ՍՏԵՓԱՆԱԿԵՐՏ, 14 մայիսի, ԱՐՑԱԽՊՐԵՍ-ԱՐՄԵՆՊՐԵՍ: «Հանդիսատեսներին հանդիպում Է սպասում ժամանակակից կինոարվեստի հետ դրա ողջ բազմազանությամբ,- բացման նախօրյակին նշել են մամուլի ծառայությունում:- Վեց տասնյակ ֆիլմեր որոնք ներառվել են ծրագրի տարբեր բաժիններում, ընտրվել են գրեթե երկու հազար ֆիլմերից, որոնք կինեմատոգրաֆիստների կողմից ներկայացվել են ընտրական կոմիտեին»:

«Կաննի փառատոնը եզակի հարթակ Է այն արտիստների համար, որոնք հույս ունեն հայտնի դառնալ աշխարհին»,- բացման նախօրեին լրագրողներին հայտարարել Է դերասանուհի Պենելոպա Կրուսը: Ավելի վաղ փառատոնի տնօրեն Թիերի Ֆրեմոն հայտնել Է, որ Կաննի 72-րդ կինոփառատոնի հիմնական մրցույթում տեղ Է գտել 21 լիամետրաժ ժապավեն, այդ թվում՝՝ Պեդրո Ալմոդովարի, Դարդեն եղբայրների, Կսավիե Դոլանի, Թերենս Մալիքի եւ ուրիշների ֆիլմերը: Նա նշել Է, որ մրցույթում ներառվել Է Ալմոդովարի ,Ցավ եւ փառքե նոր աշխատանքը՝ Պենելոպա Քրուսի եւ Անտոնիո Բանդերասի մասնակցությամբ: Այն կպատմի նշանավոր կինոռեժիսորի մասին, որը վերլուծում Է իր հարաբերությունները մոր եւ երկրորդ կեսի հետ, ինչպես նաեւ հայտնի ու երջանիկ դառնալու փորձերը: Բացի այդ, իտալացի Մարկո Բելոկիոն կներկայացնի ,Դավաճանե կինոնկարը, իսկ Սելին Սկիյաման՝ ,Լեդիի դիմանկարը՝ կրակի մեջե ժապավենը: Բրիտանացի Քեն Լոուչը կցուցադրի Sorry We Missed You կինոնկարը, իսկ ռումինացի Կոռնելիու Պորումբոյուն՝ Whistlers ժապավենը:

Հարավկորեացի ռեժիսոր Պոն Չժուն Հոն 2017 թվականից հետո Կանն կվերադառնա ,Մակաբույծըե նոր ժապավենով: Բելգիացի Դարդեն եղբայրները կներկայացնեն ,Երիտասարդ Ահմեդըե կինոնկարը, իսկ կանադացի Կսավիե Դոլանը՝ ,Մատիասը եւ Մաքսիմըե ֆիլմը, որտեղ ռեժիսորն ինքն Է գլխավոր դերակատարը: Իզաբել Յուփերը, Գրեգ Քինիրը խաղացել են Այրա Սաքսի ,Ֆրենքիե ֆիլմում: Նաեւ մրցույթում տեղ են գտել Առնո Դեպլեշենի, Մալիքի եւ մյուսների նոր կինոնկարները: Մրցույթից դուրս կցուցադրեն Էլթոն Ջոնի մասին պատմող ,Ռոքեթմենե կինոնկարը՝ Թերոն Էջերթոնի, Ռիչարդ Մեդենի եւ ուրիշների մասնակցությամբ, Կլոդ Լելուշի The Best Years of a Life նոր ֆիլմը՝ Մոնիկա Բելուչիի մասնակցությամբ: Բացի այդ, Լասիֆ Կապադիան կներկայացնի Դիեգո Մարադոնայի մասին պատմող ժապավենը, իսկ Նիկոլաս Բեդոսը՝ ,La Belle Epoqueե ֆիլմը:Վավերագրական սեկցիայում կցուցադրեն Սիրիայի մասին պատմող կինոնկարներ:Կինոփառատոնի բացման ֆիլմը կդառնա ամերիկացի ռեժիսոր Ջիմ Ջարմուշի ,Մեռյալները չեն մահանումե նոր ֆիլմը. Փառատոնի տնօրենությունը հայտնել Է, որ Կվենտին Տարանտինոյի «Մի անգամ Հոլիվուդում» նոր ֆիլմը ներառված Է Կաննի միջազգային կինոփառատոնի մրցութային ծրագրում:

Ավելի վաղ ապրիլին կինոփառատոնի գլխավոր տնօրեն Թիերի Ֆրեմոն նշել Է, որ փառատոնում միշտ Էլ «հետաքրքրությամբ են սպասում Տարանտինոյի նոր աշխատանքներին»: Նա նաեւ հայտնել Է, որ ռեժիսորի նոր ֆիլմում նկարահանվել են Բրեդ Փիթը եւ Լեոնարդո դի Կապրիոն: Ֆիլմը պատմում Է հեռուստատեսության աստղի եւ նրա դուբլյորի ճակատագրի մասին: Ֆիլմի գործողությունը տեղի Է ունենում 1969 թվականին Լոս Անջելեսում: Կաննի 72-րդ կինոփառատոնի ժյուրիի կազմում ընդգրկվել են հույն դերասան եւ սցենարիստ Յորգոս Լանտիմոսը, լեհ ռեժիսոր Պավել Պավլիկովսկին եւ դերասանուհի Էլ Ֆանինգը: Աշխատանքները նաեւ կգնահատեն սցենարիստ Ռոբեն Կապիյոն, կինոռեժիսորներ Էնկի Բիլալը եւ Ալիչե Ռորվահերը: Կինոստուգատեսի ժյուրին գլխավորել Է մեքսիկացի ռեժիսոր Ալեխանդրո Գոնսալես Ինյարիտուն, հաղորդել Է ՏԱՍՍ-ը: