Artsakhpress

Հասարակական

«Արարիչ» բարեգործական հիմնադրամը հանդես է եկել նոր նախաձեռնությամբ

«Արարիչ» բարեգործական հիմնադրամի հերթական նախաձեռնության շրջանակներում այսօր՝ հունիսի 23-ին, Ռուսաստանի Դաշնության Գելենջիկ քաղաք է մեկնել 14 երիտասարդ՝ Շուշիի տեխնոլոգիական համալսարանից:

«Արարիչ» բարեգործական հիմնադրամը հանդես է եկել նոր նախաձեռնությամբ

«Արարիչ» բարեգործական հիմնադրամը  հանդես է եկել նոր նախաձեռնությամբ

ՍՏԵՓԱՆԱԿԵՐՏ, 23 հունիսիԱՐՑԱԽՊՐԵՍ: «Արցախպրես»-ի թղթակցի հետ զրույցում «Արարիչ» բարեգործական հիմնադրամի տնօրեն Նարեկ Ավետիսյանն ասել է, որ նոր նախաձեռնության շրջանակներում նախատեսվում է 7-օրյա հանգիստ Սև ծովի ափին գտնվող «Վիկտորիա» առողջարանային համալիրում:

««Արարիչ» բարեգործական հիմնադրամը հոգում է  նախաձեռնության տրանսպորտային ծախսերը: Երիտասարդների հանգստի կազմակերպման մյուս ծախսերը հոգում է «Հայկական գյուղերի զարգացման հիմնադրամ»-ը: Լիարժեք հանգստի համար համապատասխան պայմաններ ունեցող համալիրում երիտասարդները կկարողանան հիշարժան ու բովանդակալից դարձնել իրենց առօրյան՝ կազմակերպելով հետաքրքիր ժամանցային միջոցառումներ: Նրանք հնարավորություն կունենան իրար հետ ավելի շատ շփվելու, իրենց գաղափարներով կիսվելու և ապագայի համար խոստումնալից ծրագրեր պլանավորելու: Հուսով ենք, որ մեր երիտասարդները կվերադառնան անմոռաց ու հրաշալի տպավորություններով, և այս նոր նախաձեռնությունը կարդարացնի մեր սպասելիքները»,-մասնավորապես ասել է նա:

«Հայկական գյուղերի զարգացման հիմնադրամ»-ի տնօրեն Էդգար Վարդապետյանն էլ ասել է, որ Գելենջիկ մեկնող երիտասարդների հանգստի կազմակերպման ծախսերը հոգում է բարերար Վլադիմիր Ավագյանը:
«Արցախաբնակ երիտասարդների շրջանում հանգստի կազմակերպման այսպիսի ձևաչափը ցանկալի է ու պահանջված: Բարերար Վլադիմիր Ավագյանի կողմից նրանց նման ուշադրության արժանացնելու և 7-օրյա անմոռանալի ու բովանդակալից հանգիստ կազմակերպելու նախաձեռնությունը պատկանում է  «Ազատ հայրենիք» կուսակցության նախագահ  Արայիկ  Հարությունյանին:  Ծրագիրը կրելու է շարունակական բնույթ և ընդգրկելու է երիտասարդների ավելի լայն շրջանակ»,-մասնավորապես ասել է նա:
Մեկնող խմբի անդամ,Շուշիի տեխնոլոգիական համալսարանի«Ճարտարապետաշինարարական» ֆակուլտետի «Ճարտարապետություն» բաժնի 3-րդ կուրսի ուսանողուհի Ռոզա Հովսեփյանն էլ շնորհակալություն է հայտնել «Արարիչ» բարեգործական հիմնադրամի ղեկավարությանը՝ գործունեության ընթացքում մշտապես ուսանողներին ուշադրության կենտրոնում պահելու և առօրյան բովանդակալից դարձնելու համար: Նա նաև վստահություն է հայտնել, որ ունենալու են հետաքրքիր ու տպավորիչ 7-օրյա հանգիստ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Մասիս Մայիլյանը ընդունեց իր պարտությունը

Ժամը 20:00-ից դադարեցվելու է մայրաքաղաքում հասարակական տրանսպորտի աշխատանքը

Քաշաթաղի շրջանի Միրիկ գյուղի բնակչի մոտ նոր կորոնավիրուսի վարակ է հայտնաբերվել. քաղաքացին անմիջապես մեկուսացվել է

Ապրիլի 14-ին տեղի կունենա ընտրությունների երկրորդ փուլը. հայտնի են թեկնածուների համարները քվեաթերթիկում

Ստեփանակերտում արձանագրվել է 9 ապրանքատեսակների միջին գների փոփոխություն. Տեղեկատվական շտաբ

Զինծառայող է մահացել

Արցախում կորոնավիրուսի վարակի առկայության վերաբերյալ լուրերը կեղծ են

Կոչ եմ անում իմ աջակիցներին ինքնուրույն որոշում կայացնել ապրիլի 14-ին. Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Արցախում ՀՀ-ից ժամանած երկու քաղաքացիներ են մեկուսացվել. Նրանց թեստերի պատասխանները կստացվեն վաղը

Search