«Արարիչ» բարեգործական հիմնադրամի կողմից այսօր՝ հունիսի 17-ին, Ստեփանակերտի պարարվեստի քոլեջին նվիրաբերվել է երկու նոութբուք:
«Արարիչ» բարեգործական հիմնադրամն աջակցել է կրթական ոլորտին
ՍՏԵՓԱՆԱԿԵՐՏ, 17 հունիսի, ԱՐՑԱԽՊՐԵՍ:«Արցախպրես»-ի թղթակցի հետ զրույցում «Արարիչ» բարեգործական հիմնադրամի տնօրեն Նարեկ Ավետիսյանն ասել է, որ իրենց գործունեության ընթացքում իրենք աջակցում են մի շարք մշակութային, սոցիալական, կրթական ծրագրերի իրականացմանը:Նա նաև նշել է, որ նոութբուքերն անհրաժեշտություն էին պարարվեստի քոլեջի համար և իրենք այդ նվիրաբերությամբ նպատակ ունեն ավելի դյուրին ու արդյունավետ դարձնելու կրթական գործընթացը:
Ստեփանակերտի պարարվեստի քոլեջի տնօրեն Ստելլա Զաքարյանն էլ մեզ հետ զրույցում մասնավորապես ասել է, որ իրենց կողմից իրականացվող համերգային ծրագրերն առավել բարձր մակարդակի հասցնելու և հետաքրքիր ու հիշարժան դարձնելու համար նոութբուքեր ունենալն անհրաժեշտություն էր: Նա պարարվեստի քոլեջի ուսուցչական և աշակերտական կոլեկտիվների անունից շնորհակալություն է հայտնել «Արարիչ» բարեգործական հիմնադրամի ողջ անձնակազմին՝ կրթական ոլորտին աջակցելու, արդյունավետ աշխատանք ապահովելու և «Ճանաչիր քո հայրենիքը» ծրագրի շրջանակներում նոր սերնդի ներկայացուցիչներին ուշադրության կենտրոնում պահելու համար:
