«Մենք» տուրիստական ընկերության հովանավորությամբ Ստեփանակերտի Վերածննդի հրապարակում կայացել է երգչուհի ու դերասանուհի Ռոզա Ֆիլբերգի և երգիչ Սարգիս Ավետիսյանի համատեղ համերգը:
Ստեփանակերտում կայացել է Ռոզա Ֆիլբերգի և Սարգիս Ավետիսյանի համերգը
ՍՏԵՓԱՆԱԿԵՐՏ, 11 հունիսի, ԱՐՑԱԽՊՐԵՍ: Համերգի ընթացում հնչել են հայերեն և ռուսերեն երգեր: Երգիչները ներկայացրել են նաև իրենց նոր երգերը:
«Արցախպրես»-ի թղթակցի հետ զրույցում Սարգիս Ավետիսյանն ասել է, որ ինքն առաջին անգամ Ստեփանակերտում եղել է 2008 թվականին՝ մասնակցել երաժշտական մրցույթի: Երգիչը արմատներով Արցախի Հադրութի շրջանից է:«Ես հիացած եմ արցախցիների ջերմ ընդունելությունից: Մեր երկրպագուները շատ են ոգևորում մեզ: Համերգի ընթացքում արցախցի հանդիսատեսին եմ ներկայացրել «Իմ երջանկությունը» վերնագրով նոր երգը»,-ավելացրել է երգիչը՝ ընդգծելով, որ 2010 թվականին ինքն Արցախին նվիրված երգ է ձայնագրել:Խոսելով առաջիկա ծրագրերի մասին՝ նա ասել է, որ նախատեսում է մենահամերգներ ունենալ եվրոպական մի շարք երկրներում:
Ռոզա Ֆիլբերգն էլ ասել է, որ իր համար մեծ հպարտություն է արցախցի հանդիսատեսի առաջ համերգային ծրագրով հանդես գալը: Համերգին հնչել է իր երգչուհու երգը, որը կոչվում է «Попалам»:
