«Արցախպրես» լրատվական գործակալությունը ներկայացնում է այսօր սպասվող իրադարձությունները:
Մայիսի 16-ին սպասվող իրադարձությունները. Անոնս
ՍՏԵՓԱՆԱԿԵՐՏ, 16 մայիսի, ԱՐՑԱԽՊՐԵՍ: Ժամը 10:00-ին Արցախի պետական համալսարանում կայանալու է հանդիպում ռազմական, քաղաքական գործիչ Արմեն Հարությունյանի հետ:
Ժամը 15:00-ին Գրիգոր Նարեկացի համալսարանի Պոեզիայի և գիտական նիստերի դահլիճում տեղի կունենա բանաստեղծուհի Զինաիդա Բալայանի 65-ամյակին նվիրված հանդիպում:
Ժամը 15:30-ին Շուշիի «Նարեկացի» արվեստի միությունում տեղի է ունենալու կավագործության բաց դաս: Մուտքն ազատ է:
Ժամը 19:00-ին, Թանգարանների միջազգային օրվան ընդառաջ, «Արմատներ» կենսակենտրոնում («The Roots») կկազմակերպվի հանրային քննարկում-զրույց, որի ընթացքում ներկաները կանդրադառնան Արցախում թանգարանային գործի հետ կապված մի շարք խնդիրների: Մասնավորապես՝ ինչպիսինն է թանգարան-հասարակություն կապն Արցախում, արդյոք թանգարանն ընկալվում է որպես կրթական միջավայր, ինչ աշխատանք է տարվում թանգարանների հանրահռչակման ուղղությամբ, որքանով են կոմպետենտ թանգարանների աշխատակիցները:
Քննարկմանը հրավիրվել են Շուշիում, Ստեփանակերտում, Հադրութում գործող, ինչպես նաև Տիգրանակերտի և Նիկոլ Դումանի թանգարանների տնօրենները, ԱՀ մշակույթի, երիտասարդության հարցերի և զբոսաշրջության նախարարության համապատասխան ներկայացուցիչները: Մուտքն ազատ է:
Ժամը 19:00-ին Շուշիի «Նարեկացի» արվեստի միությունում կկայանա «Անծանոթ Երևան» ծրագրի «Զինանշաններ» հաղորդման դիտում-քննարկումը, որը կանցկացնի լրագրող Մարկ Գրիգորյանը։ Մուտքն ազատ է։
Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերում, ֆեյսբուքում, ինստագրամում և յութուբի ալիքում:
