Artsakhpress

Մշակույթ

Օգոստոսին «Մատենադարան-Գանձասար» գիտամշակութային կենտրոնում կազմակերպվելու է միջազգային գիտաժողով. Վահան Տեր-Ղևոնդյան

ԱՀ նախագահի հետ քննարկել ենք «Մատենադարան-Գանձասար» գիտամշակութային կենտրոնում առաջիկայում իրականացվելիք ծրագրերը:

Օգոստոսին «Մատենադարան-Գանձասար» գիտամշակութային կենտրոնում կազմակերպվելու է միջազգային գիտաժողով. Վահան Տեր-Ղևոնդյան

Օգոստոսին   «Մատենադարան-Գանձասար» գիտամշակութային կենտրոնում  կազմակերպվելու  է     միջազգային  գիտաժողով. Վահան Տեր-Ղևոնդյան
ՍՏԵՓԱՆԱԿԵՐՏ, 8 հուլիսի, ԱՐՑԱԽՊՐԵՍ: Արցախի Հանրապետության Նախագահ Բակո Սահակյանի  հետ   հանդիպումից  հետո   «Արցախպրես»-ի  թղթակցի  հետ  զրույցում    այս   մասին   ասել  է Մեսրոպ Մաշտոցի անվան հին ձեռագրերի գիտահետազոտական ինստիտուտի՝ Մատենադարանի տնօրեն Վահան Տեր-Ղևոնդյանը:
Նա     տեղեկացրել է, որ  օրերս  իր   հրամանի  համաձայն՝   «Մատենադարան-Գանձասար»-ի  տնօրեն   է  նշանակվել     կառույցի   ժամանակավոր  տնօրենի  պաշտոնակատար  Արամ  Թորոսյանը. նա  ընտանիքով   Երևանից  տեղափոխվել   և   բնակվում  է  Արցախում:
Խոսելով  առաջիկա    միջոցառումների  մասին՝  մեր  զրուցակիցը   նաև ասել  է. «Նախատեսում  ենք  օգոստոսի  վերջին    կենտրոնում  կազմակերպել  «Հայոց   արևելից  կողմանք. պատմություն  և  մշակույթ»  խորագրով  միջազգային  գիտաժողով:  Ծրագրի  ընթացքում   կհնչեն    18  զեկույցներ,   ինչպես  նաև  կկազմակերպվեն    այցելություններ  դեպի  Արցախի  պատմամշակութային  վայրեր, կլինեն  նաև  հանդիպումներ  ԱՀ  ղեկավարության  հետ: Գիտաժողովը   մեծ  հնարավորություն  է  ևս  մեկ  անգամ  հասարակության    ուշադրությունը   հրավիրելու  պատմական, բանասիրական, մշակութաբանական   և այլ   խնդիրների  վերհանմանը, ուսումնասիրմանը    և  ներկայացմանը»:
Ըստ  Վահան Տեր-Ղևոնդյանի՝ «Մատենադարան-Գանձասար» գիտամշակութային կենտրոն  այցելողների  թիվը  տարեցտարի  ավելանում  է,  և   եթե   առաջին  տարին իրենք  ունեցել  են  11  հազար այցելու, երկրորդ  տարին՝  14,   երրորդ  տարին՝  17, ապա  չի   բացառվում, որ    2019  թվականին   այդ  թիվը   կհասնի  18-20  հազարի:
«Մատենադարան    հաճախողները  հնարավորություն  ունեն   հայերեն, ռուսերեն  և  անգլերեն բացատրություններ  լսելու:  Մեծ  ցանկություն  ունենք, որպեսզի   «Մատենադարան-Գանձասար»-ի այցելուների   մեծ  մասը  լինեն  արտերկրից  ժամանածներ. այդ   ուղղությամբ մենք  աշխատանքներ  ենք  իրականացնում: Բացի  գիտաժողովների  և  ցուցահանդեսների  կազմակերպումից, նաև    մեծ  կարևորություն  ենք  տալիս  գրքերի  շնորհանդեսներին:   Ինչպես  Մայր  Մատենադարանում, այնպես  էլ  Արցախում  մենք  ցանկանում  ենք  ունենալ     հիմնական   և   ժամանակավոր ցուցադրություններ:  Այդ  կերպ  «Մատենադարան-Գանձասար»-ը     կդառնա   գիտական   ու  մշակութային  հարցերի  քննարկման մի  հարթակ, որը   կնպաստի  կենտրոնի  հետագա   զարգացմանը»,-ավելացրել  է   Վահան Տեր-Ղևոնդյանը: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Եթե Ադրբեջանը ԼՂ հարցում կատեգորիկ է, մենք էլ կասենք` Արցախը Հայաստանն է ու վերջ. Փաշինյան

Search