Զբոսաշրջիկների հոսքը Շրի Լանկայի մայրաքաղաք Կոլոմբո 50 տոկոսով կկրճատվի ապրիլի 21-ին իրականացված մի շարք պայթյուններից հետո, որոնց հետեւանքով ավելի քան 250 մարդ Է զոհվել:
Զբոսաշրջիկների հոսքը Շրի Լանկայի մայրաքաղաք կրկնակի կկրճատվի պայթյուններից հետո
ՍՏԵՓԱՆԱԿԵՐՏ, 29 ապրիլի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հայտնել Է Reuters գործակալությունը՝ վկայակոչելով երկրի զբոսաշրջության բյուրոյի նախագահ Քիշու Գոմեսին:
Ավելի վաղ Շրի Լանկա հյուրանոցների ասոցիացիայի նախագահ Սանաթհ Ուկվատեն հայտարարել Էր, որ երկրի զբոսաշրջության սեկտորն այս տարի կարող Է մոտավորապես 1,5 մլրդ դոլար կորցնել մի շարք ահաբեկչական գործողությունների պատճառով: Գոմեսը նաեւ հավելել Է, որ Կոլոմբոյի սահմաններից դուրս զբոսաշրջիկների հոսքը 30 տոկոսով կընկնի պայթյուններին հաջորդող երկու ամսվա ընթացքում: Ավելի վաղ զբոսաշրջության բյուրոն հույս ուներ, որ 2019 թվականին երկիր կայցելի 2,5 մլն զբոսաշրջիկ: Սակայն այժմ կարելի Է սպասել միայն երկու միլիոն զբոսաշրջիկների, հայտնել են փորձագետները: Շրի Լանկայում անվտանգության ոլորտի իրադրությունն անցած շաբաթվա ընթացքում կտրուկ վատացել Է: Զատկական կիրակի օրը՝ ապրիլի 21-ին, երկրում որոտացել Է ութ պայթյուն, որոնք ավելի քան 250 մարդու կյանք են խլել: Ըստ հետաքննության վարկածի, այդ գրոհներին մասնակցել են ինը մահապարտ-ահաբեկիչներ, որոնցից ութի անձն արդեն պարզված Է: Շրի Լանկայի ԱԳ նախարարության տվյալներով՝ զոհվածների թվում կա 40 օտարերկրացի, հաղորդել Է ՌԻԱ Նովոստին:
