Artsakhpress

Միջազգային

Պոմպեոն Պուտինի հետ հանդիպումն արդյունավետ է անվանել

ԱՄՆ պետքարտուղար Մայք Պոմպեոն Սոչիում Ռուսաստանի նախագահ Վլադիմիր Պուտինի հետ բանակցություններն արդյունավետ է անվանել՝ նշելով, որ նա «շատ լավ» է տիրապետում երկկողմ հարաբերությունների խնդիրներին:

Պոմպեոն Պուտինի հետ հանդիպումն արդյունավետ է անվանել

Պոմպեոն Պուտինի հետ հանդիպումն արդյունավետ է անվանել
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ: «Մենք լավ զրույց ունեցանք: Նա ամբողջությամբ ներգրավված էր (բանավեճին): Ակնհայտ է, որ նա այդ հարցերին շատ լավ է տիրապետում, ուստի մենք կարողացանք արագ անցնել ենթատեքստին եւ հարաբերությունների տարբեր տարրերի կոնկրետ բաղադրիչներին»,- Պետքարտուղարության մամուլի ծառայության փոխանցմամբ՝ լրագրողներին ասել է Պոմպեոն:
Ի պատասխան հարցին՝ նախկինի պես քննադատաբա՞ր է գնահատում Պուտինին եւ նրա քաղաքականությունը, Պոմպեոն ասել է. «Խոսքը վերաբերում է Միացյալ Նահանգների եւ Ռուսաստանի հարաբերություններին եւ նրան, թե մենք միասին ինչպես ենք առաջ ընթանում: Բանը անհատները չեն»:
«Մենք համառորեն կպաշտպանենք մեր շահերը: Նրանք պատրաստվում են հնարավոր ամեն ինչ անել, որպեսզի նույն կերպ պաշտպանեն իրենց շահերը»,- news.am-ի փոխանցմամբ՝ հավելել է պետքարտուղարը:
Պուտինի եւ Պոմպեոյի բանակցությունները, որը որպես պետքարտուղար առաջին անգամ է եկել Ռուսաստան, տեւել են մոտ 1,5 ժամ: Կողմերը, մասնավորապես, քննարկել են միջազգային հարցեր՝ ներառյալ Սիրիայում հակամարտությունը եւ իրանական խնդիրը, ինչպես նաեւ Ճապոնիայում G20 գագաթնաժողովի շրջանակում ԱՄՆ նախագահ Դոնալդ Թրամփի հետ Պուտինի հանդիպման հնարավորությունը:
ՌԴ նախագահի օգնական Յուրի Ուշակովը նշել է, որ հանդիպման արդյունքներով Ռուսաստանի եւ ԱՄՆ հարաբերություններում որեւէ բեկում տեղի չի ունեցել, սակայն ամերկյան կողմի տամադրվածությունը գործնական է անվանել:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վրաստանում հայ վարորդներին հարվածել են, վնասել բեռնատարները, դեսպանատունը մանրամասներ է հաղորդում

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

1997թ.-ին գլխիվայր շուռ տվեցին ժողովրդի քվեն, բայց ժամանակները փոխվել են. Արթուր Թովմասյանը ողջախոհության կոչ է անում

Սուրբ Նիկողայոս վանքը փոխանցվել է հայ համայնքին

Բակո Սահակյանը ցավակցական հեռագիր է հղել գեներալ-մայոր Ֆելիքս Գզողյանի ընտանիքին

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search