ՍՏԵՓԱՆԱԿԵՐՏ, 3 հուլիսի, ԱՐՑԱԽՊՐԵՍ: Ակումբում  ցուցադրվում  են «Ղարաբաղ»  ֆուտբոլային  թիմի  մասին   պատմող  տարբեր  տարիների լուսանկարներ, գավաթներ, մեդալներ,  գրքեր  և  ֆուտբոլին  վերաբերող  այլ  իրեր: 

«Արցախպրես»-ի  թղթակցի   հետ   զրույցւոմ   ՀՀ  և  ԱՀ   սպորտի  վաստակավոր   գործիչ,   ակումբի  ղեկավար   Ռազմիկ  Պետրոսյանն  ասել   է,  որ   թանգարանի   բացման  նպատակն   է, որպեսզի  Արցախում, Հայաստանում  և   արտերկրում   ապրող  քաղաքացիները  հնարավորություն  ունենան      ծանոթանալու  «Ղարաբաղ»  ֆուտբոլային  թիմի    գործունեությանը:

Ռ.  Պետրոսյանի  խոսքով՝     ակումբում    ցուցադրված   նմուշներն  իր  անձնական  արխիվից  են:

Նա  տեղեկացրել է, որ  ակումբի  անդամները   պայմանավորվածություն  են  ձեռք  բերել    հանրակրթական  դպրոցների    պատասխանատուների   հետ, որպեսզի    ուսումնական  տարվա   ընթացքում   աշակերտները  պարբերաբար   այցելեն  իրենց  մոտ   և  ծանոթանան  «Ղարաբաղ»  ֆուտբոլային  թիմի  դերակատարությանը:

Ռ. Պետրոսյանը  նաև  իր  պատրաստակամությունն  է  հայտնել՝   հարկ  եղած   դեպքում  թիմի  մյուս  անդամների  հետ  պարապմունքներ   անցկացնել   ֆուտբոլասերների  հետ  և  իրենց  ունեցած  փորձն ու  գիտելիքները  փոխանցել   երիտասարդ  սերնդին:

«Եթե   ուզում   ենք, որ  Արցախը    լավ   պատրաստված  ֆուտբոլիստներ  ունենա, ապա   պետք  է  անպայման մեչ ֆուտբոլային  հավաքականը    խաղա   Հայաստանի  առաջնության  «A» և  «B» խմբերում, որից    շուրջ   3  տարի  հետո   մենք  կունենանք փորձառու   ֆուտբոլիստներ»,- նշել  է  Ռ. Պետրոսյանը:

Խոսելով՝ ընթացիկ  տարվա  հունիսի 1-9-նն Արցախում  անցկացված  ConiFA-2019 (Անկախ ֆուտբոլային ասոցիացիաների կոնֆեդերացիա) Եվրոպայի առաջնության      մասին, մեր  զրուցակիցն  ասել է, որ    այն  կազմակերպված  էր   բարձր  մակարդակով, որը   նոր  խթան  կհանդիսանա  ֆուտբոլի  մասսայականացմանը, և  լուրջ  ուշադրություն    կդարձվի այդ  սպորտաձևի  զարգացմանը: 

Տեղեկացնենք նաև, որ    ԱՀ   «Ղարաբաղ»  ֆուտբոլային  թիմի վետերանների  ակումբը   գտնվում  է   Ստեփանակերտի  Վազգեն  Սարգսյան  25  հասցեում (Վարդագույն   շենքի  3-րդ  հարկում ):

Նշենք, որ  Լեռնային Ղարաբաղում ֆուտբոլային ակումբը հիմնադրվել է 1927 թվականին, որպես «Դինամո» մարզական հասարակության նախագիծ։ Այդ ժամանակահատվածում Խորհրդային Միության շատ փոքր քաղաքներ ևս ունեցել են նման կարգավիճակ։ Սակայն դա եղել է առաջին դեպքը, երբ նման ֆուտբոլային ակումբին հաջողվում էր հանդես գալ ազգային և տարածաշրջանային մրցաշարերում։ «Դինամո Ստեփանակերտ» ֆուտբոլային ակումբը 1950 թվականին կատարել է իր առաջնամուտը ԽՍՀՄ գավաթի խաղարկության մրցաշարում։