարվում

Search