Ռուսատանի իշխանությունները չեն կարող արգելել իրենց քաղաքացիներին Վրաստան կամ որևէ այլ երկիր այցելել, սակայն թռիչքների սահմանափակումները թույլ կտան նվազեցնել ՌԴ-ից տուր-փաթեթները դեպի այդ երկիր:
«Ռուսաստանի իշխանությունները չեն կարող արգելել իրենց քաղաքացիներին որևէ երկիր այցելել». Պեսկով
ՍՏԵՓԱՆԱԿԵՐՏ, 24 հունիսի, ԱՐՑԱԽՊՐԵՍ: Tert.am-ի փոխանցմամբ նշում է interfax.ru-ն, այս մասին հայտարարել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը:
«Բանն այն է, որ Ռուսաստանի՝ տարեկան 1.2 մլն քաղաքացի Վրաստան է այցելում, իսկ թռիչքների համար ժամանակավոր սահմանափակումներ մտցնելը թույլ կտա զգալիորեն կրճատել այդ թիվը»,- ասել է պաշտոնյան:
Նա ընդգծել է, որ որևէ երկիր մեկնելու արգելք չկա, այլ կա միայն նախազգուշացում քաղաքացիներին՝ հաշվի առնելով «այն վտանգը, որը, ցավոք, այսօր առկա է երկրում»:
Հիշեցնենք, որ Ռուսաստանի Դաշնության նախագահ Վլադիմիր Պուտինն ուրբաթ հրամանագիր է ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության նկատառումներով և գործելու է ժամանակավոր:
