Artsakhpress

Հասարակական

Huawei-ը կարող է իր սմարթֆոններում տեղադրված Android համակարգը փոխարինել ռուսական Aurora-ով

Huawei ընկերությունն ԱՄՆ պատժամիջոցների պատճառով կարող է իր սմարթֆոններում տեղադրված Android օպերացիոն համակարգը փոխարինել ռուսական Aurora համակարգով:

Huawei-ը կարող է իր սմարթֆոններում տեղադրված Android համակարգը փոխարինել ռուսական Aurora-ով

Huawei-ը կարող է իր սմարթֆոններում տեղադրված Android համակարգը փոխարինել ռուսական Aurora-ով
ՍՏԵՓԱՆԱԿԵՐՏ, 11 հունիսի, ԱՐՑԱԽՊՐԵՍ: Այդ մասին ТАСС-ի փոխանցմամբ՝ հայտնել է The Bell-ը` վկայակոչելով սեփական աղբյուրները:
«Չինաստանն արդեն փորձարկում է Aurora համակարգը»,- նշել է The Bell-ի զրուցակիցը, որը լավատեղյակ է ռուսական և չինական կողմերի միջև ընթացող բանակցություններին:
Ավելին, աղբյուրի փոխանցամբ՝ այս թեման քննարկվել է Huawei-ի գործադիր տնօրեն Գո Պինի և Ռուսաստանի թվային զարգացման և կապի նախարար Կոնստանտին Նոսկովի, ինչպես նաև ՌԴ նախագահ Վլադիմիր Պուտինի և Չինաստանի նախագահ Սի Ծինփինի հանդիպման ժամանակ:

Նշվում է, որ Ռուսաստանում կարող է ստեղծվել նաև Huawei-ի սարքավորումների համար նախատեսված կրիչների և ծրագրերի միասնական արտադրություն:
Հիշեցնենք, որ չինական Huawei ընկերությունն ընդգրկվել է ամերիկյան «սև ցուցակում», որի գործողություններն ԱՄՆ-ում գնահատվել են որպես «ԱՄՆ ազգային անվտանգության և արտաքին քաղաքականության շահերին հակասող»: Huawei-ի հետ համագործակցությունը դադարեցրել են նաև մի շարք առաջատար ընկերություններ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Search