Դաշնակցությունը հայտարարել է, որ մասնակցելու է Արցախի նախագահական և խորհրդարանական ընտրություններում, իսկ հատուկ նիստ է հրավիրելու՝ նախագահի թեկնածու առաջադրելու համար։
Դաշնակցությունը թեկնածու կառաջադրի Արցախի նախագահի ընտրություններում
- Հայաստանի Հանրապետության իշխանությունների հետ հարաբերություններում առաջացած մտահոգիչ լարվածությունը,
- Բանակցային գործընթացում առկա մարտահրավերներն ու վտանգները և այդ առումով Արցախի սուբյեկտայնության բարձրացման հրամայականը,
- Արցախի հիմնախնդրի համահայկական նշանակությունը հայ ժողովրդի պահանջատիրության և նպատակների իրականացման գործում,
- Նոր սահմանադրական կարգով իրականացվող առաջին համապետական ընտրությունները վճռորոշ դեր են ունենալու Արցախի Հանրապետության ներքին կյանքում և արտաքին հարաբերություններում,
- Ընտրությունները պետք է մեկ անգամ ևս վերահաստատեն էլ ավելի հզորացված, ավելի ժողովրդավարական և սոցիալական պետություն կառուցելու ժողովրդի կամքը,
- Քաղաքական որևէ գործընթաց չպետք է խաթարի ժողովրդի միասնականությունը:
- Արցախի Հանրապետության Սահմանադրությամբ ամրագրված տարածքային ամբողջականության վերականգնումը,
- Հայաստան-Արցախ ռազմավարական դաշինքի՝ իրավապայմանագրային հիմքի վրա ամրապնդումը,
- Սոցիալական արդարության, մարդու իրավունքների պահպանության և օրենքի գերակայության վրա հիմնված ներազգային համերաշխության ապահովումը,
- Զսպումների և հակակշիռների մեխանիզմների ներդրմամբ պետական համակարգի հավասարակշռման, անմիջական ժողովրդավարության ընդլայնմանն ու ամրապնդմանն ուղղված՝ Արցախի Հանրապետության նոր Սահմանադրության ընդունումը,
- Վերաբնակեցման համակարգված, լայնածավալ ու հետևողական իրականացումը:
- Մասնակցել ԱՀ նախագահական և խորհրդարանական ընտրություններին,
- Հանձնարարել նորընտիր Կենտրոնական կոմիտեին՝ բազմակողմանի բանակցություններ սկսել ազգային միասնական օրակարգի հիման վրա նախագահի համաձայնեցված թեկնածու առաջադրելու շուրջ,
- Բանակցությունների արդյունքների հիման վրա աշնանը հրավիրել Արտակարգ ժողով՝ ՀՅ Դաշնակցության կողմից ԱՀ նախագահի թեկնածու առաջադրելու օրակարգով»: