Artsakhpress

Հասարակական

Ստեփանակերտում նշվել է հայրենիքի համար նահատակվածների և անհայտ կորած ազատամարտիկների հիշատակի օրը (լուսանկարներ)

Հայրենիքի համար նահատակվածների և անհայտ կորած ազատամարտիկների հիշատակի օրվա առթիվ այսօր՝ հունիսի 29-ին, Ստեփանակերտի քաղաքային հուշահամալիրում կազմակերպվել է հիշատակի միջոցառում:

Ստեփանակերտում նշվել է հայրենիքի համար նահատակվածների և անհայտ կորած ազատամարտիկների հիշատակի օրը (լուսանկարներ)

Ստեփանակերտում նշվել է հայրենիքի համար նահատակվածների և անհայտ կորած ազատամարտիկների հիշատակի օրը (լուսանկարներ)
ՍՏԵՓԱՆԱԿԵՐՏ, 29 հունիսի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝  ԱՀ  նախագահ  Բակո Սահակյանը, Արցախի  թեմի  առաջնորդ  Պարգև  արքեպիսկոպոս  Մարտիրոսյանը, պետական  այրեր, անհայտ կորած ազատամարտիկների  հարազատներ, զինվորականներ,  հյուրեր     ծաղիկներ   և  ծաղկեպսակ  են  տեղադրել  Անհայտ կորած ազատամարտիկների հիշատակին կանգնեցված հուշակոթողին:
Արցախի  թեմի  առաջնորդ  Պարգև  արքեպիսկոպոս  Մարտիրոսյանը    հանդես  է  եկել    օրհնանքի  խոսքով:
Նա  իր  խոսքում   մասնավորապես  ասել է. «Բոլոր  ժամանակներում   մենք   ի  վիճակի  ենք  եղել  հաղթահարելու մեր  առջև  ծառացած    դժվարությունները  և    դեռ   պիտի  շարունակենք  հաղթահարել:  Խոնարհվելով    Անհայտ կորած ազատամարտիկների հիշատակին կանգնեցված  հուշակոթողի առաջ,  ասում ենք՝  մեր   գործն  արդար  է, ձեր   վճարած  գինն  իզուր չէ: Այն   շատ  թանկ  է  մեր  անկախության  և   ազատության  համար.  մենք այն   շարունակելու  ենք  մինչև  վերջնական   հաղթանակ»:
Մեզ  հետ  զրույցում  ԱՀ անհայտ կորած ազատամարտիկների հարազատների միության նախագահ Վերա Գրիգորյանն  ասել  է, որ  Արցախում    պաշտոնապես  գրանցված  է  773  անհայտ  կորած, որից  250-ն  ազտամատիկներ են, իսկ    523-ը՝   խաղաղ  բնակիչներ:
«Մեր  կազմակերպության   ստեղծման   21  տարիների  ընթացքում  հաջողվել  է  2000  թվականին՝  բանակցությունների  արդյունքում,   փրկագնի   դիմաց   ազատել  Ասկերանի  շրջանի   մեկ  բնակչի:  Իսկ  2003  թվականին՝  անհայտ կորածների հարցերով զբաղվող հանրապետական  հանձնաժողովի, Կարմիր  խաչի   միջազգային  կոմիտեի  և  իրավապահ  մարմինների     համատեղ   միջնորդությամբ Մարտակերտի  շրջանի   մեկ  բնակչի   դիակն է  փոխանակվել: Անհայտ  կորածների  վերաբերյալ  ունենք     բազմաթիվ   տեղեկություններ, որոնց  մասին  տեղեկացրել  ենք  իրավապահ  մարմիններին  և համապատասխան  հանրապետական  հանձնաժողովին»,-տեղեկացրել  է  Վ. Գրիգորյանը:
Անհայտ  կորած  ազատամարտիկի    մայր  Շուշիկ Հայրապետյանի խոսքով՝  ինքը   միայնակ  է  ապրում  Ասկերանի    շրջանի  Ավետարանոց  համայնքում,    և  արդեն   շուրջ   25  տարի  է  ինչ  որդին՝ Հենրիխ   Հայրապետյանը  գերության մեջ  է,  և  որևէ  տեղեկություն       դեռ   չի  ստացել:   

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը հաստատել է ԱՀ Կառավարության որոշումներ՝ դրամական աջակցության տրամադրման մասին

Արցախում ավտովթարի հետևանքով ծանր վնասվածք ստացած երեխան ռուս խաղաղապահների ուղղաթիռով տեղափոխվել է Երևան

Ադրբեջանցիները Շուշիի Կանաչ ժամի տարածքում ճաշարան են կառուցել (տեսանյութ)

Կյանքից հեռացել է վաստակավոր բժիշկ Բրինա Մարությանը

68 000 ՀՀ դրամի չափով տրամադրված ֆինանսական աջակցությունից չօգտված քաղաքացիների դիմումների ընդունումը շարունակվում է

Հրավիրելու ենք մասնագետների, ովքեր իշխանության մաս չեն, սակայն ունեն լուրջ որակավորում.Արայիկ Հարությունյան

Մեր տեղահանված հայրենակիցները պետք է ունենան կարգավիճակ. Արտակ Բեգլարյան

«Ավրորա» մարդասիրական նախաձեռնությունը 500 000 դոլար կհատկացնի Արցախում իրականացվող նախագծերի համար

Մինչև հունվարի վերջ Ստեփանակերտում բնակարանամուտ կտոնի ընդհանուր առմամբ 300 ընտանիք

Search