Artsakhpress

Միջազգային

Ռուսաստանը վախենում է Պարսից ծոցում նոր կոնֆլիկտի բռնկումից

Մոսկվան վախենում է, որ Պարսից ծոցում կարող է նոր կոնֆլիկտ սկսվել, եւ կոչ է անում «լրջորեն զբաղվել» տարածաշրջանում իրադրության կայունացմամբ:

Ռուսաստանը վախենում է Պարսից ծոցում նոր կոնֆլիկտի բռնկումից

Ռուսաստանը վախենում է Պարսից ծոցում նոր կոնֆլիկտի բռնկումից
ՍՏԵՓԱՆԱԿԵՐՏ, 20 հունիսիԱՐՑԱԽՊՐԵՍ: «Դեռեւս ժամանակ կա կանգ առնելու, խորհրդածելու, անվերահսկելի առճակատման հետագա անցումը կանխելու համար... Կարծում եմ՝ միջազգային հանրության գերակշիռ մեծամասնությունը համաձայն է նման մոտեցմանը եւ ելնում է այն բանից, որ այն այլընտրանք չունի»,- հայտարարել է ՌԴ ԱԳ փոխնախարար Սերգեյ Ռյաբկովը, տեղեկացնում է News.am-ը:
Նա շեշտել է, որ կոչերը չեն արժանանում Վաշինգտոնի արձագանքին:
«Սա իրադրության գիտակցված լարման գծի արտացոլումն է: Մենք չենք կասկածում, որ ԱՄՆ ռազմական եւ քաղաքական ղեկավարությունը ոչ մի գործողության առջեւ կանգ չի առնի, որպեսզի իրավիճակը առավելագույնս բարդացնի եւ գլխավորը՝ մեծացնի Իրանի վրա ճնշումը»,- եզրափակել է դիվանագետը:
Հունիսի 13-ին իրանական եւ արաբական լրատվամիջոցները հայտնել էին, որ Օմանի ծոցում հարձակման են ենթարկվել Front Altair եւ Kokuka Courageous նավթային լցանավերը:
Ոչ պաշտոնական տեղեկություններով՝ դրանց վրա տորպեդներ էին արձակվել, ինչի հետեւանքում նավերում տեղի էին ունեցել պայթյուններ եւ հրդեհ:
Վաշինգտոնը կատարվածի մեղքը բարդել է Թեհրանի վրա եւ հայտարարել, որ մտադիր է պաշտպանել նավագնացության ազատությունը տարածաշրջանում։
Իրանը կտրականապես հերքում է մեղադրանքները՝ դրանք անհիմն հայտարարելով։ Մերձավորարեւելյան պետությունում նաեւ նշել են, որ անհանգստացած են պատահածից եւ հիշեցրել են, որ օգնել են նավաստիների փրկության գործում։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտի շենքերից մեկում հրդեհ է բռնկվել. մահացել է քաղաքացի

«Ղարաբաղ Տելեկոմ»-ը պարզաբանում է ներկայացրել

Արցախցի մարզիկը դարձել է աշխարհի չեմպիոն. այսօր նրան դիմավորել են Ստեփանակերտում

Մովսես Հակոբյանն ու նրա տեղակալներն ազատվել են պաշտոններից

2020 թ-ին հանրապետությունում նախատեսվում է բարձրացնել նվազագույն ամսական աշխատավարձի մակարդակը. Ա. Հարությունյան

Ստեփանակերտում բացվել է «Renaissance Music Hall» երաժշտական ռեստորանը

Արայիկ Գրիգորյանը նշանակվել է Արցախի ազգային անվտանգության ծառայության տնօրենի առաջին տեղակալ

Բակո Սահակյանը ստորագրել է մի շարք օրենքներ

Մովսես Հակոբյանը նշանակվել է ՀՀ ՊՆ ռազմական վերահսկողական ծառայության պետ

Search