Artsakhpress

Միջազգային

Թուրք գրող․ «Թուրքիայում դեմոկրատիայից «Դ»-ն էլ անգամ չի մնացել»

Թուրքիայից հարկադրաբար հեռացած գրող Ասլը Էրդողանը անդրադարձել է Թուրքիայի սոցիալ–քաղաքական զարգացումներին։

Թուրք գրող․ «Թուրքիայում դեմոկրատիայից «Դ»-ն էլ անգամ չի մնացել»

Թուրք գրող․ «Թուրքիայում դեմոկրատիայից «Դ»-ն էլ անգամ չի մնացել»
ՍՏԵՓԱՆԱԿԵՐՏ, 14 մայիսի, ԱՐՑԱԽՊՐԵՍ: Ընդդիմադիր «Özgür Gündem» թերթի դեմ ընթացող դատավարության շրջանակներում «զինված ահաբեկչական խմբավորմանն անդամակցելու» մեղադրանքով 2016թ․ բանտարկված, իսկ ազատ արձակվելուց հետո՝ 2017թ․ Գերմանիա տեղափոխված գրողը Թուրքիայի մոտ ապագայի հանդեպ հավատ չունի, փոխանցում է ermenihaber-ը:

Խոսելով Ստամբուլի քաղաքապետի ընտրությունների չեղարկման մասին՝ Ասլը Էրդողանը նշել է, որ իրականում նման բան սպասելի էր․ «Թուրքիայում այսօր ժողովրդավարությունից ոչինչ չի մնացել, անգամ դրա ամենապարզունակ տարրը՝ ընտրությունները։ Մենք սա պետք է ընդունենք։ Թուրքիայում դեմոկրատիա կոչվածի «Դ»-ն էլ անգամ չի մնացել», - ասել է գրողը։
Նա համոզմունք է հայտնել, որ ընդդիմադիր ուժերի կողմից նոր ընտրությունների բոյկոտը կարող է ռիսկային լինել, քանի որ իշխանություններն այդ դեպքում ավելի ազատ կլինեն իրենց կամայականությունների մեջ։ Բայց միևնույն ժամանակ Ասլը Էրդողանը վստահ է, որ իշխող «Արդարություն և զարգացում» կուսակցությունը (ԱԶԿ-AKP) այս անգամ ամեն ինչ շատ լավ է հաշվարկել և ծրագրել, ուստի ուղղակի հնարավոր չէ, որ նոր ընտրություններում ԱԶԿ-ն չհաղթի։
Գրողի խոսքով՝ Թուրքիայում իրականում ֆաշիզմ է տիրում և երևույթի անունը նույնիսկ այնքան կարևոր չէ, որքան հենց ինքը՝ բուն իրավիճակը։
«Մի մարդ ձեզ վրա բարկանում է և դուք արդյունքում ցմահ ազատազրկման եք դատապարտվում։ Այսինքն, սա կատակ չէ։ Նման դեպքում մյուս չափանիշները, ակադեմիական քննարկումները միանգամայն անիմաստ են», - ասել է նա։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Նախագահ Արայիկ Հարությունյանը նոր նշանակումներ է արել

Search