Artsakhpress

Քաղաքական

Սահմանադրության փոփոխության շուրջ արվող առաջարկները դեմ են նույն Սահմանադրության մի շարք հոդվածների. Վարդգես Բաղրյան

Օրենքի սահմաններում սահմանադրական փոփոխություններ նախաձեռնելը չի կարող ինքնիշխանությանը սպառնացող վտանգ պարունակել, բայց ԼՂՀ պաշտպանության բանակի նախկին հրամանատար Սամվել Բաբայանի կողմից սահմանադրական փոփոխությունների համար ստեղծված նախաձեռնող խմբի առաջարկը խնդրահարույց է այնքանով, որ դուրս է օրենքի շրջանակներից և հակասության մեջ է մտնում Սահմանադրության ուրիշ հոդվածների հետ:

Սահմանադրության փոփոխության շուրջ արվող առաջարկները դեմ են նույն Սահմանադրության մի շարք հոդվածների. Վարդգես Բաղրյան

Սահմանադրության փոփոխության շուրջ արվող առաջարկները դեմ են նույն Սահմանադրության մի շարք հոդվածների. Վարդգես Բաղրյան
ՍՏԵՓԱՆԱԿԵՐՏ, 11 հունիսի, ԱՐՑԱԽՊՐԵՍԱյս մասին «Արցախպրես»-ի թղթակցի հետ զրույցում ասել է «Ժողովրդավարություն» խմբակցության ղեկավար Վարդգես Բաղրյանը:
«Առաջարկվող փոփոխությունների տրամաբանությունը առաջացնում է մի շարք հարցեր: Օրինակ` եթե քաղաքացին վերջին 10 տարիներին ապրել է Հայաստանում և իրավունք ունի առաջադրվելու որպես Արցախի նախագահի թեկնածու, այդ մարդը, ըստ ամենայնի, իրավունք պետք է ունենա նաև ընտրելու: Մյուս կողմից, եթե ՀՀ քաղաքացին իրավունք ունի այստեղ ընտրվելու, արդյո՞ք ԱՀ քաղաքացին իրավունք ունի ընտրվելու ՀՀ-ում: Իմ պատկերացմամբ` կան կազուսներ հակասություններ են առկա Սահմանադրության այլ կետերի հետ»,- նշել է Վ. Բաղրյանը:
Պատգամավորը գտնում է, որ սադրանքները բացառել չի կարելի, սակայն պետք է հուսալ, որ գործը դրան չեն հասնի, քանի որ ընտրությունները ոչ թե պառակտիչ, այլ ամրացնող դեր պետք է ունենան:
«Ենթադրենք ստորագրությունների պահանջվող քանակը հավաքվել է: Ազգային ժողովի կանոնակարգի 80-րդ հոդվածով` օրենքի նախագիծը պետք է անցնի երկու ընթերցում: Առաջին ընթերցմամբ եթե Ազգային ժողովը 22 և ավելի ձայնով հավանություն է տալիս, օրենքի նախագիծն ուղարկվում է Գերագույն դատարան: Գերագույն դատարանի մերժման դեպքում օրինագիծը դուրս է գալիս շրջանառությունից, իսկ եթե դրական եզրակացությամբ վերադարձվում է Ազգային ժողով, Խորհրդարանը երկրորդ ընթերցմամբ արտահայտում է իր վերաբերմունքը: Եթե ամեն ինչ կատարվի օրենքի շրջանակներում, չեմ կարծում, որ որևէ խնդիր կառաջանա: Սակայն անընդունելի եմ համարում ցանկացած քայլ, որը կարող է խարխլել մեր պետության հիմքերը, թուլացնել մեզ և հասարակության մեջ խմորումներ առաջացնել: Երկիրը ցնցումների տանելու շռայլություն թույլ տալու իրավունք մենք պարզապես չունենք: Հուսով եմ` կհաղթի բանականությունը, և սադրանքների որևէ մեկը չի դիմի»,- ավելացրել է Վ. Բաղրյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Search