Artsakhpress

Քաղաքական

Ղարաբաղյան խնդրի լուծումը մեծապես կապված է փախստականների խնդրի լուծման հետ. ադրբեջանահայերի ՀԿ

Ղարաբաղյան խնդրի լուծումը սերտորեն կապված է փախստականների խնդրի լուծման հետ։

Ղարաբաղյան խնդրի լուծումը մեծապես կապված է փախստականների խնդրի լուծման հետ. ադրբեջանահայերի ՀԿ

Ղարաբաղյան խնդրի լուծումը մեծապես կապված է փախստականների խնդրի լուծման հետ. ադրբեջանահայերի ՀԿ
ՍՏԵՓԱՆԱԿԵՐՏ, 19 հունիսիԱՐՑԱԽՊՐԵՍ: Այս մասին հունիսի 19-ին լրագրողների հետ հանդիպմանն ասել է ադրբեջանահայերի ասամբլեայի ղեկավար Գրիգորի Այվազյանը, հայտնում է News.am-ը:
Փորձագետի խոսքով՝ ղարաբաղյան հիմնախնդրի լուծման հայեցակարգի մշակման գործում հարկավոր է ներառել փախստականների խնդիրը որպես հարցի անքակտելի մաս։ «Ի տարբերություն ադրբեջանցիների, որոնք ակտիվ քաղաքականություն են վարում Ղարաբաղի այսպես կոչված «ադրբեջանցի փախստականների» ներկայացուցիչներին բանակցային գործընթացում ներառելու ուղղությամբ, այդ թվում ԵԱՀԿ-ի միջոցով, հայկական կողմը ոչ մի կերպ չի բարձրացնում այդ հարցը։ Սակայն ակնհայտ է, որ, առաջին հերթին, հենց հայկական կողմը պետք է բարձրացնի փախստականների խնդիրը։ Պետք է միջազգային հանրությանը ներկայացնել, որ հենց էթնիկական հալածանքներն ու իրենց պաշտպանելու ձգտումն են հանգեցրել Ղարաբաղում ինքնապաշտպանություն սկսելու անհրաժեշտությանը, եւ այդկերպ լեգիտմացնելու ղարաբաղահայերի՝ Ադրբեջանի կազմից դուրս ապրելու ձգտումը»,- պարզաբանել է նա։
Այվազյանն ավելացրել է, որ հարցի քաղաքական կողմից բացի Հայաստանը պետք է նաեւ զբաղվի Ադրբեջանից փախստականների սոցիալական խնդիրների լուծմամբ, որոնք կազմում են երկրի բնակչության 12 տոկոսը, որոնք ապրում են վատ պայմաններում եւ ոչ մի սոցիալական երաշխիք չունեն։ «Այս ամենն ասվում է 30 տարի շարունակ, բայց խնդիրն այդպես էլ լուծված չէ։ Եվ եկել է ժամանակը, որպեսզի դրանով սկսեն զբաղվել ոչ թե դիլետանտները, որոնք փորձում են շահ կորզել, այլ պրոֆեսիոնալները։ Բացի այդ, անհրաժեշտ ենք համարում կառավարությունում Տեղեկատվության եւ քարոզչության նախարարության առկայությունը»,- ամփոփել է Գրիգորի Այվազյանը։ 

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Search