Artsakhpress

Հասարակական

ԿԸՀ-ն մասնագիտական դասընթացներ կկազմակերպի

ԱՀ կենտրոնական ընտրական հանձնաժողովն ընթացիկ տարվա հունիս-հուլիս ամիսներին հանրապետության շրջաններում և Ստեփանակերտ քաղաքում կկազմակերպի մասնագիտական դասընթացներ ընտրական հանձնաժողովների անդամության թեկնածուների համար:

ԿԸՀ-ն մասնագիտական դասընթացներ կկազմակերպի

ԿԸՀ-ն մասնագիտական դասընթացներ կկազմակերպի
ՍՏԵՓԱՆԱԿԵՐՏ, 14 մայիսի, ԱՐՑԱԽՊՐԵՍ: ԱՀ կենտրոնական ընտրական հանձնաժողովի փոխանցմամբ՝ դասընթացներին կարող են մասնակցել ընտրական հանձնաժողովներում ընդգրկվելու իրավունք ունեցող Արցախի Հանրապետության քաղաքացիները:
Աղբյուրի հաղորդմամբ՝ դասընթացներին չեն կարող մասնակցել Ազգային ժողովի պատգամավորները, դատավորները, դատախազները, նախարարները և նրանց տեղակալները, շրջվարչակազմերի ղեկավարները (Ստեփանակերտի քաղաքապետը) և նրանց տեղակալները, համայնքների ղեկավարներն ու ավագանու անդամները, ոստիկանության և ազգային անվտանգության մարմիններում, դատական ակտերի հարկադիր կատարման ծառայությունում ծառայողները, զինծառայողները, ԱՀ քրեական օրենսգրքի 147-158-րդ հոդվածներով նախատեսված հանցագործությունների համար դատվածություն ունեցող անձինք:
Դասընթացներից հետո անցկացվող ստուգարքի արդյունքներով (համաձայն հարցաշարի) դրական գնահատական ստացած քաղաքացուն կշնորհվի ընտրական հանձնաժողովում ընդգրկվելու որակավորում և կտրվի համապատասխան վկայական:

Նշենք, որ դիմումներն ընդունվում են մայիսի 13-ից մինչև մայիսի 24-ը ներառյալ, աշխատանքային օրերին, ժամը 9.00-18.00-ն:
Դիմումի հետ միասին քաղաքացին ներկայացնում է նաև իր անձնագրի կամ անձը հաստատող այլ փաստաթղթի պատճենը: Դասընթացների կազմակերպման վայրի, օրվա և ժամի մասին լրացուցիչ կտեղեկացվի համապատասխան տարածքային ընտրական հանձնաժողովի կողմից և կհրապարակվի հայտարարություն ԱՀ կենտրոնական ընտրական հանձնաժողովի ինտերնետային կայքում` դասընթացի անցկացման օրվանից առնվազն երեք օր առաջ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search