Artsakhpress

Հասարակական

Բերձորում նշվել է քաղաքի ազատագրման 27-րդ տարեդարձը (լուսանկարներ)

Քաղաթաղի շրջկենտրոն Բերձորում այսօր կայացել է քաղաքի ազատագրման 27-րդ տարեդարձին նվիրված տոնական միջոցառում:

Բերձորում նշվել է քաղաքի ազատագրման 27-րդ տարեդարձը (լուսանկարներ)

Բերձորում նշվել է քաղաքի ազատագրման 27-րդ տարեդարձը (լուսանկարներ)
ՍՏԵՓԱՆԱԿԵՐՏ, 18 մայիսի, ԱՐՑԱԽՊՐԵՍՄիջոցառման մասնակիցները ծաղիկներ են խոնարհել Արցախյան գոյամարտի ժամանակ զոհված ազտամարտիկների հիշատակին կառուցած Փառքի հուշահամալիրում: 
«Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել Քաշաթաղի շրջվարչակազմի ղեկավար Ստեփան Սարգսյանը: Տոնի առթիվ նա շնորհավորել է բերձորցիներին և մասնավորապես ասել. «Շուշիի փառապանծ հաղթանակից հետո մեր հերոսները շարունակել են իրենց հաղթական արշավը և ազատագրել Բերձորը: Եթե Շուշին մեծ հաղթանակն էր կորուստներից ու Ցեղասպանությունից հետո, ապա Բերձորի ազատագրումը հայ ազգի միասնության խորհրդանիշն էր: Այդ միասնության շնորհիվ քաշաթաղցիները շարունակեցին մեր նահատակների սուրբ գործը. վերաբնակվեց Քաշաթաղը: Անտեսելով բոլոր դժվարությունները և հաղթահարելով մի շարք խոչընդոտներ կրկին վերածնվեց շրջանը: Փառք բոլոր այն հեևոսներին որոնց շնորհիվ այսօր ունենք զարգացող շրջան»:
Բերձորի քաղաքապետ Անահիտ Չարչյանն էլ իր խոսքում ասել է. «Այսօրվա համար մենք պարտական ենք այն հայորդիներին, ովքեր իրենց կյանքը չխնայեցին մեր բարօրության համար: Նրանց անունները հավիտյան կմնան մեր և նոր սերունդների սրտերում: Ցանկանում եմ նոր ձեռքբերումներ, հաջողություններ, անամպ երկինք և անսահման հայրենասիրություն»:
Արցախի ազատամարտիկների միության վարչության նախագահ, գեներալ-մայոր Սամվել Կարապետյանի շնորհավորական ուղերձը բերձորցիներին է ներկայացրել ԱՀ ազատամարտիկների միության աշխատակազմի ղեկավար Էդուարդ Խաչատրյանը՝ նշելով, որ Բերձորի ազատագրումը հայ ժողովրդի երազանքներից մեկն է, որն իրականություն դարձրեց հայոց բանակը:
«Արցախյան գոյապայքարի տարեգրության մեջ ոսկե տառերով գրվեց այդ հաղթանակը և միավորվեցին մեր հայրենիքի երկու հատվածները: Բերձորի ազատագրումը մեր ժողովրդի համար ունի առաջնային նշանակություն: Բազում հայ ընտանիքներ վերադարձան հայրենի օրրան՝ անմար պահելով մարտիրոսված քաջորդիների հիշատակը:Յուրաքանչյուր հաղթանակի հիմքում մեր նվիրյալների մաքառումն ու պայքարն է, որն այսօր արիության և սխրագործության դաս է նոր սերնդի համար»,-ավելացրել աէ Է. Խաչատրյանը:
ԱՀ ազատամարտիկների միության կողմից Բերձորի ազատագրման 27-րդ տարեդարձի և հասարակական ակտիվ գործունեության համար մի խումբ բերձորցիներ պարգևատրվել են պատվոգրերով, մեդալներով և դրամական միջոցներով:
Պարգևատրումն իրականացրել է ԱՀ ազատամարտիկների վարչության անդամ, «Ազատ հայրենիք» կուսակցության նախագահ Արայիկ Հարությունյանը:
«Սատար հաշմանդամների» հասարակական կազմակերպության նախագահ Հունան Հունանյանն էլ ընդգծել է, որ 27 տարի առաջ կատարվածը մեծ սխրագործությունն է:
Միջոցառման ընթացքում մի խումբ բերձորցիներ «Սատար հաշմանդամների» ՀԿ-ի, ինչպես նաև Բերձորի քաղաքապետարանի կողմից պարգևատրվել են շնորհակալագրերով և մեդալներով:
Միջոցառման ընթացքում ազգային պարերով և հայրենասիրական երգերով հանդես են եկել Բերձորի արվեստի դպրոցի և Վահան Թեքեյանի անվան N1 դպրոցի աշակերտները:
Տեղեկացնենք, որ տոնի առթիվ Բերձորում այսօր ընթանում են մի շարք միջոցառումներ, որոնք կեզրափակվեն տոնական համերգով և հրավառությամբ:

     

Քաղաքական

Տնտեսական

Արցախի թեմն ազատվել է գույքահարկից և հողի հարկի գծով առաջացած պարտավորություններից. ֆինանսների նախարար

ԱՀ կառավարության նիստին ներկայացված «Գույքահարկի մասին» օրենքում լրացումներ կատարելու մասին» և ««Հողի հարկի մասին» օրենքում փոփոխություն և լրացումներ կատարելու մասին» օրենքների նախագծերի փաթեթով առաջարկվել և որոշվել է, որ Հայաստանյայց Առաքելական Սուրբ Եկեղեցու Արցախի թեմին ազատել սեփականության իրավունքով պատկանող` հուշարձանի կարգավիճակ չունեցող եկեղեցիների, հոգևոր-մշակութային, կրթադաստիարակչական, եկեղեցական և ծիսական պարագաների արտադրության և իրացման համար օգտագործվող շենքերի ու շինությունների համար հաշվարկվող գույքահարկից և դրանց սպասարկման համար անհրաժեշտ հողամասերի հողի հարկից, ինչպես նաև ազատել մինչև 2019 թվականի հունվարի 1-ը հաշվարկված գույքահարկի և հողի հարկի գծով առաջացած պարտավորություններից:

Բաժնի բոլոր նյութերը

Հասարակական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Բակո Սահակյանը հրավիրել է աշխատանքային խորհրդակցություն

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search