Artsakhpress

Քաղաքական

Խորհրդարանը պատրաստվում է նստաշրջանի եզրափակիչ նիստին

ԱԺ նախագահ Աշոտ Ղուլյանը հունիսի 26-ին հրավիրել է աշխատանքային խորհրդակցություն՝ խորհրդարանի նախագահի տեղակալի, մշտական հանձնաժողովների ու խմբակցությունների ղեկավարների, աշխատակազմի պատասխանատուների մասնակցությամբ:

Խորհրդարանը պատրաստվում է նստաշրջանի եզրափակիչ նիստին

Խորհրդարանը պատրաստվում է նստաշրջանի եզրափակիչ նիստին
ՍՏԵՓԱՆԱԿԵՐՏ, 26 հունիսի, ԱՐՑԱԽՊՐԵՍ: Արցախի Հանրապետության Ազգային ժողովի լրատվության և հանրության հետ կապերի բաժի փոխանցմամբ՝ խորհրդարանի ղեկավարը ներկայացրել է հերթական նիստում քննարկվելիք պարտադիր հարցերի ցանկը. ԱՀ 2018թ. պետական բյուջեի կատարման մասին հաշվետվություն, Հաշվեքննիչ պալատի 2018թ. գործունեության վերաբերյալ տարեկան հաղորդում և ԱԺ-Կառավարություն հարցուպատասխան:
Այնուհետև օրինագծերի պատրաստության և դրանց շուրջ հանձնաժողովային քննարումների վերաբերյալ պարզաբանումներ են տվել մշտական հանձնաժողովների պատասխանատուները:
Այդպիսով՝ հերթական նիստի օրակարգի նախագծում տեղ է գտել 13 օրենսդրական նախաձեռնություն:
Խորհրդակցության ընթացքում քննարկվել են նաև խորհրդրանական գործունեությանն ու աշխատանքների կազմակերպանն առնչվող այլ հարցեր:
Ամփոփելով խորհրդակցությունը՝ ԱԺ նախագահը հայտարարել է, որ 9-րդ նստաշրջանի վերջին նիստը տեղի կունենա վաղը՝ հունիսի 27-ին ժամը 11:00-ին:
Այսօր՝ ավելի վաղ, Հովիկ Ջիվանյանի նախագահությամբ տեղի է ունեցել ԱԺ պետական-իրավական հարցերի մշտական հանձնաժողովի նիստը:
Արդարադատության նախարար Արարատ Դանիելյանը հանձնաժողովի քննարկմանն է ներկայացրել մի շարք օրենսդրական նախաձեռնություններ:
Խոսելով «Հանրաքվեի մասին» ԱՀ օրենքի նախագծի մասին՝ նախարարը նշել է, որ առաջին ընթերցումից հետո առաջարկներ է ստացել պատգամավորներ Էդուարդ Աղաբեկյանից, Գագիկ Բաղունցից և «Դաշնակցություն» խմբակցությունից: Նախարարը նիստի ընթացքում պարզաբանումներ է ներկայացրել վերոնշյալ առաջարկները չընդունելու առնչությամբ և պատասխանել պատգամավորների հարցերին: Հանձնաժողովը օրինագծի վերաբերյալ տվել է դրական եզրակացություն:
Հանձնաժողովի նիստի օրակարգային մյուս հարցը պատգամավոր Էդուարդ Աղաբեկյանի հեղինակած՝ «ԼՂՀ ընտրական օրենսգրքում լրացում կատարելու մասին» ԱՀ օրենքի նախագիծն էր, որի քննարկումը, սակայն, հեղինակի առաջարկով, հետաձգվել է մինչև «Արցախի Հանրապետության ընտրական օրենսգիրք» ԱՀ օրենքի նախագծի երկրորդ ընթերցումը:
Նախարարը հաջորդիվ ներկայացրել է «Արցախի Հանրապետության ընտրական օրենսգիրք» ԱՀ օրենքի նախագիծը՝ ուղեկցող օրենքների նախագծերի փաթեթով: Պատգամավորները քննարկել և հանդես են եկել առաջարկություններով: Հանձնաժողովը դրական ընթերցմամբ հավանություն է տվել օրինագիծն առաջին ընթերցմամբ հերթական նիստի օրակարգում ներառելուն:
Քննարկվել և հանձնաժողովի դրական եզրակացությանն է արժանացել նաև «ԼՂՀ քաղաքացիական օրենսգրքում լրացումներ և փոփոխություններ կատարելու մասին» ԱՀ օրենքի նախագիծը՝ ուղեկցող փաթեթով:
Արարատ Դանիելյանը պատգամավորների քննարկմանն է ներկայացրել «Կուսակցությունների մասին» ԱՀ օրենքի նախագիծը և առաջարկել այն քննարկել առաջին ընթերցմամբ: Այս նախագիծը ևս հավանություն է ստացել՝  հերթական նիստի օրակարգում ընդգրկվելու համար:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ասկերանի շրջանի բնակիչը ձիով պայթել է հակահետևակային ականի վրա

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ստեփանակերտում կազմակերպվել է ֆլեշ մոբ

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արցախցի մարզիկը դարձել է աշխարհի չեմպիոն. այսօր նրան դիմավորել են Ստեփանակերտում

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Search