Ճապոնիայի կառավարությունը ցանկանում է, որ աշխարհն օգտագործի երկրում ընդունված ճապոնական անունների ավանդական կարգը, որի համաձայն՝ առաջին տեղում է ազգանունը, ապա անունը:
Ճապոնիայի իշխանությունները ցանկանում են, որ աշխարհն օգտագործի ճապոնական անունների ավանդական կարգը
ՍՏԵՓԱՆԱԿԵՐՏ, 22 մայիսի, ԱՐՑԱԽՊՐԵՍ: NEWS.am-ի փոխանցմամբ, այս մասին հաղորդում է AP-ը:
Այսպիսով, երկրի վարչապետ Սինձո Աբեն կդառնա Աբե Սինձո, ինչպես նրան կոչում են Ճապոնիայում: Եվ այդպիսով վերջ կդրվի արևմտյան կարգին:
Անուններին նախորդում են ազգանունները նաեւ Չինաստանում ու Հարավային Կորեայում, սակայն այդ երկրները օգտագործում են նաեւ միջազգային մակարդակով ընդունված ոճը:
Ճապոնիայի արտաքին գործերի նախարար Տարո Կոնոն արտասահմանցի լրագրողներին խնդրել է անցնել ճապոնական ոճին:
