Artsakhpress

Հասարակական

Արտակարգ դրություն հայտարարելն ամենաարդյունավետ միջոցն էր. Սերժ Սարգսյանի ցուցմունքը՝ «Մարտի 1»-ի գործով

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը շարունակում է հատվածներ մեջբերել «Մարտի 1»-ի գործով առանցքային նշանակություն ունեցող վկաների ցուցմունքներից։

Արտակարգ դրություն հայտարարելն ամենաարդյունավետ միջոցն էր. Սերժ Սարգսյանի ցուցմունքը՝ «Մարտի 1»-ի գործով

Արտակարգ դրություն հայտարարելն ամենաարդյունավետ միջոցն էր. Սերժ Սարգսյանի ցուցմունքը՝ «Մարտի 1»-ի գործով
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ: Դրանցից մեկը վերաբերում է Նիկոլ Փաշինյանի ներկայիս խորհրդական Արշակ Կարապետյանի տված ցուցմունքին, որում Կարապետյանը պատմում է 2008թ. փետրվարի 23–ի հայտնի խորհրդակցության ընթացքում տեղի ունեցած խոսակցությունները, հայտնում է News.am-ը։
Ըստ Կարապետյանի ցուցմունքի՝ Ռոբերտ Քոչարյանի կողմից արտակարգ դրություն հայտարարելու որոշմանը հաջորդել է Սերժ Սարգսյանի առաջարկը՝ ստեղծել առանձին զինվորական վարչակազմ Յուրի Խաչատուրովի գլխավորությամբ, քանի որ նա էր Երեւան քաղաքի կայազորի պետը։
«Խորհրդակցության ավարտից հետո սպաների մի հատվածի շրջանում դժգոհություն առաջացավ, թե ինչո՞ւ պետք է ընդգրկվել Երեւանում տեղի ունեցող իրադարձություններին»,–ցուցմունքում նշել է Կարապետյանը։
Վերջինիս խոսքով՝  Ռոբերտ Քոչարյանը 2008թ. մարտի մեկի երեկոյան հրապարակել է արտակարգ դրություն հայտարարելու մասին հրամանագիրը, չնայած նրան, որ Քոչարյանը արտակարգ դրություն հայտարարել էր 2008–ի փետրվարի 23–ին։
«Գերագույն գլխավոր հրամանատարն առնվազն բանավոր հրաման էր տվել , ինչն էլ պաշտպանության նախարար Միքայել Հարությունյանը կատարել էր»,–ասել է Կարապետյանը։
Ըստ պաշտպան Հայկ Ալումյանի, հենց այս ցուցմունքի վրա են մեղադրողները հղում կատարում՝ հայտարարելով, թե իբր Քոչարյանը բանակը ներքաղաքական պրոցեսներին ներգրավելու հրաման է տվել դեռեւս փետրվարի 23–ին։
Ալումյանի խոսքով՝  այս ընթացքում նախաքննական մարմնի ձեռքի տակ են եղել  նաեւ խորհրդակցությանը մասնակցած այլ անձանց ցուցմունքներ եւս, սակայն դրանք չեն ներկայացվել Քոչարյանի կալանքի գործով նիստերին, մինչդեռ ըստ Ալումյանի, մնացած ցուցմունքներով հերքվում է Արշակ Կարապետյանի ասածները։
Նա նշեց, որ պաշտպանական կողմը մյուս ցուցմունքների մասին իմացել է միայն այն ժամանակ, երբ գործի նյութերը տրամադրվել են իրենց։
Մասնավորապես ըստ պաշտպանի՝ Արշակ Կարապետյանի ասածները հերքվում են այն ժամանակվա վարչապետ Սերժ Սարգսյանի տված ցուցմունքներով։ Ալումյանը, առաջին անգամ դատարանում հատված մեջբերեց ՀՀ երրորդ նախագահ Սերժ Սարգսյանի՝ «Մարտի 1»-ի գործով տված ցուցմունքից.
«Ինքս նման հանգամանքներ չեմ հիշում, քանի որ բավական երկար ժամանակ է անցել։ Խորհրդակցությունը հրավիրել էր Ռոբերտ Քոչարյանը, մասնակցել են զինված ուժերի բարձրաստիճան սպայական կազմը, ընդհանուր նպատակը զինված ուժերի ղեկավար կազմին  նախազգուշացնելն էր, որ ցույցերի ղեկավարներն այդ պրոցեսների մեջ են ներգրավում զինված ուժերի սպաներին, որ նրանց է միացել փոխնախարարներից մեկը»,–մեջբերեց Ալումյանը։
Այսինքն, ըստ պաշտպանի՝ փետրվարի 23–ի  խորհրդակցության նպատակն է եղել զգուշացնել, որ սպաները չներգրավվեն ներքաղաքական պրոցեսների մեջ։
Այնուհետեւ Սերժ Սարգսյանն իր ցուցմունքում ասել է, որ զինված ուժերը զորանոցային կարգավիճակի բերելը որեւէ կապ չունի ռազմական դրության հետ ու ավելացրել. «Անկեղծ ասած, եթե ես էլ լինեի պաշտպանության նախարար, ապա ես էլ նման կերպ կվարվեի՝ հրաման կստորագրեի զորքը զորանոցային կարգավիճակի բերելու մասին։ Իմ կարծիքով, դա եղել է ամենաարդյունավետ միջոցը՝ զորքը հեռու պահելու քաղաքական ազդեցություններից, միջամտություններից»։
Դատավորը լսելով Ալումյանին, նորից հորդորեց նրան՝ ցուցմունքներից պարզապես մեջբերումներ անել, այլ ոչ թե հրապարակել ամբողջական ցուցմունքները՝ նշելով, որ ինչպես ինքը, այնպես էլ դատավարության մասնակիցները դրանց բովանդակությանը ծանոթ են:
«Եթե դուք իրոք ծանոթ լինեիք վկաների ցուցմունքներին, կիմանայիք, որ ամբողջական ցուցմունքը չեմ հրապարակում, այլ պարզապես մեջբերում եմ անում»,- ասաց Ալումյանը: Ռոբերտ Քոչարյանն էլ իր հերթին հայտարարեց, որ այդ նյութերը ժամանակին եւ քննչական մարմինը եւ դատախազությունը չեն ներկայացրել եւ որ իրենք ստիպված են այդ բացը լրացնել։
«Ուղղակի սա է պատճառը, եւ եթե դուք կարծում եք, որ սա մեջբերում չէ, ապա պարզ կասեինք, որ սա 20-30 էջից բաղկացած ցուցմունքն է»,- ասաց Քոչարյանը նշելով, որ եթե դատախազությունը ժամանակին ներկայացրած լիներ այս ամենը, այսօր այս իրավիճակը չէր ստեղծվի։
Հիշեցնենք, որ արդեն երրորդ օրն է դատարանը քննում է երկրորդ նախագահ Ռոբերտ Քոչարյանի նկատմամբ ընտրված խափանման միջոցի հիմնավոր լինել-չլինելու հարցը։ Նախքան գործը դատաքննության պատրաստելը դատավորը պետք է  մեղադրյալի կալանքը փոփոխելու, վերացնելու կամ անփոփոխ թողնելու վերաբերյալ որոշում կկայացնի։

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search