Artsakhpress

Սպորտ

Ստեփանակերտում կայացել է քիք-բոքսինգի հանրապետական անդրանիկ բաց առաջնությունը

ԱՀ, ՀՀ քիք-բոքսինգի ֆեդերացիաների նախաձեռնությամբ, ԱՀ կրթության, գիտության և սպորտի նախարարության ու Արցախի քիք-բոքսինգի ֆեդերացիայի նախագահ Դավիթ Սարգսյանի համատեղ աջակցությամբ Ստեփանակերտի N6 դպրոցի մարզադահլիճում կայացել է քիք-բոքսինգի հանրապետական անդրանիկ բաց առաջնությունը`նվիրված մայիսյան եռատոնին:

Ստեփանակերտում կայացել է քիք-բոքսինգի հանրապետական անդրանիկ բաց առաջնությունը

Ստեփանակերտում կայացել է քիք-բոքսինգի հանրապետական անդրանիկ բաց առաջնությունը
ՍՏԵՓԱՆԱԿԵՐՏ, 30 ապրիլի, ԱՐՑԱԽՊՐԵՍ:«Արցախպրես»-ի թղթակցի հետ զրույցում քիք-բոքսինգի գլխավոր մարզիչ Արմեն Ղահրամանյանն ասել է, որ մրցաշարին Արցախից և Հայաստանից մասնակցել է  մոտ 150 մարզիկ:
«Նմանատիպ մրցաշարերի կազմակերպման  նպատակն է հանրապետությունում քիք-բոքսինգ մարզաձևի տարածումն ու զարգացումը և մարզիկների վարպետության բարձրացումը: Առաջնությանը ներկա էր Բելգիայից ժամանած Glory Kickboxing կազմակերպության  մարզիկ, աշխարհի չեմպիոն Հարութ Գրիգորյանը: Մրցանակային տեղեր զբաղեցրած մասնակիցներն արժանացել են պատվոգրերի, մեդալների և ԱՀ Նախագահի  կողմից բջջային հեռախոսների, իսկ գործարար Գարիկ Գրիգորյանը բոլոր մարզիկներին սպորտային շապիկներ է նվիրել»,-մասնավորապես նշել է նա:
Ա.Ղահրամանյանի խոսքով հաղթողները կմասնակցեն հունիսին Վրաստանում կայանալիք Կովկասի առաջնությանը:

     

Քաղաքական

Տնտեսական

Հասարակական

Ռազմական

Search