Artsakhpress

Մշակույթ

Արցախի պարի պետական համույթը 20 տարեկան է (լուսանկարներ)

Ստեփանակերտի մշակույթի և երիտասարդության պալատում կայացել է Արցախի պարի պետական համույթի հիմնադրման 20-ամյակին նվիրված համերգ:

Արցախի պարի պետական համույթը 20 տարեկան է (լուսանկարներ)

Արցախի պարի  պետական  համույթը  20  տարեկան  է   (լուսանկարներ)
ՍՏԵՓԱՆԱԿԵՐՏ, 26 ապրիլի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝   միջոցառմանն   Արցախի  պարի  պետական   համույթը    հանդես  է  եկել   ազգային  պարերով: 
Համույթին   իրենց   պարային   կատարումներով   շնորհավորել  են  Հայաստանի  «Բերդ»   պարային  անսամբլը, Ստեփանակերտի  պարարվեստի   քոլեջը  և  «Մենք ենք մեր սարերը» ազգագրական երգի-պարի պետական համույթը:
ԱՀ  մշակույթի, երիտասարդության  հարցերի  և  զբոսաշրջության  նախարար   Լեռնիկ  Հովհաննիսյանը  շնորհավորել  է   Արցախի  պարի  պետական  համույթի  ստեղծման   20-ամյակի  կապակցությամբ:
Նա իր  խոսքում  մասնավորապես  ասել է. «Մեր  կենսագործունեությունը  դարեր  շարունակ ներկայացվում  է   պարի  տեսքով:   Պարը  մարդու    կենսագործունեության  արտացոլանքն  է: Ազգային  պարերի  տեղն ու  դերը  մեծ  նշանակություն  ունեն   հային  հայ   պահելու  գործում: Պետք  է   մշտապես  հիշենք, որ  Արցախի  պարի  պետական  համույթի   ստեղծման  ու  կայացման   գործում    անուրանալի  է ԱՀ    ժողովրդական  արտիստ, պարարվեստի  նվիրյալ  և  երախտավոր, երջանկահիշատակ  Աշոտ  Բաբայանի  ներդրումը»:
Լ. Հովհաննիսյանը  տեղեկացրել է նաև, որ ԱՀ  մշակույթի, երիտասարդության  հարցերի  և  զբոսաշրջության  նախարարությունը   դիմել  է  ԱՀ  կառավարությանը, որպեսզի  Արցախի  պարի  պետական  համույթն կոչեն  Աշոտ  Բաբայանի  անվամբ:
Խոսելով  Հայաստանի  «Բերդ»   պարային  անսամբլի  մասին՝   նախարարն ասել է, որ   այն  հայկական   պարի  դեսպաններից  է   ողջ    աշխարհում, և    այդ  համույթը  մի  շարք  մրցույթներում    պատվով  է  ներկայացրել  հայկական   պարը:
ԱՀ  մշակույթի, երիտասարդության  հարցերի և  զբոսաշրջության  նախարարության  կողմից  Լ.  Հովհաննիսյանը  նվերներ  է   հանձնել    «Բերդ»   պարային  անսամբլի  գեղարվեստական  ղեկավար, ՀՀ  մշակույթի   վաստակավոր  գործիչ, պրոֆեսոր  Կարեն  Գևորգյանին:
ԱՀ  նախագահի   հրամանի  համաձայն՝ Արցախի  պարի  պետական  համույթի    հիմնադրման  20-ամյակի  կապակցությամբ    և  պարարվեստի բնագավառում   ներդրած  նշանակալի  ավանդի   համար  մենապարուհի, Ստեփանակերտի  պարարվեստի  քոլեջի   հայկական-ժողովրդական   պարի    բաժնի  վարիչ  Նունե   Փաշայանին,  Ստեփանակերտի պարարվեստի   քոլեջի  գեղրվեստական  ղեկավար Մհեր  Բաբայանին  շնորհվել  են   ԱՀ   վաստակավոր   արտիստի  կոչումներ:
