Artsakhpress

Մշակույթ

Գրիգոր Նարեկացի համալսարանում տեղի է ունեցել գրական ցերեկույթ՝ նվիրված սփյուռքահայ գրող Հրանտ Մարգարյանին

Արցախի գրողների միության և Համազգային հայ կրթական ու մշակութային միության Արցախի գրասենյակի նախաձեռնությամբ Գրիգոր Նարեկացի համալսարանում այսօր տեղի է ունեցել գրական ցերեկույթ՝ նվիրված սփյուռքահայ գրող, պրոֆեսոր, թատերագիր, բեմադրիչ, դերասան Հրանտ Մարգարյանին:

Գրիգոր Նարեկացի համալսարանում տեղի է ունեցել գրական ցերեկույթ՝ նվիրված սփյուռքահայ գրող Հրանտ Մարգարյանին

Գրիգոր Նարեկացի համալսարանում տեղի է ունեցել գրական ցերեկույթ՝ նվիրված սփյուռքահայ գրող Հրանտ Մարգարյանին
ՍՏԵՓԱՆԱԿԵՐՏ, 25 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ ողջունելով ներկաներին՝ Արցախի գրողների միության նախագահ, Գրիգոր Նարեկացի համալսարանի ռեկտոր Վարդան Հակոբյանն ասել է, որ Հրանտ Մարգարյանն իր բանաստեղծություններով, թատերգություններով, բեմադրություններով, դերասանական բարձր արվեստով և հասարակական ակտիվ գործունեությամբ հայ ընթերցողին հայտնի է շատ վաղուց:
«Դժվար է Սփյուռքում լծվել հայապահպանության գործին և այդքան ամուր կապ ունենալ հայրենիքի հետ: Ճշմարիտ բանաստեղծը նա է, ով նոր ճանապարհ է ստեղծում: Եվ այդ ճանապարհը որտեղ էլ ստեղծվի, պետք է ուղեկցի մայր հայրենիք: Հրանտ Մարգարյանի ստեղծած ճանապարհը նրան վերադարձնում է հայրենիք: Ողջունում եմ Հրանտ Մարգարյանի դրամատուրգիական տաղանդը, որը որոշակիորեն նպաստում է նրա բանաստեղծությունների խորը ներկայացմանը»,- նշել է Վ. Հակոբյանը:
Այնուհետև Վարդան Հակոբյանն Արցախի գրողների միության անդամի տոմս է տրամադրել սփյուռքահայ գրողին:
Համազգային հայ կրթական և մշակութային միության Արցախի գրասենյակի տնօրեն Հերմինե Ավագյանի խոսքով՝ Հրանտ Մարգարյանն այսօր ապրում է Նյու Յորքում, մաս է կազմում Համազգային հայ կրթական և մշակութային միությանը ու Հայ Հեղափոխական Դաշնակցությանը և մշտապես կապը պահում է մայր հայրենիքի հետ:
«Կյանքի լավագույն տարիները նա նվիրել է կուսակցական գործունեությանը և Համազգային հայ կրթական ու մշակութային միությանը, իսկ միությունը Սփյուռքում ունի մեծ առաքելություն: Այդ առաքելությունը հայ կրթության և մշակույթի պաշտպանությունն ու պահպանությունն է, տարածումն ու սերմանումը: Միաժամանակ նա հասցնում է լինել Սփյուռքի տարբեր գաղթօջախներում, որտեղ կան հայկական համայնքներ: Տարեցտարի հայրենիքին օգնելու նրա պատրաստակամությունը և նվիրվածությունը ավելի ու ավելի է կրկնապատկվում»,- նշել է Հ. Ավագյանը:
Համազգային հայ կրթական և մշակութային միության Արցախի գրասենյակի տնօրենի խոսքով՝ Հ. Մարգարյանը հանդիսանում է նաև Հայ բժիշկների ֆոնդի անդամ: Այդ կազմակերպության առաքելություններից մեկն է հայրենիքում բժշկական տարբեր սարքավորումների մատակարարումը և հիվանդանոցների կառուցումը:
Արցախ կատարած այցերի ընթացքում էլ Հրանտ Մարգարյանը ցուցաբերում է որոշակի աջակցություն:
Իր խոսքում սփյուռքահայ գրողն ասել է, որ 1990 թ.-ից ի վեր պարբերաբար այցելում է Արցախ և ինչպես նախորդ, այնպես էլ այս այցի ընթացքում հասցրել է լինել դիրքերում:
2018 թ.-ին լրացել է գրողի ծննդյան 80-ամյակը, սակայն, ըստ նրա, անելիքներ դեռ կան ինչպես գրական ասպարեզում, այնպես էլ հայրենիքին աջակցելու գործում:
Հ. Մարգարյանը շնորհակալություն է հայտնել միջոցառման կազմակերպիչներին՝ նշելով, որ շատ կարևոր է լինել հայրենիքին այսքան մոտ և գրական ստեղծագործությունները ներկայացնել արցախցի գրչակից ընկերներին:
Միջոցառմանը ներկայացվել է Հրանտ Մարգարյանի ծննդյան 80 և մշակութային գործունեության 65- ամյակներին նվիրված ֆիլմ:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Պուտինի ղեկավարած զորավարժության ժամանակ արտակարգ դեպք է եղել

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Հայ մարտիկը 27 վայրկյանում նոկաուտի է ենթարկել ադրբեջանցուն

Կայացել է «Վաղվա Արցախ» կուսակցության հիմնադիր համագումարը

Search