Թուրքիայի մի խումբ քաղաքացիներ դիմում ներկայացրել խորհրդարան և պահանջել պատասխան տալ տարբեր երկրների խորհրդարաններում Հայոց ցեղասպանության մասին բանաձևերի ընդունմանը։
Թուրքիայի մի խումբ քաղաքացիներ խորհրդարանից պահանջում են հակազդել Հայոց ցեղասպանության բանաձևերի ընդունմանը. Milliyet
ՍՏԵՓԱՆԱԿԵՐՏ, 9 հոքլիսի, ԱՐՑԱԽՊՐԵՍ: Խորհրդարանից պահանջվել է «գործի անցնել, քանի որ թուրք քաղաքացիները «անպաշտպան են մնացել՝ ենթարկվելով ֆիզիկական և հոգեբանական ճնշումների», գրում է ermenihaber.am լրատվական կայքը:
Ըստ թուրքական աղբյուրի՝ խորհրդարան ներկայացված դիմումի մեջ ներառված են մի քանի կետեր։
Կետերց մեկում ասվում է, որ ցեղասպանության մասին բանաձևերի ընդունումով «թիրախավորվում է թուրք ժողովուրդը, ինչպես նաև առհասարակ ցեղասպանություն չընդողները»։
Մյուս կետում ասվում է, որ նշյալ բանաձևերով խախտվում են Թուրքիայի քաղաքացիների իրավունքները, հավելելով, որ Հայոց ցեղասպանության մասին բանաձևերն ուղղակիորեն «թիրախավորում են խոսքի և մտքի ազատությունը»:
Այդ կետում ասվում է նաև, որ այդ բանաձևերը անտեսում են «օսմանյան ժողովուրդների», մասնավորապես «թուրք ժողովրդի կոտորածները նախորդ դարում», շեղվում են ընդհանուր ցավի գաղափարից՝ թիրախավորելով թուրքերին և Թուրքիայի քաղաքացիներին»:
Երրորդ կետում ասվում է, որ Թուրքիայի խորհրդարանը մինչ օրս համաչափ պատասխան չի տվել Իտալիայի, Ֆրանսիայի խորհրդարանների՝ Հայոց ցեղասպանությունը դատապարտող որոշումներին
Դիմումը ներկայացրած քաղաքացիները Թուրքիայի իշխանություններից պահանջել են հստակ քայլեր ձեռնարկել այս հարցի շուրջ։
