Artsakhpress

Սպորտ

Մենք հեռանում ենք մի երկրից, որը կարող է կազմակերպել ու անցկացնել բարձրակարգ մրցաշարեր. Ստեփանակերտում ավարտվեց ConiFA-ի առաջնությունը (լուսանկարներ)

Ստեփանակերտի հանրապետական մարզադաշտում քիչ առաջ կայացել է CONIFA Sportsbet.io European Football Cup 2019-ի փակման հանդիսավոր արարողությունը:

Մենք հեռանում ենք մի երկրից, որը կարող է կազմակերպել ու անցկացնել բարձրակարգ մրցաշարեր. Ստեփանակերտում ավարտվեց ConiFA-ի առաջնությունը (լուսանկարներ)

Մենք  հեռանում ենք  մի երկրից, որը  կարող  է   կազմակերպել  ու  անցկացնել     բարձրակարգ   մրցաշարեր. Ստեփանակերտում  ավարտվեց ConiFA-ի առաջնությունը
(լուսանկարներ)
ՍՏԵՓԱՆԱԿԵՐՏ, 9 հունիսի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝   միջոցառմանը,  ողջունելով  ներկաներին,   CONIFA-ի Եվրոպայի  կոնֆեդերացիայի   նախագահ  Ալբերտո   Ռիսկոն  իր  շնորհակալությունն   է  հայտնել     բոլոր     հավաքականներին  դիտարժան  խաղ     ներկայացնելու   համար:
Դիմելով  ներկաներին  նա  ասել  է. «Առաջնության  ավարտին  մենք  հեռանում ենք  մի երկրից, որը  կարող  է   կազմակերպել  ու  անցկացնել     բարձրակարգ   մրցաշարեր: Եվ  ինչու  ոչ, գուցե  մի  օր    CONIFA-ի  աշխարհի  առաջնությունն  անցկացվի   հենց  Արցախում:  Մենք  հեռանում ենք  մի  երկրից, որը  մի    օր  կունենա  իր   ֆուտբոլի  ազգային  լիգան:   Հենց  սա  է  CONIFA-ի  կարևորագույն     նպատակներից  մեկը՝  աջակցություն  ցուցաբերել     ֆուտբոլի  ֆեդերացիաներին: Այս  օրերին   մենք  ծանոթացանք  հարյուրավոր  մարդկանց, այդ  թվում  և  կամավորների  հետ: Շնորհակալություն ենք   հայտնում  բոլոր  երիտասարդներին  Եվրոպայի   առաջնության  անցկացմանը  ցուցաբերած  իրենց  աջակցության  համար:Շնորհակալություն  ենք  հայտնում նաև  մեր   գլխավոր  հովանավոր  Sportsbet.io-ին,  ինչպես  նաև   Արցախին   ու  արցախցիներին  իրենց  բարձր     պրոֆեսիոնալիզմի  և   կազմակերպվածության  համար»:
Ալբերտո   Ռիսկոի  խոսքով՝  ֆուտբոլի Եվրոպայի առաջնության եզրափակիչ փուլում   Հարավային  Օսիայի   և  Արևմտյան  Հայաստանի  հավաքականները  խաղացել  են  որպես  իսկական   չեմպիոններ:
Միջոցառմանը  ներկա  CONIFA Sportsbet.io European Football Cup 2019-ի  կառավարական  հանձնաժողովի  նախագահ, ԱՀ  պետական   նախարար  Գրիգորի  Մարտիրոսյանն  էլ  իր  ելույթում    ասել է, որ   հունիսի  1-9-ն   Արցախում     թևածում  էր   ֆուտբոլային   տրամադրություն:
«Առաջնությանը  մասնակցած  8  հավաքականները  համառ  մրցապայքարում  ցուցադրել  են     հետաքրքիր  ու  դիտարժան  խաղ: Այսօր   վստահությամբ  կարող  եմ  ասել, որ  CONIFA-2019-ը  դարձել  է  տոն  ոչ  միայն  ֆուտբոլի   երկրպագուների, այլև    բոլոր  արցախցիների  և  Արցախ  այցելած    հյուրերի   համար:  Շնորհավորում եմ   CONIFA-2019-ի  չեմպիոնի     տիտղոսին  արժանացած     Հարավային  Օսիայի  հավաքականին: Շնորհավորում  և  շնորհակալություն  եմ  հայտնում   նաև  բոլոր  հավաքականներին՝ առաջնությանը    իրենց   մասնակցության, արդար  մրցապայքարի և  մեզ  բոլորիս  տոնական  տրամադրություն  պարգևելու  համար: CONIFA-2019-ի    Եվրոպայի   առաջնության   մեկնարկին  մենք  անծանոթ  էինք  միմյանց, բայց  ավարտին  մեք    հրաժեշտ  ենք   տալու, որպես  բարեկամներ: Թող    CONIFA-2019-ի    Եվրոպայի  ֆուտբոլի  առաջնության   պարգևած  ոգևորությունը     բոլորիս  մղի  նոր    հաղթանակների   և  հաջողությունների»,- ավելացրել  է  Գ.  Մարտիրոսյանը:
Նա  առաջնության    պետական  հանձնաժողովի  և  անձամբ  իր  անունից   շնորհակալություն  է  հայտնել  CONIFA-ի  ղեկավարությանը՝  ի  դեմս    նախագահ   Պեր-Անդերս  Բլինդի, Եվրոպայի  կոնֆեդերացիայի   նախագահ  Ալբերտո  Ռիսկոյին, կազմակերպիչներին, աջակիցներին, կամավորներին:
Հարավային  Օսիայի  հավաքականի   գլխավոր   մարզիչ    Կոչիև  Սասլան  մեզ  հետ  զրույցում  ասել է, որ մրցապայքարում  հաղթանակn  իրենց հեշտ  չի  տրվել, մանավանդ   եզրափակիչ  փուլում, բայց  իրենց  հաջողվել  է  հաղթել  և  դառնալ  CONIFA-2019-ի      չեմպիոն:
Նա  իր  խոսքում մասնավորապես  ասել է. «Մենք  համոզվել  ենք, որ  արցախցիները   շատ  են  սիրում   ֆուտբոլ:  Մենք  շնորհակալ  ենք  մեր  երկրպագուներին, ովքեր  մինչև  վերջին  պահը   մեզ  հետ  էին  և ոգևորում  էին    մեր թիմին: Արցախցիները  ընկերասեր  են, հյուրասեր, բարի  ու  կամեցող: Մենք  շնորհակալ  են   նրանց  և  Արցախից  հեռանում  ենք  լավ  տպավորություններով»: 
Ելույթներից  հետո  CONIFA-2019-ի Եվրոպայի  ֆուտբոլի  առաջնության     մրցանակների  հանձնման  պատիվը   տրվել  է    ԱՀ  պետական    նախարար  Գրիգորի  Մարտիրոսյանին, ԱՀ  կրթության, գիտության  և  սպորտի   նախարար  Նարինե  Աղաբալյանին, CONIFA-ի Եվրոպայի  կոնֆեդերացիայի   նախագահ  Ալբերտո  Ռիսկոին  և  CONIFA-ի  համահիմնադիր  և  գլխավոր  քարտուղար  Սաշա  Դյուրկոպին:
CONIFA-2019-ի  Եվրոպայի  ֆուտբոլի  առաջնության   չեմպիոնի   գավաթը  նվաճել  է Հարավային  Օսիայի   հավաքկանը,  իսկ  փոխչեմպիոնի    գավաթը՝  Արևմտյան  Հայաստանի  հավաքականը, երրորդ  տեղում  է  Աբխազիայի թիմը:
Ստեփանակերտի  հանրապետական  մարզադաշտի ողջ  երկայնքով   կազմակերպվել  է    ավտոշքերթ, որից  հետո   Արցախի  ձայներ  երաժշտական  համույթը հանդես է եկել  երգերով:
Միջոցառմանը    ներկա  էր   ԱՀ   նախագահ  Բակո  Սահակյանը տիկնոջ՝ Անահիտ Սահակյանի հետ, ԱՀ  ԱԺ  նախագահ  Աշոտ  Ղուլյանը, պետական  այլ  այրեր, հյուրեր, ֆուտբոլասերներ  և  այլք:

