Artsakhpress

Մշակույթ

Կազմակերպվել է հուշ-ցերեկույթ՝ նվիրված Ակսել Բակունցի ծննդյան 120-ամյակին

Ստեփանակերտի «Գրիգոր Նարեկացի» համալսարանի և ԱՀ գողների միության համատեղ նախաձեռնությամբ այսօր՝ հունիսի 14-ին, բուհում կայացել է հուշ-ցերեկույթ՝ նվիրված Ակսել Բակունցի ծննդյան 120-ամյակին:

Կազմակերպվել է հուշ-ցերեկույթ՝ նվիրված Ակսել Բակունցի ծննդյան 120-ամյակին

Կազմակերպվել է հուշ-ցերեկույթ՝  նվիրված Ակսել Բակունցի ծննդյան 120-ամյակին
ՍՏԵՓԱՆԱԿԵՐՏ, 14 հունիսի, ԱՐՑԱԽՊՐԵՍ:«Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել ԱՀ գրողների միության նախագահ Վարդան Հակոբյանը: Նա, ողջունելով ներկաներին, նշել է,  որ իրենք հավաքվել են իրենց  երախտագիտության տուրքը մատուցելու հայ գրականության ամենավառ ներկայացուցիչներից մեկին՝ Ակսել Բակունցին:
«Բակունցը հայ արձակի ամենաինքնատիպ երևույթներից մեկն է, ով իր ձեռագրով  ու  մտածողությամբ ստեղծեց մի նոր աշխարհ: Նա  թողել է սնուցող, հողեղեն ժառանգություն, որից սնվել ու դաստիարակվել են սերունդներ: Հայ գրականությունն առանց Բակունցի շատ աղքատ կլիներ: Նա կարողացավ բնության մեջ խոսեցնել մարդուն և նրան տանել դեպի բնություն: Գրողի նորույթն ու անմահությունը նրա ստեղծած իրականության մեջ է: Բակունցի մահը եղավ շատ դաժան: Նրան սպանեցին՝ թաղելով իր իսկ ձեռքով փորած փոսի մեջ»,-մասնավորապես ասել է նա:
Գրականագետ, բանասիրական գիտությունների թեկնածու,դոցենտ Ամալյա Գրիգորյանն էլ իր ելույթում նշել է, որ չնայած Ակսել Բակունցն  ունեցավ մեկ  տասնամյակի գրական կյանք, սակայն իր գունեղ արվեստով խոր հետք թողեց հայ արձակի զարգացման մեջ:
«Բակունցի նկատմամբ գրական հակառակորդների կողմից ծայր էին առել  բամբասանքն ու բանսարկությունը: Գրողի  հասցեին քաղաքական ծանրագույն մեղադրանքներ էին բարդվել:Նրան  ձերբակալել են՝ եղերական մահով զրկելով  կյանքից: Ակսել Բակունցը, լիովին նվիրված լինելով գրականությանը, պատկերել է իր վերածնված ժողովրդի դաժան անցյալն ու պայծառ ներկան: Գրողի աշխատություններին փառավոր կյանք ու ապագա է վիճակված»,-մասնավորապես ասել է նա:
Հուշ-ցերեկույթին ներկա բանաստեղծ Ռոբերտ Եսայանն էլ իր խոսքում մասնավորապես ասել է, որ Բակունցի ստեղծագործություններն ալպիական ներդաշնակություն ու նոր լիցք են հաղորդում ժողովրդի ապրելակերպին ու ներաշխարհին:
Ելույթներով հանդես են եկել նաև ԱՀ գրողների միության անդամներ, բուհի դասախոսներ:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Պուտինի ղեկավարած զորավարժության ժամանակ արտակարգ դեպք է եղել

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Հայ մարտիկը 27 վայրկյանում նոկաուտի է ենթարկել ադրբեջանցուն

Կայացել է «Վաղվա Արցախ» կուսակցության հիմնադիր համագումարը

Search