Ճարտարում այսօր՝ հունվարի 18-ին, քաղաքապետ են ընտրում:
Ի՞նչ է կատարվում Ճարտարի քաղաքապետի ընտրություններում
ՍՏԵՓԱՆԱԿԵՐՏ, 17 ՀՈՒՆՎԱՐԻ, ԱՐՑԱԽՊՐԵՍ։ Ինչպես «Արցախպրես»-ի հետ զրույցում տեղեկացրեց Մարտունու տարածքային ընտրական հանձնաժողովի նախագահ Հայկ Պետրոսյանն, ընտրություններն ընթանում են օրենքի պահանջներին համաձայն:
«Ժամը 16-00-ի դրությամբ դիմում բողոքներ չենք ստացել, ընտրություններն անցնում են նորմալ մթնոլորտում ու բարձր ակտիվությամբ»,- ասաց Հ. Պետրոսյանը՝ հավելեով, որ ժամը 14-00-ի դրությամբ Ճարտարի երկու ընտրատեղամասերից՝ առաջինում ընտրողների մասնակցությունը կազմել է 34,38 տոկոս, իսկ երկրորդում՝ 37,45 տոկոս:
Մարտունու տարածքային ընտրական հանձնաժողովի նախագահը տեղեկացրեց նաև, որ Գիշու համայնքի ղեկավարի ընտրությունը ևս անցնում է օրենքի պահանջներին համաձայն և այնտեղից ևս ժամը 16-00-ի դրությամբ դիմում բողոքներ չկան: «Գիշիում ժամը 14-00-ի դրությամբ ընտրողների մասնակցությունը 51 տոկոս է կազմում»,- նշեց Հ. Պետրոսյանը:
Նշենք, որ «Արցախպրես»-ը հետևում է նշված համայնքներում տեղի ունեցող ընտրություններին և ավելի ուշ նոր մանրամասներ կհաղորդենք:
