Artsakhpress

Սպորտ

Աբխազիայի հավաքականը հաղթել է Չամերիային և նվաճել բրոնզե մեդալ (լուսանկարներ)

Ստեփանակերտի հանրապետական մարզադաշտում CONIFA Sportsbet.io European Football Cup 2019-ի շրջանակներում այսօր կայացել է Աբխազիայի և Չամերիայի հավաքականների հանդիպումը:

Աբխազիայի հավաքականը հաղթել է Չամերիային և նվաճել բրոնզե մեդալ (լուսանկարներ)

Աբխազիայի  հավաքականը հաղթել  է Չամերիային  և  նվաճել  բրոնզե  մեդալ (լուսանկարներ)
ՍՏԵՓԱՆԱԿԵՐՏ, 8 հունիսի, ԱՐՑԱԽՊՐԵՍ«Արցախպրես»-ի  թղթակցի  հաղորդմամբ՝  հիմնական  խաղն  ավարտվել  է   0-0  հաշվով:  
Այնուհետև  տեղի  է  ունեցել  11 մ-ոց    հարվածներ: Արդյունքում՝  խաղն   ավարտվել  է    4-5  հաշվով՝ հօգուտ   Աբխազիայի: 
Ֆուտբոլային  մրցապայքարում  Աբխազիան  զբաղեցրել  է  3-րդ  տեղ` արժանանալով  բրոնզե  մեդալի, իսկ  Չամերիան՝  4-րդ:
Խաղի ավարտից հետո CONIFA-ի Եվրոպայի նախագահ Ալբերտո Ռիսկոն և   ԱՀ  կրթության, գիտության  և  սպորտի  նախարար  Նարինե  Աղաբալյանը  3-րդ և 4-րդ մրցանակային տեղեր գրաված թիմերին պարգևատրել են մեդալներով և գավաթներով:
Մեզ  հետ   զրույցում  Աբխազիայի   հավաքականի  գլխավոր  մարզիչ  Բեսլան Ադժինժալն   ասել է, որ  իրենց  հավաքկանն   այլ  արդյունքների   էր  սպասում: Ցավոք,  իրենց  չհաջողվեց   հայտնվել  եզրափակչում:
Ըստ  մարզչի՝  Աբխազիայի   հավաքականի  մեծ  մասն  առաջին  անգամ  է  մասնակցում  նման  մրցաշարի, և   3-րդ  մրցանակային  տեղ  գրավելը  թիմի  համար  լավ  սկիզբ է:
«Բազմիցս  եմ  ասել, որ  Արցախում   շատ   բարձր  մակարդակով  է  կազմակերպվել  CONIFA  Sportsbet.io European Football Cup  2019-ը:  Ուղղակի  ուզում եմ  հատուկ  շնորհակալություն  հայտնել   կազմակերպիչներին  և  Արցախի  հյուրընկալ  ու   բարի   ժողովրդին»,-մասնավորապես  ասել է   Բեսլան Ադժինժալը  և  ընդգծել, որ  Արցախի  հավաքականը   լավ  էր  պատրաստված, և  ապագայում  թիմը կունենա   մի  շարք  հաջողություններ:     
Չամերիայի  հավաքականի    անդամ  Կեվիս   Գջեցին   էլ  ասել է, որ իրենք   մինչև   խաղի վերջին   րոպեն  պայքարել  են, որ   հայտնվեն   լավագույն  եռյակի  մեջ, որը, ցավոք,  չհաջողվեց  11  մ-ոցների   դեպքում:
Կեվիս   Գջեցու  խոսքով՝  իրենք   Արցախից  հեռանալու են վառ տպավորություններով: Իրենք  պատրաստ են  Արցախում կրկին մասնակցելու   ֆուտբոլային  մրցաշարի:
Խոսելով  Արցախի  հավաքականի  մասին՝  մարզիկն  ասել է, թե  իրենք  հեշտությամբ  են  կարողանալու հաղթել  Արցախի  թիմին, սակայն   խաղից  հետո  հասկացան, որ սխալվել  են:    
  
Խաղին    հետևում  էր  ԱՀ  Ազգային  ժողովի    նախագահ  Աշոտ  Ղուլյանը, ԱՀ  պետական  նախարար  Գրիգորի  Մարտիրոսյանը, պետական  այրեր, հյուրեր, ֆուտբոլասերներ  և  այլք:

     

Քաղաքական

Հասարակական

Ռազմական

Search