Միջոցառմանը   «Բերդ»   պարային  անսամբլի  գեղարվեստական  ղեկավար  Կարեն  Գևորգյանը,  ևս շոնրահավորելով     Արցախի  պարի  պետական  համույթի   հիմնադրման  20-ամյակի  առթիվ,  ասել է, որ   շատ   դարեր  առաջ, երբ   չկար  հայ  գիրը, հայի  ոգին  ապրել է պարի  մեջ՝   դառնալով  հայոց  ազգային  ինքնության   ամենավառ  օրինակներից մեկը:
«Պարն  այն  արժեքներից է, որի  շնորհիվ  հայ  ժողովուրդն   ամրապնդել   է  իր ազգային  խառնվածքն ու  հավաքական  կերպարը: Հայ   ժողովուրդը, կրած լինելով  բազում  զրկանքներ, միշտ  էլ  ի  զորու  է  եղել   ծնելու  այնպիսի   զավականեր,   ովքեր    աշխարհին ի  ցույց  են  դրել  մեր  ոգու    ցասումը, սերն  ու  խնդությունը:  Նմանօրինակ  արժանավոր  զավակներից  է    հայ  պարարվեստի  երախտավոր, մեծանուն  վարպետ, համույթի    հիմնադիր  Աշոտ  Բաբայանը, ով  Արցախյան  պատերազմից  հետո    ոչ  միայն կարողացավ  պահել  ու  պահպանել արցախյան   պարերի  հմայքն ու  գեղեցկությունը, այլև    նա  անդավաճան  մնաց    պարի  ոգեղեն  ուժին, նրա  խիզախությանը», - ավելացրել  է  Կ.  Գևորգյանը:
Նա ՀՀ  մշակույթի  նախարարության   կողմից   Արցախի  պարի   պետական  համույթի   մի  խումբ    պարուհիների  պարարվեստում  ունեցած  զգալի  ավանդի  և  Արցախի պարի   պետական  համույթում  բարեխիղճ   աշխատանքի համար  պարգևատրել  է  շնորհակալագրերով: Իսկ  բալետմայստեր   Ռաուլ   Բաբայանը  հայկական   պարերի  պահպանման   ու  տարածման  գործում    ունեցած  ավանդի  համար  Հայաստանի  ազգային  պարարվեստի միության   կողմից    պարգևատրվել  է  նվիրյալ  պարուսույց-մանկավարժ  հուշամեդալով:
Ստեփանակերտի  պարարվեստի   քոլեջի  գեղարվեստական ղեկավար  Մհեր  Բաբայանն  ասել  է, որ   համույթի   գործունեության     հիմքը   դրել   է   իր    հայրը՝  Աշոտ  Բաբայանը:
«Յուրաքանչյուր   գործ  սկսելուց  առաջ  կարևոր  է  հավատալ  դրա   հաջողությանը: Շատ  կարևոր  է  ունենալ  թիմ, մարդիկ, ովքեր  պատրաստ  են   հաղթահարել բոլոր   խոչընդոտները՝  հանուն   նպատակի: Այդպես  էր   պարի  պետականի  դեպքում:Կոլեկտիվի  վետերանների  նվիրված  աշխատանքի  շնորհիվ  է նաև, որ  մեր  համույթը  կայացել  ու  սիրվել  է  ոչ  միայն  Արցախի, այլև   արտասահմանյան  հանդիսատեսի  կողմից: Անցած  20  տարիների  ընթացքում  Արցախի   պարի  պետական  համույթը   կարողացել է  նվաճել    մեծ   բեմեր:  Մենք  երբեք     հուսախաբ  չենք  անում  մեր    հավատարիմ  հանդիսատեսին:  Ամեն  անգամ  ներկայանում ենք  նոր պարերով՝ ավելի  կատարելագործված  ու  հետաքրքիր»,-մասնավորապես  ասել է  Մ.  Բաբայանը:

     

Մշակույթ

Սպորտ

Սփյուռք

Ամենադիտված

ամիս

շաբաթ

օր

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Մահացել է Ադրբեջանի բանակի կապիտան

Արցախցի մարզիկներն արժանացել են ոսկե մեդալների

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Մեղադրանք է առաջադրվել Բարսեղ Բեգլարյանին

Search