ՍՏԵՓԱՆԱԿԵՐՏ, 14 մայիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել  է  ԱՀ կրթության, գիտության  և  սպորտի  նախարարության կրթության և գիտության վարչության պետ Ռայա Մուսայելյանը՝  նշելով, որ  համաձայն  ուսումնական   պլանի՝ հանրապետության  այն   դպրոցներում, որոնք  գործում  են   հնգօրյա  ռեժիմով,   «Վերջին զանգ»-ի  արարողությունը  տեղի  կունենա    մայիսի  24-ին, իսկ  վեցօրյա  ռեժիմով   դպրոցներում՝   մայիսի  25-ին:

Նա  իր  խոսքում  ասել է. «Այս ուսումնական տարում ԱՀ դպրոցների շուրջ  3150 շրջանավարտներից հիմնական դպրոցի 9-րդ դասարանն ավարտելու է 1911 շրջանավարտ, իսկ ավագ դպրոցները՝  1239»:

Խոսելով  ամեն  տարի  «Վերջին զանգը»-ի  միջոցառումների  համար   նախատեսվող  ճոխությունների մասին՝ Ռ. Մուսայելյանն ասել է, որ ԱՀ ԿԳՍ  նախարարության կողմից իրականացվում է համապատասխան  վերահսկողություն: Կրթության բաժինների պատասխանատուներին, ինչպես նաև խորհրդակցությունների  ժամանակ  դպրոցների տնօրեններին  և   փոխտնօրեններին  զգուշացվում  է, որ  ամեն  ինչ  իրականացնեն    չափի  մեջ՝  աշակերտների համար սպասված  գեղեցիկ   օրն  ավելորդ   խոսակցությունների   առիթ   չդարձնելու  համար:

Ըստ մեր զրուցակցի՝ «Վերջին զանգ»-ի տոնակատարության արարողությունների անվտանգությունը, հասարակական կարգի ապահովմանն ուղղված գործառույթներն ապահովվելու են ԱՀ ոստիկանության աշխատակիցների  կողմից: