Ղազախստանի Թուրքստանի մարզի Առիս քաղաքի շրջանում ռազմամթերքի պահեստներում հրդեհի մարումը դադարեցված Է, քանի որ այնտեղ շարունակվում են պայթյունները:
Ղազախստանում ռազմամթերքի պայթյունների հետեւանքով զոհվածների թիվը հասել Է երկուսի
ՍՏԵՓԱՆԱԿԵՐՏ, 25 հունիսի, ԱՐՑԱԽՊՐԵՍ-ԱՐՄԵՆՊՐԵՍ: Հունիսի 25-ին այդ մասին հայտնել Է հանրապետության ներքին գործերի նախարար Եռլան Տուրգումբաեւը, հաղորդում Է ՏԱՍՍ-ին:
Նա խոստացել Է, որ հունիսի 25-ին իր գերատեսչությունը պաշտպանության նախարարության հետ համատեղ ձեռնամուխ կլինի այդ խնդրի լուծմանը:
Նախարարի խոսքով՝ արտակարգ պատահարի հետեւանքով զոհվել Է երկու մարդ, որոնցից մեկը՝ քաղաքացիական անձ: Եվս 89-ը հոսպիտալացվել Է: Իր հերթին, Ղազախստանի առողջապահության նախարարության ղեկավար Ելժան Բիրտանովը ճշտել Է, որ հունիսի 25-ի առավոտվա դրությամբ 15 մարդ մնում Է վերակենդանացման բաժանմունքում: Ընդամենը բժշկական օգնության Է դիմել 189 մարդ:
Առիս քաղաքի զորամասի տարածքում պայթյունը տեղի Է ունեցել հունիսի 24-ին տեղական ժամանակով 09:20-ին: Իշխանությունները որոշում են ընդունել տարահանել ամբողջ քաղաքը, մարդկանց տեղավորել են հատուկ կազմակերպված ճամբարներում, հյուրանոցներում կամ ուղարկել են հարազատների մոտ:
