Artsakhpress

Մշակույթ

Ստեփանակերտում բացվել է գեղանկարչուհի Ջեմմա Սամսոնյանի «Խաղաղությունից խաղաղություն» խորագրով ցուցահանդեսը

Ստեփանակերտի մշակույթի և երիտասարդության պալատում այսօր կայացել է մեխակավանցի գեղանկարչուհի Ջեմմա Սամսոնյանի «Խաղաղությունից խաղաղություն» խորագրով ցուցահանդեսի բացումը:

Ստեփանակերտում բացվել է գեղանկարչուհի Ջեմմա Սամսոնյանի «Խաղաղությունից խաղաղություն» խորագրով ցուցահանդեսը

Ստեփանակերտում  բացվել է գեղանկարչուհի  Ջեմմա Սամսոնյանի «Խաղաղությունից խաղաղություն» խորագրով ցուցահանդեսը
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ«Արցախպրես»-ի  թղթակցի  հաղորդմամբ՝   միջացառմանը   բացման  խոսքով  հանդես  է  եկել  Ջ. Սամսոնյանը:
Նա    ասել   է, որ  ինքն  ամուսանացել  է  սպայի  հետ,  և   արդեն   յոթ  ամիս  է  ինչ     ապրում  է  Մեխակավանում:
«Հիմնականում  ստեղծագործում  եմ  այն  ժամանակ, երբ  ամուսինս   դիրքերում  է լինում, այդ   կերպ  փորձելով     մենակությունս    կիսել  նկարներիս  հետ: Հիմնականում  նկարում  եմ  տատիկիս, ծաղիկներ, Մեխակավանի  բնությունը, առօրյան: Նաև  աշխատում  եմ  Մեխակավանի  մանկապատանեկան  ստեղծագործական  կենտրոնում, որպես  նկարչության  դասատու: Կարծում  եմ՝   ես  էլ  իմ  ներդրում  եմ  բերելու   Արցախին՝ կրթելով   ու դաստիարակելով    երեխաներին, ովքեր  մեծ  հաճույքով  ու  սիրով են   հաճախում  նկարչության   դասերին:  Նախատեսում  ենք  հետագայում  երեխաների  աշխատանքները  ներկայացնել     ցուցահանդեսի»,-մասնավորապես  ասել է  Ջ.  Սամսոնյանը:
 Նա  նշել է,  որ ցուցահանդեսին  ներկայացված  է  46  նկար, որից   42-ը  գրաֆիկա  է, իսկ  4-ը՝  յուղաներկ:
Միջոցառմանը  ներկա   «Գյուրջյան» կիրառական արվեստի  ինստիտուտի ռեկտոր, քանդակագործ  Յուրի Հովհաննիսյանը  մասնավորապես  ասել  է. «Լինելով   զինվորականի  կին և   ապրելով  սահմանամերձ  համայնքում՝  գեղանկարչուհին    կարողացել է ստեղծել  իր   արվեստի  աշխարհը: Աշխատանքները  բավականին    հետաքրքիր  են. նա  ունի  արվեստագետի    ուրույն  ձեռագիր»:
Դիվիզիայի  հրամանատարի  բարոյահոգեբանական  ապհովման  գծով  տեղակալ  Մանուկ  Բադալյանն  էլ սպայական  ընտանիքների  անունից      շնորհավորել   է   գեղանկարչուհուն՝  նշելով, որ սահմանամերձ  համայնքում  ապրող  զինվորականի  նորաստեղծ  ընտանիքը  ոչ  միայն  զենքով   է  պաշտպանում հող  հայրենին, այլև՝  մատաղ  սերնդին   կրթելով  ու  դաստիարակելով:
Ցուցահանդեսին  ներկա  էին  ԱՀ  նախագահ  Բակո  Սահակյանը, ԱՀ պետական  նախարար  Գրիգորի  Մարտիրոսյանը,ԱՀ  պաշտպանության նախարար   Կարեն  Աբրահամյանը, պետական  այրեր, զինվորականներ. նրանք  շրջել  են  ցոցասրահով, ծանոթացել   նկարներին:
Ցուցահանդեսի   կազմակերպումը   նախաձեռնել  են   Մեխակավանի   զարգացման  ծրագրի  աջակիցներ Նարինե  Քոչարյանը  և  Արևիկ  ՊԵտրոսյանը, ֆինանսավորումն  իրականացվել  է  «Արարիչ» բարեգործական հիմնադրամի  կողմից:
Նշենք, որ  ցուցահանդեսը հանրության համար բաց կլինի մինչև հունիսի 15-ը։ Մուտքն ազատ է: 

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Արցախցի մարզիկներն արժանացել են ոսկե մեդալների

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search