Artsakhpress

Քաղաքական

Զոհրաբ Մնացականյանը մասնակցել է «Քաղաքացիական հասարակության հեռանկարը» խորագրով քննարկմանը

Տեղի է ունեցել Արևելյան գործընկերության քաղաքացիական հասարակության ֆորումի «Քաղաքացիական հասարակության հեռանկարը.

Զոհրաբ Մնացականյանը մասնակցել է «Քաղաքացիական հասարակության հեռանկարը» խորագրով քննարկմանը

Զոհրաբ Մնացականյանը մասնակցել է «Քաղաքացիական հասարակության հեռանկարը» խորագրով քննարկմանը
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ: Ամփոփելով ԱլԳ քաղաքականությունը և 2020թ. հետո ընկած ժամանակահատվածի համար մշակելով ռազմավարություն՝ ժողովրդավարություն, մարդու իրավունքներ, լավ կառավարում և կայունություն» խորագրով քննարկումը, որին որպես բանախոսներ ելույթներով են հանդես եկել աշխատանքային այցով Բրյուսելում գտնվող ԱԳ նախարար Զոհրաբ Մնացականյանը, Չեխիայի ԱԳ նախարար Տոմաշ Պետրժիչեկը, ԵՄ Արտաքին գործողության եվրոպական ծառայության՝ Եվրոպայի և Կենտրոնական Ասիայի հարցերով գործադիր տնօրեն Թոմաս Մայր-Հարթինգը և ԱլԳ քաղաքացիական հասարակության աշխատանքային խմբի անդամ Լեյլա Ալիևան:
Ինչպես  հայտնեցին ՀՀ ԱԳՆ լրատվության և հանրային դիվանագիտության վարչությունից, իր խոսքում Հայաստանի արտաքին քաղաքական գերատեսչության ղեկավարը բարձր է գնահատել նման ձևաչափերով հանդիպումները, որոնք հնարավորություն են ընձեռնում քաղաքացիական հասարակությանը ներգրավվել չափազանց կարևոր խմբակային  քննարկումներում և վերլուծություններում:
Նախարարի խոսքով՝ պատմության ընթացքում Եվրոպայում տեղի ունեցած զարգացումները և պատերազմների աղետը հանգեցրել են միասին աշխատելու ձգտման ամրապնդմանը՝ դրանց կրկնությունը կանխելու համար, և այդ առումով ներկայիս Եվրոպան տարածաշրջանային համագործակցության բազմազան հարթակների մեծ առավելություն ունի, ինչպիսիք են Եվրամիությունը, Եվրոպայի խորհուրդը, Եվրոպայում անվտանգության և համագործակցության կազմակերպությունը, ինչպես նաև դրանց շրջանակներում ներկայացված նախաձեռնությունները՝ Վիշեգրադյան քառյակը և Արևելյան գործընկերությունը: «Լինելով տարբեր՝ մենք բոլորս Եվրոպա ենք, երբ խոսքը վերաբերում է արժեքներին, քաղաքակրթական կապերին և քաղաքակրթական համախմբվածությանը: Մարդու իրավունքներ, ժողովրդավարություն, ազատություն, օրենքի գերակայություն. սրանք են այն արժեքները, որոնց մասին մենք խոսում ենք: Եվ համագործակցության միջոցով դրանց ամրապնդումը շարունակական խնդիր է: Կարծում եմ, որ Արևելյան գործընկերության ամենակարևոր ձեռքբերումն այն է, որ մենք ամրապնդել ենք մեր պատկանելության զգացումը»,- նշել է Զոհրաբ Մնացականյանը:
«Մեզ համար սա նախ և առաջ վերաբերում է արժեքներին: Եվ, ըստ էության, արժեքների համատեքստում մենք շահում ենք այդ համագործակցությունից։ Այն, ինչ այսօր ունենք Հայաստանում, համագործակցության արդյունք և արգասիք է: Ես շատ հպարտ եմ այստեղ տեսնել Հայաստանի այդքան պահանջատեր քաղաքացիական հասարակության ներկայացուցիչներին, և իրենց հետ մենք ունենք փոխգործակցության տարբեր ձևաչափեր, որոնց շրջանակներում հաճախ քննադատության ենք ենթարկվում: Բայց հենց սա է այն ձևը, որի միջոցով դու փորձարկում ես քո գործողությունները` որպես կառավարություն, փորձարկում ես քո հաշվետվողականությունը: Հայկական պետության էվոլյուցիան իր դրսևորումը գտավ ապրիլ և մայիս ամիսներին: Մենք կառուցում էինք հասարակություն, երկիր՝ մեր ընտրած հստակ մոդելի համաձայն», - ընդգծել է Հայաստանի արտաքին քաղաքական գերատեսչության ղեկավարը՝ հավելելով, որ այդ ճանապարհը ոչ միշտ է հարթ եղել, «սակայն շատ հետևողական ենք եղել մեր հասարակության կայունությունը կառուցելու գործում, որպեսզի հնարավոր լինի առարկայականացնել այն, ինչը կոչում ենք հավաքական արժեքներ»:
Հետագա փուլերի համատեքստում Հայաստանի արտաքին քաղաքական գերատեսչության ղեկավարը շեշտել է, որ իր կարծիքով առաջնայինն առկա արժեքային համակարգի կարողությունների ամրապնդումն է:
«Եվրոպայի օրակարգում շատ մարտահրավերներ կան կապված ընդհանուր արժեքների հետ, և զգայունությունը չափազանց կարևոր է: Վերջին 10 տարիները վերաբերում են այն Եվրոպայի ստեղծմանը, որը զարգանում է սկսած 1989թ.-ից: Մենք կարող ենք ունենալ համագործակցության տարբեր շրջանակներ, անվտանգության տարբեր ձևաչափեր, պետական օրակարգի ստեղծման տարբեր մոտեցումներ: Մենք բոլորս առաջնորդվում ենք մեր ազգային օրակարգով, ազգային շահերով: Բայց մեր հավաքական Եվրոպական օրակարգի, Արևելյան գործընկերության ամրապնդումը, կարծում եմ, այսպես կոչված Եվրոպայի լայն ճարտարապետության կարևոր մասն է»:
Այնուհետև, ԱԳ նախարարը պատասխանել է Արևելյան գործընկերության երկրները ներկայացող քաղաքացիական հասարակության ներկայացուցիչների հարցերին, որոնք վերաբերում էին Հայաստան-Եվրամիություն գործընկերության արդյունքում նորմատիվ բազայի մերձեցմանը, Հայաստանում քաղաքացիական հասարակության դերին, երկրի արտաքին քաղաքական առաջնահերություններին և ղարաբաղյան հիմնախնդրին:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Արցախում ստեղծվել է նոր կուսակցություն. կայացել է հիմնադիր համագումարը

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Նախագահի խորհրդականը` զինծառայողների՝ հեռախոս ունենալու և օգտագործելու կարգի մասին

Կամո Վարդանյանը նշանակվել է ՀՀ ԶՈւ ԳՇ հետախուզության գլխավոր վարչության պետի տեղակալ

Ռուսաստանում կինն ընկել է 9-րդ հարկից, վեր է կացել եւ գնացել. տեսանյութ

«Արմաթ»-ն ապագայի ալգորիթմն է. Արցախում բացվել է 27-րդ ինժեներական լաբորատորիան

Լավ հիշում եմ, երբ ադրբեջանցի մեծահասակ գարշահոտ հարեւանը բռնեց ինձ եւ ես ճանկռելով փախա.Աննա Աստվածատրյան (տեսանյութ)

Search