Ինչ կարծիք ունեն քաղաքացիները «Արցախպրես»-ի գործունեության մասին. հարցախույզ
«Արցախպրես» լրատվական գործակալության հնգամյակի առթիվ մեր թղթակիցը շրջել է Ստեփանակերտի փողոցներում և պարզել, թե քաղաքացիներն ինչքանով են հետևում կայքին և ինչ կարծիք ունեն լրատվամիջոցի կողմից իրականացվող աշխատանքների վերաբերյալ:
Ինչ կարծիք ունեն քաղաքացիները «Արցախպրես»-ի գործունեության մասին. հարցախույզ
ՍՏԵՓԱՆԱԿԵՐՏ, մայիսի 23, ԱՐՑԱԽՊՐԵՍ: ԷմմաԲալայան- Ես մշտապես հետևում եմ «Արցախպրես»-ի լրահոսին: Բոլոր անհրաժեշտ նյութերը ես շատ արագ գտնում և ծանոթանում եմ հենց «Արցախպրես»-ում: Պետք է խոստովանեմ, որ կայքի հեղինակային լուսանկարները բավականին բարձր որակ ունեն, և շատ հաճախ մենք էլ օգտվում ենք դրանցից: Ընդհանուր առմամբ, գոհ եմ գործակալության կողմից իրականացվող աշխատանքներից:
Իրինա Սաֆարյան- Հաշվի առնելով, որ իմ աշխատանքը կապված էնաև կատարվող իրադարձությունների հետ, այդ իսկ պատճառով «Արցախպրես»-ն ամենաշատն եմ ընթերցում: Լրատվամիջոցում խտացված են բոլոր այն կարևոր և օրակարգային թեմաներին առնչվող նյութերը, որոնք տեղի են ունենում ամբողջ աշխարհում: Պետք է առանձնացնեմ, որ վերջերս «Արցախպրես»-ն ամենօրյա հաճախականությամբ հրապարակում է օրվա անոնս, որը շատ ողջունելի է ու անհրաժեշտ, քանի որ այդ կերպ մենք՝ ընթերցողներս նաև տեղեկանում ենք, թե ինչ իրադարձություններ են սպասվում այդ օրն Արցախում: Կուզենայի՝ կայքի անգլերեն բաժինն ավելի ակտիվանար, այսինքն՝ հայերեն բաժնում տեղադրված բոլոր կարևոր նյութերն ունենային իրենց անգլերեն տարբերակները:
Շնորհավորում եմ «Արցախպրես» լրատվական գործակալության ողջ կոլեկտիվին և մաղթում, որ կայքն էլ ավելի շատ ընթերցողներ ունենա, և նորանոր հաջողությունների հասնի:
ԴիանաՆերսիսյան - Ամեն օր ընթերցում եմ «Արցախպրես»: Հիմնականում հետևում եմ ֆեյսբուքյան էջի միջոցով: Եթե որևէ լուրի մասին անհրաժեշտություն է լինում ճիշտ ինֆորմացիա ստանալու, ապա միանգամից օգտվում եմ «Արցախպրես»-ի կայքը: Արցախում տեղի ունեցող իրադարձությունները գործակալության աշխատակիցները հասցնում են օպերատիվ լուսաբանել: Կցանկանայի, որ միջազգային նորություններն էլ ավելի շատ լինեին կայքում:
ԱլվինաՄուսայելյան- Ընթերցելով «Արցախպրես»-ի օրվա լրահոսը՝ կարող եմ ասել, որ այն ինձ բավարարում է: Ես գոհ եմ կատարվող աշխատանքից: Կցանկանայի քննադատական նյութեր ավելի շատ լինեին: Լրատվամիջոցի կոլեկտիվի անդամներին ցանկանում եմ բարի աշխատանքային գործունեություն:
Սուրեն Առուշանյան- Դեռևս հինգ տարի առաջ, երբ «Արցախպրես»-ն սկսեց իր գործունեությունը, այն մեծ պահանջարկ ուներ մեզ՝ արցախցիներիս համար: Ինձ համար լրատվամիջոցն ինֆորմացիայի վստահելի աղբյուր է: Ուրախալի կլիներ, որ տեղական նյութերի քանակն էլ ավելի շատ լիներ, ինչպես նաև տարբեր վայրերում թղթակիցներ լինեին: Որպես ընթերցող՝ շատ գոհ եմ գործակալության աշխատանքից:
ԹերեզաՂարախանյան- Ես հետևում եմ«Արցախպրես»-ի լրահոսին: Կարող եմ ասել, որ անաչառ աշխատանք է տարվում լրատվամիջոցի կողմից: Շատ կարևոր է, որ Արցախում տեղի ունեցող իրադարձությունները լուսաբանվում են օպերատիվ կերպով: Արտաքին լսարանի համար լրատվամիջոցի աշխատանքը մեծ դերակատարություն ունի:
Ցանկանում եմ բեղմնավոր աշխատանք, և որ բոլոր նորությունները լինեն միմիայն բարի և ուրախալի: