Artsakhpress

Տնտեսական

Ստեփանակերտում կայացել է «Արևային Արցախ» խորագրով գործարար համաժողով

«Շտիգեն էներգետիկ համակարգեր» ընկերության նախաձեռնությամբ այսօր «Վալլեքս Գարդեն» հյուրանոցային համալիրում տեղի է ունեցել «Արևային Արցախ» խորագրով գործարար համաժողով:

Ստեփանակերտում կայացել է «Արևային Արցախ» խորագրով գործարար համաժողով

Ստեփանակերտում  կայացել  է  «Արևային Արցախ» խորագրով գործարար  համաժողով
ՍՏԵՓԱՆԱԿԵՐՏ, 15 հունիսի, ԱՐՑԱԽՊՐԵՍ«Արցախպրես»-ի  թղթակցի   հաղորդմամբ՝    համաժողովին    բացման  խոսքով  հանդես  է  եկել  «Շտիգեն»-ի  հիմնադիր-տնօրեն   Հայկ  Շեկյանը:
Նա  ասել է, որ   իրենց  ընկերությունը   հիմնադրվել  է   2011 թվականին  տարածաշրջանի  էներգետիկ  արդյունավետության, էներգետիկ  և  տնտեսական  անվտանգության  բարձրացման   տեսլականով:
Խոսելով     համաժողովի   կազմակերպման   մասին՝  Հ.  Շեկյանը նաև ասել է, որ   իրենց   նպատակն  է, որոլորտի   տարբեր   շահագրգիռ  կողմերն   ավելի  արագ օգտագործեն  այդ  հնարավորությունը:  Մոտ  մեկուկես  ամիս  առաջ  Արցախում  ընդունված  արևային  էներգետիկային   նպաստող  օրենսդրություն  ունենալն  ԱՀ-ում  որևէ էական  առաջընթաց  չի  գրանցել:
«Մոտ մեկուկես  ամիս  առաջ  Արցախում  ընդունվել է  արևային  էներգետիկային   նպաստող  օրենսդրություն, որը   թույլ է  տալիս  հասարակ    բնակիչներին  և  բիզնես  ոլորտի    ներկայացուցիչներին  տեղադրել  արևային  կայաններ  և  դրանք    միացնել   «Արցախէներգո»-ի  ցանցին՝ առանց  որևէ  լրացուցիչ   պարտավորությունների: Այն  լավ  հնարավորություն  է  բիզնեսի  ֆինանսի  խնայողության  համար՝  հաշվի  առնելով, որ  բիզնեսի համար  էլեկտրաէնեգիայի    սակագինն  ավելի  բարձր  է: Այդ  ոլորտի  ներկայացուցիչները կարող  են  լինել ավելի  մրցունակ, ավելի  արագ  զարգացնել  իրենց  բիզնեսը  և    բարձրացնել  որակը:  Եթե  նախկինում  պետք էր  խնայել  էլեկտրաէներգիան   ֆինանսական  միջոցների  սուղ  լինելու  պատճառով, ապա  այժմ  Արցախում  գործող    բանկերի  և  վարկային  կազմակերպությունների միջոցով այն  կարող  ենք  ստանալ  ավելի  մատչելի    ապառիկ  վարկավորումամբ: Մոտ  5-6  տարվա  ընթացքում  մարելով  վարկերը՝  քաղաքացիները   շուրջ   25  տարի  օգտագործելու  են     անվճար  էլեկտրաէներգիա»,-մասնավորապես  ասել  է  Հ. Շեկյանը: 
 
Տնօրենն  ավելացրել է, որ  իրենք    բնակիչներին   առաջին  հերթին   առաջարկում  են   արևային տաք  ջուր: Ոչ  այնքան  զարգացած    ենթակառուցվածքներ  ունեցող  բնակավայրերի    քաղաքացիները  կարող  են  ունենալ   կյանքի  այլ  որակ՝   ողջ  տարին  ունենալով  շահավետ  էներգիա. այն   նաև բնապահպանական  մեծ  օգուտ   կտա   և   անտառահատումներ   շատ  չեն  հատվի:
Այնուհետև  «Շտիգեն»  ընկերության     մարկետինգի  տնօրեն  Անի  Աղաջանյանը  ներկայացրել  է  արևային  էներգետիկայի  հայաստանյան  և  միջազգային   լավագույն   փորձը, ինչպես  նաև  արևային   էներգիայի  հնարավորությունները  արցախյան   գործարարներին  և  քննարկել  Արցախում  ոլորտի  զարգացման  վերաբերյալ գործնական  խնդիրներ:
Համաժողովի  վերջում  ներկաներն  առաջադրել են   իրենց  հարցերը: Միջոցառմանը  ներկա  էին  ԱՀ  կրթության, գիտության  և սպորտի  նախարար  Նարինե  Աղաբալյանը, ԱՀ  մշակույթի, երիտասարդության  հարցերի  և  զբոսաշրջության  նախարար լեռնիկ  Հովհաննիսյանը,  պետական  այլ այրեր, բիզնես  ոլորտի ներկայացուցիչներ, հյուրեր:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Եթե Ադրբեջանը ԼՂ հարցում կատեգորիկ է, մենք էլ կասենք` Արցախը Հայաստանն է ու վերջ. Փաշինյան

Search