     

Քաղաքական

Տնտեսական

Արցախի թեմն ազատվել է գույքահարկից և հողի հարկի գծով առաջացած պարտավորություններից. ֆինանսների նախարար

ԱՀ կառավարության նիստին ներկայացված «Գույքահարկի մասին» օրենքում լրացումներ կատարելու մասին» և ««Հողի հարկի մասին» օրենքում փոփոխություն և լրացումներ կատարելու մասին» օրենքների նախագծերի փաթեթով առաջարկվել և որոշվել է, որ Հայաստանյայց Առաքելական Սուրբ Եկեղեցու Արցախի թեմին ազատել սեփականության իրավունքով պատկանող` հուշարձանի կարգավիճակ չունեցող եկեղեցիների, հոգևոր-մշակութային, կրթադաստիարակչական, եկեղեցական և ծիսական պարագաների արտադրության և իրացման համար օգտագործվող շենքերի ու շինությունների համար հաշվարկվող գույքահարկից և դրանց սպասարկման համար անհրաժեշտ հողամասերի հողի հարկից, ինչպես նաև ազատել մինչև 2019 թվականի հունվարի 1-ը հաշվարկված գույքահարկի և հողի հարկի գծով առաջացած պարտավորություններից:

Բաժնի բոլոր նյութերը

Հասարակական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Բակո Սահակյանը հրավիրել է աշխատանքային խորհրդակցություն

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search