Artsakhpress

Հասարակական

Արցախի մի խումբ երիտասարդներ մասնակցել են Հարավային Օսիայում կազմակերպված համաժողովին (լուսանկարներ)

Արցախցի մի խումբ երիտասարդներ հունիսի 11-14-ը Հարավային Օսիայի մայրաքաղաք Ցխիվալում մասնակցել են ռուս-օսիական համաժողովին:

Արցախի մի խումբ երիտասարդներ մասնակցել են Հարավային Օսիայում կազմակերպված համաժողովին (լուսանկարներ)

Արցախի   մի  խումբ  երիտասարդներ    մասնակցել  են   Հարավային   Օսիայում  կազմակերպված  համաժողովին (լուսանկարներ)
ՍՏԵՓԱՆԱԿԵՐՏ, 18 հունիսի, ԱՐՑԱԽՊՐԵՍ: Այս  մասին  «Արցախպրես»-ի  թղթակցի  հետ  զրույցում  ասել  է  ԱՀ  մշակույթի, երիտասարդության  հարցերի  և  զբոսաշրջության    փոխնախարար  Գայանե  Գրիգորյանը:
Նա  նշել  է, որ  համաժողովի    թեմաները  վերաբերում  էին     միջազգային   երիտասարդական  համագործակցության   ընդլայնմանը, երիտասարդների  հայրենասիրական դաստիարակության  զարգացմանը  և  «Network» կապի ծառայության   ուսուցմանը:
Համաժողովին    Արցախից  Գայանե  Գրիգորյանի  գլխավորությամբ մասնակցել  են   նորաստեղծ  հասարակական կազմակերպությունների  ներկայացուցիչներ  և   ուսանողներ: Ընդհանուր  առմամբ՝  համաժողովին  մասնակցել  է  Ռուսատանի   Դաշնությունից, Դոնեցկի   և   Լուգանսկի   Ժողովրդական հանրապետություններից, Մերձդնեստրի  Մոլդովական Հանրապետությունից, Աբխազիայից, ինչպես  նաև   Հյուսիսային  և  Հարավային  Օսիայից  շուրջ  100  երիտասարդ:
Ըստ  Գ.  Գրիգորյանի՝  համաժողովն  անցել  է  շատ  հետաքրքիր  ու   բովանդակալից. եղել  են    մշակութաժամանցային   և  կրթական  միջոցառումներ, էքսկուրսիաներ   և  այլն: Մշակութային  միջոցառումների  ընթացքում  համաժողովի  մասնակիցները  այցելել   են  Հարավային  Օսիայի  պատմամշակութային   վայրեր՝  այնտեղ   կազմակերպելով  տարբեր  միջոցառումներ, որոնց  ընթացքում  ցուցադրել  են     Հարավ-օսիական    ազգային  երգեր  ու  պարեր,  խաղեր,  պատրաստել  և  համտեսել ավանդական   ուտեստներ   և այլն:
«Առաջին  օրը  մենք  եղել  են  Հր. Օսիայի  Ազգային թանգարանում, ինչպես  նաև   այցելել   Զագինա  գյուղի  ամրոցային  համալիր: Համաժողովի   պաշտոնական  բացումը  տեղի  է ունեցել  Ցխինվալիի  պետական-դրամատիկական թատրոնի  շենքում: Նույն  օրը  տեղի  է ունեցել   նաև  Արցախում    հունիսի  1-9-նն անցկացված  ConiFA-2019-ի   չեմպիոնի  տիտղոսը  նվաճած   Հարավային  Օսիայի  ֆուտբոլային  թիմի   դիմավորման    և  պարգևատրման   արարողությունը: Համաժողովի  շրջանակներում   հանդիպումներ  ենք  ունեցել   Հարավային  Օսիայի     մշակույթի  նախարար  Ժաննա  Զասիևայի  հետ, քննարկել  մշակութային   մի  շարք  ծրագրեր, ինչպես  նաև  խոսել   մեր   հետագա  համագործակցության  մասին: Հանդիպումներ  ենք  ունեցել  նաև  Հարավային Օսիայի Հանրապետության նախագահ Անատոլի Բիբիլովի,  արտաքին  գործերի  նախարար  Դմիտրի Մեդոևի  հետ: Ի  դեպ,  Անատոլի  Բիբիլովը  ջերմ   խոսքեր  է  արտահայտել  Արցախում    բարձր  մակարդակով   կազմակերպված  ConiFA-2019 Եվրոպայի   առաջնության մասին: Մենք  էլ  մեր  հերթին ենք  շնորհակալություն    հայտնել  նրանց՝  մեր  հանդեպ  ունեցած  հարգալից  և   ջերմ  վերաբերմունքի  համար»,-ավելացրել  է  Գ.  Գրիգորյանը:
Նա   տեղեկացրել  է  նաև, որ  համաժողովի  մասնակից  պատվիրակության  կազմերի   ղեկավարները  հանդիպել  են   Հարավային  Օսիայի  սպորտի, երիտասարդության  հարցերի  և տուրիզմի    կոմիտեի  նախագահ  Սերգեյ   Զասեևի  հետ,  քննարկել     երիտասարդության  համագործակցությանը  վերաբերող  գործնական  հարցեր:
Մեր  զրուցակցի  խոսքով՝    համաժողովն   ստեղծել  է  բարենպաստ  պայմաններ՝  կապեր   հաստատելով  և  համագործակցելով    տարբեր  երկրների  երիտասարդության  և   պատասխանատու   մարմինների  ներկայացուցիչների     հետ:  
Ֆորումի ընթացքում  Արցախի  պատվիրակությունը    բացահայտել  է Հարավային  Օսիա  երկիրը, նրա հյուրասեր  ու  հարգալից    ժողովրդին,  որոնք  ունեն    հետաքրքիր  ավանդույթներ, հարուստ  մշակույթ:
«Մենք շնորհակալություն ենք հայտնում Հարավային  Օսիայի    նախագահին, կառավարության  ներկայացուցիչներին, համաժողովի  կազմակերպիչներին, կամավորականներին իրենց  բարի  վերաբերմունքի  և  ուշադրության  համար»,-ընդգծել  է  Գ.  Գրիգորյանը:
Արցախի  պատվիրակության    անդամները  մեզ  հետ  զրույցում    իրենց  գոհունակությունն   են   հայտնել   Հարավային  Օսիայի   ժողովրդին:
Նրանք   մեծ   տպավորություններ  են  ստացել   համաժողովից,  ձեռք  բերել  նոր ծանոթություններ   ու  անմոռանալի  հիշողություններ:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Պուտինի ղեկավարած զորավարժության ժամանակ արտակարգ դեպք է եղել

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Հայ մարտիկը 27 վայրկյանում նոկաուտի է ենթարկել ադրբեջանցուն

Search