Ճարտարի և Գիշու համայնքներում, որտեղ այսօր՝ հունվարի 18-ին, տեղի են ունեցել տեղական ինքնակառավարման մարմինների ընտրություններ, արդեն հայտնի են արդյունքները:
Հայտնի է Ճարտարի նորընտիր քաղաքապետի անունը
ՍՏԵՓԱՆԱԿԵՐՏ, 18 ՀՈՒՆՎԱՐԻ, ԱՐՑԱԽՊՐԵՍ։ Ինչպես «Արցախպրես»-ի հետ զրույցում տեղեկացրեց Մարտունու տարածքային ընտրական հանձնաժողովի նախագահ Հայկ Պետրոսյանը, Ճարտարում քաղաքապետի պաշտոնի համար պայքարող չորս թեկնածուներից, նախնական տվյալներով, առավելագույն ձայներ է ստացել Արթուր Լովերտի Աղաբեկյանը: Նրա օգտին քվեարկել է ճարտարցիների 39 տոկոսը կամ 894 քվե: Նրա հիմնական մրցակից Վլադիկ Նիկոլայի Հովհաննիսյանը ստացել է 822 ձայն կամ ընտրություններին մասնակցած քաղաքացիների ընդհանուր ձայների 35,9 տոկոսը: Ի դեպ, Արթուր Լովերտի Աղաբեկյանը մինչ այդ զբաղեցնում էր նախկին Ղուզե Ճարտարի գյուղապետի պաշտոնը, իսկ Վլադիկ Նիկոլայի Հովհաննիսյանը նախկին Գյունե Ճարտարի գյուղապետն էր:
Հայկ Պետրոսյանի տեղեկացմամբ, Գիշիում համայնքի ղեկավար է ընտրվել Աշոտ Հայրապետի Հայրապետյանը, ով ստացել է ավելի քան 250 քվե:
Մարտունու տարածքային ընտրական հանձնաժողովի նախագահը կրկին հավաստեց, որ ընտրություններն անցել են օրենքի պահանջներին համապատասխան, նորմալ մթնոլորտում ու բարձր ակտիվությամբ: