Artsakhpress

Քաղաքական

Իրանը հրաժարվել է ԱՄՆ-ի հետ բանակցություններից

Իրանի Իսլամական Հանրապետության նախագահ Հասան Ռոհանին հայտարարել է, որ ներկայումս Թեհրանը մտադիր չէ բանակցություններ վարել Միացյալ Նահանգների հետ:

Իրանը հրաժարվել է ԱՄՆ-ի հետ բանակցություններից

Իրանը հրաժարվել է ԱՄՆ-ի հետ բանակցություններից
 ՍՏԵՓԱՆԱԿԵՐՏ, 21 մայիսի, ԱՐՑԱԽՊՐԵՍ: SHANTNEWS.am-ի փոխանցմամբ, այս մասին տեղեկացնում էGazeta.ru-ն:
«Հիմա ոչ թե բանակցություններ վարելու, այլ դիմադրություն և տոկունություն ցուցաբերելու ժամանակն է»,- ասել է Ռոհանին և հավելել, որ ԱՄՆ-ն 8 անգամ պաշտոնապես Թեհրանին առաջարկել է բանակցություններ սկսել, սակայն նման պայմաններում Իրանի և ԱՄՆ-ի բանակցությունները նախագահը «նպատակահարմար» չի գտնում:
Հիշեցնենք, որ ավելի վաղ ԱՄՆ նախագահ Դոնալդ Թրամփը նշել էր, որ եթե Իրանը ցանկանա պատերազմել, ուրեմն դա կլինի այդ երկրի պաշտոնական վերջը և կոչ էր արել այլևս երբեք չսպառնալ Միացյալ Նահանգներին: Իրանը, իր հերթին, հայտարարել էր, որ պատերազմելու ցանկություն թեև չունի, սակայն հարկ եղած դեպքում կպաշտպանի իր շահերը:

     

Քաղաքական

Հասարակական

Ռազմական

Search