ՍՏԵՓԱՆԱԿԵՐՏ, 3 հունիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ` առաջին խաղակեսն անցել է 0-0 հաշվով: Այնուհետև 57-րդ րոպեում հաշիվը բացել է Չամերիայի հավաքականը:

Արցախի թիմը հաշիվը հավասարեցրել է 83-րդ րոպեին: Իսկ 84-րդ րոպեին Չամերիայի հավաքականը կրկին գրավել է Արցախի դարպասը: Խաղի 91-րդ րոպեում հաշիվը դարձել է 3-1:

Վերջում մրցավարի կողմից ավելացվել են ևս մի քանի րոպեներ: Եվ 95-րդ րոպեին Չամերայի թիմը խփել է 4-րդ գոլը:

Մեզ հետ զրույցում հաղթած հավաքականի գլխավոր մարզիչ Բարլուլ Մինջան ասել է, որ չնայած երեկ կայացած Աբխազիա-Չամերիա խաղն ավարտվել էր 3-1 հաշվով` սակայն դա չի հուսալքել թիմի անդամներին:

«Մենք հասկացել ենք, թե ինչ խնդիր է ունեցել թիմը և փորձել ենք լուծել այն` ուշադիր հետևելով Արցախի թիմի խաղին: Այս անգամ պատրաստվել ենք այնպես, որ կարողանանք պաշտպանվել և դիմագրավել մրցակից թիմին:

Պատրաստվում ենք հաջորդ հանդիպումներին ևս նույն կերպ ներկայանալ»,- նշել է Բարլուլ Մինջան: Նա հույս  է հայտնել, որ երկու թիմերը կհայտնվեն եզրափակչում:

Իսկ Չամերիայի հավաքականի 8-րդ համարի ֆուտբոլիստ Կեվիս Գեցին նշել է, որ շատ ուրախ են հաղթանակի համար և փորձելու են մյուս խաղերին ևս բարձր արդյունքներ գրանցել:

Նրա խոսքով` Արցախում կարելի է տեսնել հյուրասեր, ընկերասեր մարդկանց, ինչը ողջունելի է: Կ. Գեցինն ասել է նաև, որ իրենք այստեղ իրենց շատ ապահով են զգում և ոգևորված են այս առաջնությունով: