Artsakhpress

Հասարակական

Արցախի մի խումբ երիտասարդներ իրենց հանգիստն անցկացնելու նպատակով մեկնել են ՌԴ Գելենջիկ քաղաք

«Արարիչ» բարեգործական հիմնադրամի նախաձեռնության և «Հայկական գյուղերի զարգացման հիմնադրամ»-ի համատեղ աջակցությամբ այսօր՝ հունիսի 29-ին, Արցախի պետական համալսարանի գերազանց առաջադիմությամբ սովորող սոցիալական տարբեր կարգավիճակի ընտանիքների 14 ուսանող մեկնել է Ռուսաստանի Դաշնության Գելենջիկ քաղաք:

Արցախի մի խումբ երիտասարդներ իրենց հանգիստն անցկացնելու նպատակով մեկնել են ՌԴ Գելենջիկ քաղաք

Արցախի  մի  խումբ  երիտասարդներ   իրենց   հանգիստն    անցկացնելու  նպատակով  մեկնել  են  ՌԴ   Գելենջիկ  քաղաք
ՍՏԵՓԱՆԱԿԵՐՏ, 29 հունիսի, ԱՐՑԱԽՊՐԵՍ«Արցախպրես»-ի թղթակցի հետ զրույցում «Արարիչ» բարեգործական հիմնադրամի տնօրեն Նարեկ Ավետիսյանն ասել է, որ ծրագրի  շրջանակներում նախատեսված  է 7-օրյա հանգիստ Սև ծովի ափին գտնվող «Վիկտորիա» առողջարանային համալիրում:
Նրա  խոսքով՝  նախաձեռնության  առաջին  փուլի   մասնակիցներն    իրենց  գոհունակությունն  են  հայտնել  կազմակերպիչներին, ովքեր  նման  հնարավորություն են  ընձեռել  իրենց:
 Ծրագրի  մասնակից  Հռիփսիմե    Մկրտչյանը  մեզ  հետ  զրույցում ասել է, որ     ինքը  երկրորդ  անգամ   է  մեկնում  Ռուսաստանի  Դաշնություն:
Նա  կարևորել  է  բարերարների կողմից  իրականացվող  նման  ծրագիրը, որը  նպատակ  ունի  ճանաչել   նաև  ՌԴ  տեսարժան  վայրերը  և  անցկացնել  լիարժեք  7-օրյա  հանգիստ:
«Բացի   ճանաչողական  այցից,  այս  ծրագիրը  նաև   համախմբում  է  մեզ՝  երիտասարդներիս, որպեսզի  ավելի  մոտիկից  ճանաչենք  ու  շփվենք  միմյանց  հետ: Հուսով  ենք, որ  կունենանք  հետաքրքիր  հանգստյան  օրեր  և   կվերադառնանք    լավ  հիշողություններով»,-մասնավորապես  ասել է Հ. Մկրտչյանը:

     

Քաղաքական

Տնտեսական

Հասարակական

Ռազմական

Search