Artsakhpress

Հասարակական

Կովկասի ինստիտուտի գիտաշխատողները մայր բուհում հանդես են եկել դասախոսությամբ

Այսօր` հունիսի 25-ին, Կովկասի ինստիտուտի տնօրեն Ալեքսանդր Իսկանդարյանը և նույն ինստիտուտի գիտաշխատող Գոռ Պետրոսյանը Արցախի պետական համալսարանում հանդես են եկել «Ժողովրդավարության ծագումը և վերափոխումները» թեմայով դասախոսությամբ:

Կովկասի ինստիտուտի գիտաշխատողները մայր բուհում հանդես են եկել դասախոսությամբ

Կովկասի ինստիտուտի գիտաշխատողները մայր բուհում հանդես են եկել դասախոսությամբ
ՍՏԵՓԱՆԱԿԵՐՏ, 25 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ ողջունելով հյուրերին՝ Արցախի պետական համալսարանի ռեկտոր Արմեն Սարգսյանն ասել է, որ ինստիտուտի հետ մայր բուհի համագործակցությունը գտնվում է բարձր մակարդակի վրա:
Ա. Սարգսյանը նշել է, որ այդ համագործակցությունը ունի տարիների պատմություն, և յուրաքանչյուր տարի Կովկասի ինստիտուտը Արցախի պետական համալսարանում հանդես է գալիս նոր ծրագրերով:
Այնուհետև ինստիտուտի գիտաշխատող Գոռ Պետրոսյանը ներկայացրել է ժողովրդավարության ծագումը և վերափոխումները, պատմական հիմքերը և զարգացման փուլերը:
Նրա խոսքով՝ վերջին տասնամյակների ընթացքում ամբողջ աշխարհում թրենդային է դարձել ժողովրդավարական կոչել բոլոր տեսակի համակարգերը:
«Թեման այսօր էլ արդիական է ու կարևոր:  Ժողովրդավարությունը հանդիսանում է լեգիտիմացիայի գործիք պատմական այն ժամանակաշրջանի համար, որում ապրում է մարդը: Ժողովրդավարության թեման այսօր հետաքրքրում է ամբողջ աշխարհի հասարակությանը, հատկապես՝ երիտասարդությանը, ուստի անհրաժեշտ է, որ ուսանողները բազային գիտելիքներ ունենան ժողովրդավարության մասին, որպեսզի նրանք հասկանան, թե ինչ սկզբունքներ ունի ժողովրդավարոթյունը, ինչպես է առաջացել և ինչ վերափոխումների է ենթարկվել»,- ասել է Գ. Պետրոսյանը:
Կովկասի ինստիտուտի տնօրեն Ալեքսանդր Իսկանդարյանն ընդգծել է ժողովրդավարության դերը՝ նշելով, որ հատկապես կարևոր է դրա կոմպետենտ լինելը:
Հանդիպման վերջում բանախոսները պատասխանել են ուսանողների բարձրացրած հարցերին:

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Լուսանկարներ. ՀՀ ԶՈւ-երը խոցել են հայկական դիրքերը գրոհող ադրբեջանական «ՈՒԱԶ»-ը. Banakinfo

Պարետի որոշմամբ խստացվել են Արցախ մուտք գործելու պահանջները

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Հանրապետությունում արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search