Artsakhpress

Սպորտ

Հայտնի է CONIFA-2019 մրցաշարի հիմնական արդյունքները. վաղը տեղի կունենա փակման արարողությունը

Այսօր` հունիսի 8-ին, կայացած ֆուտբոլային խաղերից հետո CONIFA Artsakh-ի PR և մարքեթինգի թիմի ղեկավար Հրաչուհի Բարսեղյանը, Ստեփանակերտում բացված մամուլի կենտրոնում, հանդես է եկել ասուլիսով:

Հայտնի է CONIFA-2019 մրցաշարի հիմնական արդյունքները. վաղը տեղի կունենա փակման արարողությունը

Հայտնի   է   CONIFA-2019  մրցաշարի  հիմնական  արդյունքները. վաղը  տեղի  կունենա  փակման  արարողությունը
ՍՏԵՓԱՆԱԿԵՐՏ, 8 հունիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ`  Հ.  Բարսեղյանը  ներկայացրել  է  Ստեփանակերտի և  Ասկերանի  մարզադաշտերում   կայացած  ConiFA- 2019  մրցաշարի  արդյունքները:
 
Նա  ասել է, որ  Ստեփանակերտում կայացած Պադանիա-Արցախ խաղի առաջին խաղակեսն ավարտվեց 0-1 հաշվով, գոլի հեղինակ էր դարձել Արցախի հավաքականի ֆուտբոլիստ Արսեն Սարգսյանը։ Խաղի ավարտին մնացել էր ընդամենը 2 րոպե, երբ մրցավարներն արձանագրեցին խաղի կանոնների  խախտում, և  Արցախի հավաքականի երկու ֆուտբոլիստ միանգամից հեռացվեցին դաշտից։ Այնուհանդերձ, ընդամենը 1 րոպե անց երկրոդ գնդակի հեղինակը Դմիտրի Մալյական էր, որը գնդակը հակառակորդի դարպասն ուղարկեց հանդիպման վերջին րոպեին։ Բավական լարված պայքարն ավարտվեց 0-2 հաշվով՝ հօգուտ Արցախի։ Այսպիսով, Արցախի հավաքականը CONIFA Sportsbet.io ֆուտբոլի Եվրոպայի առաջնությունում գրավեց 5-րդ տեղը, իսկ Պադանիայի հավաքականը՝ 6-րդ։
Հ. Բարսեղյանը  մանրամասնել է, որ  Ասկերանում  կայացած Սեկեյի Լանդ-Սապմի խաղում հաշիվը բացվեց 17-րդ րոպեին: Սեկեյի Լանդի  հավաքականի   ֆուտբոլիստ Բենջամին Զակրիսսոնի կողմից։ 2 րոպե անց Սապմիի  ֆուտբոլիս Սամուլի Լաիտիլան հավասարեցեց հաշիվը։ 35-րդ րոպեին Սեկեյի Լանդի ֆուտբոլիստ Բենջամին Բալինտը ևս մեկ գնդակ ուղարկեց մրցակցի դարպասը։ 75-րդ րոպեին Սապմիի ֆուտբոլիստ Սամուլի Լաիտիլան խփեց հաղթական գնդակը։ Խաղն ավարտվեն 2-3 հաշվով։ Արդյունքում Սապմիի հավաքականն այս մրցաշարում զբաղեցրեց 7-րդ տեղը, իսկ Սեկեյի Լանդինը ՝ 8-րդ։
«Այսօրվա վերջին խաղում հանդիպել են Չամերիան և Աբխազիան։ Նրանց պայքարն ընթանում էր 3-րդ և 4-րդ տեղերի համար։ Խաղը լարված էր, բազմաթիվ դեղին  և  կարմիր քարտերով։ Հիմնական ժամանակում խաղն ավարտվել է  0-0 հաշվով։ Եվ CONIFA-ի կանոնների համաձայն՝ հաղթողը որոշվել է   հետխաղյա 11 մետրանցների արդյունքում։ Աբխազիան, որ բավական հետաքրքիր ֆուտբոլ էր ցույց տալիս ամբողջ մրցաշարի ընթացքում կարողացավ առաջ անցնել հաշվի մեջ  և   դարձավ CONIFA Sportsbet.io ֆուտբոլի Եվրոպայի առաջնության   բրոնզե մեդալակիր՝ հաղթելով 5-4 հաշվով։ Բոլոր խաղերի ավարտին թիմերը մասնակցեցին պարգեւատրման արարողություններին»,-ավելացրել  է  Հ. Բարսեղյանը։
Նրա  խոսքով՝   մրցաշարային աղյուսակն ունի հետևյալ տեսքը. 8-րդ տեղ՝ Սեկեյի Լանդ, 7-րդ՝ Սապմի, 6-րդ՝ Պադանիա, 5-րդ՝ Արցախ,4-րդ՝ Չամերիա, 3-րդ՝ Աբխազիա:
Հունիսի 9-ին՝ ժամը 18:00-ին, Ստեփանակերտի Ստեփան Շահումյանի անվան մարզադաշտում տեղի կունենա CONIFA Sportsbet.io ֆուտբոլի Եվրոպայի առաջնության եզրափակիչ  փուլը, որտեղ չեմպիոնի տիտղոսի համար կպայքարեն Արևմտյան Հայաստանը և  Հարավային Օսիան։ Ժամը՝  20:00-ին Ստեփանակերտի    մարզադաշտում    տեղի  կունենա   CONIFA-2019-ի  պաշտոնական  փակման  արարողությունը, որի  ընթացքում  կլինեն  անակնկալներ:
Տեղեկացնենք, որ  ԿՈՆԻՖԱ-ն՝ Անկախ ֆուտբոլային ասոցիացիաների կոնֆեդերացիան, ՖԻՖԱ-ի կազմում չներառված ֆուտբոլի, ֆուտզալի  և լողափնյա ֆուտբոլի ասոցիացիաների միջազգային կառավարող մարմին է, որը հիմնադրվել է 2013  թվականին:Կազմակերպությունը ներառում է 54 ֆեդերացիաներ: ԿՈՆԻՖԱ-ի նպատակն է՝ ՖԻՖԱ-ի կազմում չընդգրկված ֆեդերացիաներին, խաղացողներին հնարավորություն տալ դրսեւորել իրենց կարողությունները, զարգանալ որպես մարզիկներ և անհատներ։ CONIFA Sportsbet.io European Football Cup 2019-ը ԿՈՆԻՖԱ-ի Եվրոպայի երրորդ  առաջնությունը։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Search