ՍՏԵՓԱՆԱԿԵՐՏ, 22 մայիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ մայիսի 22-ին, Խորհրդարանում կայացած պետական բյուջեի հաշվետվության ժամանակ ասել է ԱՀ քաղաքաշինության նախարար Կարեն Շահրամանյանը:

Նրա խոսքով՝ նշված գումարից զոհված ազատամարտիկների ընտանիքների վերանորոգման և կառուցման համար հատկացվել է 778 միլիոն դրամ, բազմազավակության խթանման միջոցառումների իրականացման համար՝ 1 միլիարդ 45 միլիոն դրամ, այլ սոցիալական խմբերին պատկանող ընտանիքների բնակարանների կառուցման և վերանորոգման համար՝ 906 միլիոն դրամ, բարձրահարկ շենքերի վերանորոգման համար՝ 191 միլիոն դրամ, որը հիմնականում ուղղվել է Ստեփանակերտի Ալեք Մանուկյան 120 Ա շենքի շինարարական աշխատանքներին, աղետից տուժած տանիքների վերանորոգման համար՝ 211 միլիոն դրամ: Բնակարանների վերանորոգման նպատակով շինանյութեր է տրամադրվել է 739 միլիոն դրամի չափով:

Բազմազավակության խթանման միջոցառումների իրականացման համար հատկացված գումարով նախորդ տարի կառուցվել է 44 բնակելի տուն, վերանորոգվել՝ 7-ը:

Նախարարը տեղեկացրել է, որ կրթության ոլորտի համար հատկացվել էր 967 միլիոն դրամ, հասարակական և վարչական նշանակության օբյեկտներին՝ 2.2 միլիարդ դրամ, կոմունալ շինարարության, փողոցների, բակերի բարեկարգման, ջրամատակարարման և կոյուղագծերի վերանորոգման համար՝ 1 միլիարդ 147 միլիոն դրամ, առողջապահության ոլորտին՝ 345 միլիոն դրամ, ճանապարհաշինության համար՝ 6 միլիարդ 221 միլիոն դրամ, նախագծահետազոտական և փորձաքննական աշխատանքների համար՝ 468 միլիոն դրամ, ջրամատակարարման համակարգերի վերանորոգման և նորերի կառուցման համար 1 միլիարդ 59 միլիոն դրամ, ջեռուցման համակարգերի արդիականացման համար՝ 161 միլիոն դրամ, էլեկտրաէներգիայի բաշխիչ ցանցերի արդիականացման համար՝ 479 միլիոն դրամ, «Հայաստան» համահայկական հիմնադրամի հետ համաֆինանսավորվող օբյեկտներից առաջացած ավելացված արժեքի հարկերի վճարման համար՝ 246 միլիոն դրամ, նախորդ տարիներին պահված երաշխիքային գումարների տրամադրման համար՝ 134 միլիոն դրամ, նախորդ տարիներին արտաբյուջետային և այլ միջոցների հաշվին իրականացված աշխատանքների մի մասի ֆինանսավորման վերականգնման համար՝ 2.7 միլիարդ դրամ, համայնքների կառուցապատող տարածքների հողերի ձեռքբերման և շինարարության թույլտվությունների և այլ ծախսերի համար՝ 22.5 միլիոն դրամ, գույքի գնման ծախսերի համար՝ 109 միլիոն դրամ, քաղպաշտպանության միջոցառումների համար՝ 79 միլիոն դրամ: